Skip to main content
134

Dette jobopslag er udløbet

Nunat Avannarliit Nuummi kulturisioqatigiinnissaanut suliniummut sulisussarsiorpoq

Kommuneqarfik Sermersooq Kultureqarnermut Aaqqissuussanullu Immikkoortortaqarfik / Nunat Avannarliit Nuummi kulturisioqatigiinnerat

Nunat Avannarliit Nuummi kulturisioqatigiinnissaanut suliniummut sulisussarsiorneq

 

 

Kommuneqarfik Sermersooq Nunat Avannarliit Nuummi kulturisioqatigiinnissaanut suliniummut inunnik marlunnik pikkorissunik sulisussarsiorpoq. Sulisoq ataaseq ulloq 01.11.2022 imaluunniit piaarnerpaamik atorfinitsinneqartussaq sulisup aappaa 01.01.23 atorfinittussaq. Atorfiit marluk tamarmik ulloq 12. juuni 2023 atuukkunnaassapput.

 

 

Suliniummut suleqatigiit ilaattut inissisimassaatit aamma atorfinni pingaarnertut suliassat tassaapput ataqatigiissaarineq, nammineq kajumissutsimik suliniartut, attaveqatigiinneq kiisalu ataqatigiissaarinermik suliassat allat. Suliassat ilaatigut tassaasinnaapput festivalimut atasumik nammineq kajumissutsimik suleqataarusuttunik sulisussarsiorneq aamma aaqqissuussineq, festivalernerup nalaani angallassinermik piareersaaneq ataqatigiissaarinerlu; eqqumiitsuliortut sorliit qaqugu tikissappat, sumi unnuissappat, paasissutissanik sorlernik pissappat, programit naapertorlugit sulerissappat il il. Aammattaaq attaveqaqatigiinnermut sulianut akisussaaffiusinnaavoq; plakatinik sumiiffinni eqqortuni nivinngaassuineq, festivalip nittarsaanneqarnera il il.

 

 

Ulluinnarni NNK-p suliniummi aqutsisua suleqatigissavat Kommuneqarfik Sermersuumilu Kultureqarnermut Aaqqissuussanullu Immikkoortortaqarfimmi aqutsisoq qullersarissallugu.

Suleqatigiit uku peqataaffigilissavatit, suliniummi aqutsisoq, immikkoortortami aqutsisoq, suliniummi sulisut allat, attaveqatigiinnermut / nittarsaassinermut aamma teknikkikkut ataqatigiissaarisut. Festivalip illoqarfimmi suliffeqarfippassuit kulturimut attuumassusillit kalaallit nunaannilu inuussutissarsiutilerisorpassuit suleqatigisarpai, taamaammat attaveqatigiinnermut piginnaasaqarluarnissat, aporfilersornermiillu periarfissarsiullaqqissuseqarnerunissat naatsorsuutigaarput.

 

 

 

Paasissutissat uatsinnut tunngasut amerlanerusut uani pissarsiarisinnaavatit: www.nnk.gl

 

 

 

Makkua suliassarivatit:

Suliniummi sulisumik - ajornanngippat misilittagalimmik - ujaasivugut, festivalimut atatillugu sulisussamik, suliassallu ilaatigut ukuussallutik:

• Festivalip piviusunngortinnissaanut kajumissutsiminnik sulisussanik katersineq

• Festivalimi kajumissutsiminnik sulisut suliassaannik ataqatigiissaarineq

• Piareersaaterpassuit, peqataasussanut takkuttussanullu nuannersumik misigisaqartitsisussat

• Festivalimi ataqatigiissagassanik ataqatigiissaarineq, tassunga ilaapput angalaneq, ineqarneq, nerisaqarneq

• Attaveqateqarnermut sulinermi ataqatigiissaarineq, taakkununnga ilanngullugit attaveqatigiittarfitsigut, timitalinnik digitalinillu attaveqarnerit

• Festivalip suleqatigisartagai akisussaaffeqarfinniittut oqaloqatigisarneri

• Festivalimik piviusunngortitsineq, piffissaq pikkunarsinnaasoq peqataaffigalugu

• Suliassat takkussuuttut

 

 

 

Suliassat festivalimi sulisut, illoqarfimmilu suliffeqarfippassuit kulturimut attuumassutillit, qanimut suleqatigalugit suliarineqartassapput.

Qinnuteqartunut naatsorsuutigisat:

• Suliassatit akisussaassusilimmik tigumminissai suleqatigiinnullu akisussaaqatigiinnertalimmut peqataaneq. Suliassap naammassinissaanut suleqatigiinnissaq suliffimmilu iluarisimaarinninnissaq pillugu.

• Kultureqarnerup iluani suliniutinik ataqatigiissaarinermik aamma ineriartortitsinermik misilittagaqarputit.

• Suliamut piginnaasanut naatsorsuutit allanneqassapput

• Festivalip tungaanut nalaanilu sinnilimmik tunniussaqarsinnaanissaq piareersimaffigisinnaavat.

• Kajumissutsiminnik suleqataasunut piumassuseqalersitsinissaq paasisimasaqarfigalugu, piumassuseqartitsisinnaallutillu.

 

 

 

Pingaartipparputtaaq:

  • Aalajaatsuunissat, pitsaassutsimik ilisimasaqarluartoq immikkuualuttunillu maluginiaasinnaasoq
  • Takunnissinnaaneq attatiinnarlugu ataatsikkut arlalinnik suliaqarsinnaasoq
  • Allakkatigut oqaluunnermilu ersarissumik paatsuugassaanngitsumillu attaveqarsinnaasoq
  • Sulianutsungiussilluarsimasoq ataavartumillu suliat agguataarneqartarnerannik nalimmassaalluarsinnaasoq.
  • Ulloq ulapaarfiugaluarpalluunniit ukkatarinnilluni aaqqissuussamillu suliaqarsinnaasoq
  • Tatitooq, pilersitsiniallaqqissoq, inissaqartitsiuartoq piumassuseqarluartorlu
  • Illit allallu suliaannik piffissalersuillaqqillutillu aaqqissuussillaqqissuseqarputit
  • Suleqatigisinnaasat assigiinngitsut ilanngutsinnissaat sungiusimavat
  • Ikiorneqarnissat pisariaqartikkaangakku suleqatinnut aqutsisunnullu saaffiginnissinnaassuseqarputit
  • Marluinnik oqaasilik (kal/da) piumaneqarneruvoq

 

 

Uagut neqeroorutigaavut: Suliffik unammillernartoq, imarisassaanik nammineq sunniuteqarfigisinnaasaq, suliffeqarfimmilu ineriartortinneqartuartumi allanngorartuartumilu annertuumik akisussaassuseqarfiusoq. Pingaartilluinnarparput patajaatsumik suliassanut suliffimmullu pulatikkiartuaarneqarnissaq, pimoorulluinnarparputtaaq suleqatigiinnermi silaannaap pitsaasup aqutsisut peqatigilluinnarlugit attattuarnissaa kiisalu pilersitsisinnaaneq nutaaliorsinnaanerlu inissaqartittuarpagut.

 

 

·Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

 

 

Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.
Atorfinititsineq qaammatini pingasuni misiliutitaqassaaq.

 

 

Inissaq:
Atorfininnermut atatillugu inissiamik innersuussisoqarsinnaanngilaq.

 

 

 

Qinnuteqaat:
Qinnuteqaat qulequtserlugu Atorfiup ilisarnaataa 709-22-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

 

 

 

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

 

 

Malugiuk: 
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

Qinnuteqarnissamut killissarititaasoq: oktobarip 17.-at, 2022

Atorfik una qinnuteqarfigiuk