Skip to main content
75

Dette jobopslag er udløbet

Nuummi akuleriinnik meeraateqarfimmut Paarsisumut aqutsisussamik pissarsiorpoq / Atorfiup normua 268/20

Kommuneqarfik Sermersuumi Nuummi akuleriinnik meeraateqarfik Paarsisoq Samuel Kleinschmidtip aqqutaa 3-imi inissisimavoq, 36-nillu meeraaqqerivimmi inissaateqarluni 54-inillu meeqqerivimmi inissaateqarluni. Meeqqerivik ammasarpoq nal. 07.00-imiit – 17.00-imut.

Aqutsisup aqutsinermini akisussaaffigai sulisussarititaasut tamakkiisumik 21-iaasut ima agguataarsimasut: aqutsisoq, tullersorti, immikkoortortami aqutsisoq, pædagogit sisamat, socialhjælperit arfinillit, ikiortit arfinillit, asaasoq igaffimmilu sulisoq.

Aqutsisoq meeqqerivimmi perorsaanermik suliaqarpoq sulisarlunilu nal. 08.00-ip 16.00-illu akornanni.
Aqutsisoq, tullersorti immikkoortortamilu aqutsisoq aqutsisoqatigiittut inissisimapput akisussaaffigalugillu perorsaaneq aqqutigalugu ineriartortitsineq, angajoqqaanik suleqateqarneq sulisunillu aqutsineq.

Aqutsisup suliassaqarfii:
Aqutsisoq tassaavoq tullersortimut immikkoortortamilu aqutsisumut siunnersortaasoq perorsaaneq aqqutigalugu suliaqarnermi siunnerfinnik pingaarnernik, anguniakkanik kiisalu malitassanik ulluinnarni malitsitsisoqarnissaannik peqatigiillutik suliaqartussat. Aqutsisoq tassaassaaq suliassatigut kiisalu sulisutigut meeqqerivimmi sulisunut qaninnertut aqutsisutut inissisimasussaq. Taassuma saniatigut meeqqeriviup aningaasaqarneranut ingerlatsinermullu aningaasartuutaanut innersuussisussaatitaavoq akisussaaffigalugillu.   

Qinnuteqartumut piumasaqaatit:

  • Meeqqanut suli atualinngittunut Inartsisartut Inatsisaat nr. 16, 3. dec. 2012 aamma, Kommuneqarfik Sermersuumilu politikkikkut Meeqqanut inuusuttuaqqanullu anguniakkat malillugit piviusunngortitsineq.

  • Perorsaasutut ilinniarsimasoq assigisaanilluunniit ilinniagaqarsimassoq
  • Akisussaaffeqarluartoq
  • Tamakkiisumik isiginnissinnaassuseqartoq
  • Nutaaliorsinnaassuseqartoq / Pilersitsisinnaassuseqartoq
  • Sungiussillaqqittoq allannguisinnaassuseqartorlu
  • Ulapaarfimmi sulisinnaassuseqarluartoq
  • Sungiussiasuusoq suleqatikkuminartoq ilakkuminartoq aammalu
  • Allanngujuitsoq / aalajaatsorlu
  • Killilersuiniinnarani periarfissarsiortuartuusoq

 Akisussaaffiit:

  • Aqutsisutut kommunip inatsisartullu peqqussutaannik malinnittoq
  • Pisussaaffeqartoq meeqqeriviup aningaasaqarnera malillugu ingerlatsinissamut
  • Qulaani pineqartuni aningaasatigut akuersissutaannut innersuussisussaatitaasoq
  • Suliunnaaraluaruilluunniit atuuttumik nipangersimasussaatitaaffeqartoq
  • Atuisut, sulisut angajoqqaallu suleqatigalugit anguniakkanik, iliuusissatut pilersaarutinik susassaqartitsinermullu pilersaarummik pilersitsisussaq

 Perorsaanikkut suliassat:

  • Meeqqeriviup aqutsisui perorsaanermi inatsit perorsaanermilu suliat aallaavigalugit peqatigiilluinnarluni sulinissaq
  • Meeqqeriviup anguniagai naleqartitaalu ulluinnarni ingerlannissaat qularnaassallugu
  • Sulisut angajoqqaallu akornanni suleqatigiinnermik ajornartorsiuteqartoqarpat peqataallutit imaluunniit siunnersortaallutit qaangiiniaqataanissamut peqataasassasutit

 Allaffissornikkut suliassat:

  • Ulluinnarni meeqqeriviup ingerlanneqarnera
  • Illersorneqarsinnaasumik sulisussat aallaavigalugit sulisussat qularnaarneqarnissaat
  • Sulisunik, atuisunik angajoqqaanillu ataatsimiisitsisarnissat
  • Atuisut tamaasa eqqarsaatigalugit ullut tamaasa takuttarnermut allattaaviit allattortarnissaat

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.

Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussat, NPK-llu isumaqatigiissutaat atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Atorfinititsineq qaammatini pingasuni misiliutitaqassaaq.

Inissiaq:
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Qinnuteqaat:
Qinnuteqaatip ilisarnaataata Atorfiup normua 268/20, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.       

Imatut qinnuteqaateqassaatit:                                                         
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat

Paasissutissanik annertunerusunik pisariaqartsitinermi saaffigineqassaaq Ulluunerani Neqeroorutinut Suliaqarfimmi Fagchef-imut Naussunnguaq Lyberth: naly@sermersooq.gl

 

Qinuteqaat tunniunneqassaaq kingusinnerpaamik: 17. juuni 2020
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Fagchef Naussunnguaq Lyberth
Telefon: +299 367324
Nittartagaq: http://www.sermersooq.gl
Qinnuteqaat nassiutiguk