Skip to main content
145

Dette jobopslag er udløbet

Nuuk Kulturfestivaalimi immikkoortortami aqutsisoq

Nunat Avannarliit Nuummi Kulturisioqatigiissinneqartarnerat Nunatsinni pisartut ingerlanneqartartut annersarivaat. Festivali ukioq allortarlugu aaqqissuunneqartarpoq. Kulturisioqatigiinnissaq tulliani pissaaq 2023-mi maajip 25-anniit 28-annut. Festivalimi aqutsisup suliassaraa, aaqqissuisut siunnersuutaannik katersineq aamma festivalernermi nunanit issittormiuneersunik nunaniillu avannarlermiuneersunik ataqatigiisitsineq. Festivalimi meeqqanut, inuusuttunut inersimasunullu nuannaarutaasussamik Nunatsinneersunik, Nunani avannarlerneersunik Nunanilu issittormiuneersunik kulturikkut nuannernerpaanik imaqartitsisoqassaaq.

 

Festivalimi aqutsisutut aaqqissuisuutitaqassaatit, taakku ikiortigalugit festivalertitsinissaq piareersassavat. Taakku saniatigut Nuummi kulturilerisunik arlalinnik suleqateqassaatit; Katuaq, Nunatta Isiginnaartitsisarfia, Nunatta Atuagaateqarfia, Nuummi Eqqumiitsulianik saqqummersitsivik il.il..

 

 

Suliassatit makkuupput:

 

∙ Nunat Avannarliit Nuummi Kulturisioqatigiinnissaannut piareersarneq ingerlatsinerlu

 

∙ Aningaasaliisussarsiornermi isumagisassat kingulliit qulakkeerlugit

 

∙ Festivalimut aningaasaqarneq isumagalugu

 

∙ Pilersaarusiornermi sulisunik namminerlu kajumissutsimik sulisorpassuarnik aqutsineq

 

∙ Festivali sullinniakkanut amerlasuunut saqqumilaartunngorlugu

 

∙ Aaqqissuisunik aqutsineq aqutsisoqatigiinnilu allatsitut atuunneq

 

∙ Eqikkaaneq, naliliineq nalunaarusiornerlu qulakkeerlugit kiisalu festivalit pisussat pillugit killiliussaliorneq

 

 

Naatsorsuutigivarput illit:

 

∙ Festivalertitsisarnermik inerisaanermik ingerlatsinermillu misilittagaqartutit

 

∙ Suliassat pilersaarusiornerinut naammassinissaannullu ataqatigiissumik sulisunik peqataatitsisinnaassuseqartutit

 

∙ Eqqumiitsulianik toqqartuisinnaanermik misilittagaqartutit

 

∙ Nunani avannarlerni siammasissumik attaveqaqateqartutit 

 

∙ Suleqatikkuminartoq

 

∙ Allanik kajumissaarisinnaassuseqartutit

 

∙ Piffissap ilaani ulapaarfiusinnaasarneranik paasinnissinnaassuseqartutit   

 

 

Neqeroorutigaarput:

Suleqatigiinnik aqutsisutut atorfik pissanganartoq, tassani illit Nunat Avannarliit Nuummi Kulturisioqatigiisinneqartarnerannut immikkoortortami suut ineriartortissallugit aalajangeeqataaffigissallugit annertuumik periarfissaqarputit.

 

Suleqatigiinni aqutsisutut Kommuneqarfik Sermersuumi Attaveqaqatigiinnermut pisortaq qaninnertut pisortarissavat.

 

 

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Kultureqarnermut Aaqqissuussanullu Immikkoortortaqarfimmi aqutsisoq Søren Würtz, oqarasuaat +299 23 62 23 imaluunniit e-mail: soew@sermersooq.gl

 

 

Pineqaatissinneqarsimannginnermut uppernarsaat:


Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

 

 

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.


Atorfinititsineq qaammatini pingasuni misiliutitaqassaaq.

 

 

Inissaq:

Atorfininnermut atatillugu inissiamik innersuussisoqarsinnaanngilaq. Qinnuteqartut Kommuneqarfik Sermersooq aqqutigalugu inissaqartinneqareersut inertik tigummiinnarsinnaavaat.

 

 

Qinnuteqaat:

Qinnuteqaat qulequtserlugu Atorfiup ilisarnaataa 906-22-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

 

 

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

 

Malugiuk: 

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

 

 

Qinnuteqarnissamut killissarititaasoq: decembarip 16.-at, 2022

Atorfik una qinnuteqarfigiuk