Skip to main content
110

Dette jobopslag er udløbet

Nunarsuarmi kommunit annersaanni takorluuilluarsinnaasumik kommunaldirektørissarsiorneq

Kommuneqarfik Sermersooq pilersaarusiorluni eqqarsarsinnaasumik takorluuilluarsinnaasumillu, nunarsuarmi kommunit annersaanni siuttussamik, suleqatigiit siuttussaanik pissarsiorpoq.

 

Kommuneqarfik Sermersuumi kommunaldirektøritut innuttaasut ulluinnarni inuunerannut politikikkullu aalajangiisartut akornanni ataqatigiissaarisuussaatit. Politikikkut allaffissornikkullu aalajangikkat piviusunngortinneqarnissaannut politikikkut suliatigullu suliamik piginnittuunermik misigititsinissamut akisussaasuuvutit. Taamaattumik politikikkut annertuumik ilisimasaqartuussaatit politikikkullu suleriaatsinik aqqutissiuussinermut piginnaasaqarlutit.

 

Kommunaldirektøritut pisortaqatigiinnut, tassa illit kommunaldirektøritut saniatigut suliassaqarfinni sisamani pisortanut, vicekommunaldirektørimullu ataatsimut, katersuutsitsisuullutillu siuttuussaatit. Pisortaqatigiit suliatigut susassaqarfiit suliamik ilisimasaqarluarluni suliarineqarnissaat periusissiallu malillugit suliniutit ingerlanneqarnissaat qulakkiissavaat akisussaaffillu pingaarneq illit tigummissavat.

 

Kommunaldirektørip politikerillu akornanni qanimut suleqatigiinneq ataqqeqatigiinnerlu pingaaruteqarluinnarpoq. Politikerit suliffeqarfiullu akornanni ataqatigiissitsisuussaatit, tamakkiisumik isiginnittuussaatit tatiginartumillu suleqatigiinnernik pilersitsisuullutit - suliffeqarfimmi suliat assigiinngitsut akornanni kikkunnullu tamanut - politikikkut allaffissornikkullu anguniakkat torersumik piviusunngortinneqarnissaat qulakkeerniarlugu.

 

Tunuliaquttat
Aqutsisuuvutit ammasoq tatiginnilersitsisartorlu, attaveqaqatigiinneq pitsaasoq atorlugu suliffeqarfiup iluani akornanilu ersarissuutitsisoq toqqissisimatitsisorlu. Akuersaartutut tatiginartutullu aqutseriaaseqassaatit, toqqissisimasumik suliffimmi avatangiiseqalersitsisumik kikkullu tamarmik pingaarnertut sammivimmik periusissiamillu isumaqatigiillutik.

 

Suliffeqarfimmi politikikkut aqunneqartumi aqqutissiuinermik, sullissinermik aqutsinermillu misilittagaqassaatit. Politikikkut suleriaatsit paasissavatit, politikikkut oqariartuutit pissarsiaralugit, isiginnittaatsillu assigiinngitsorpassuit akornanni pitsaanerpaamik aaqqiissutissanik nassaartarlutit.

 

Taakku saniatigut makku naatsorsuutigaavut:

  • kommunimi sulinermi pilersaaruteqarluni eqqarsarsinnaassaatit siuttuullutillu
  • suliat tunngavigalugit politikikkullu isummersuuteqarnak sulisassaatit
  • kommunalbestyrelsimit pisortaqatigiinniillu tapersersorneqarnerit qulakkiissavat
  • attaveqaqatigiinnermut pikkorissuussaatit, kommunimi takorluukkat naleqartitallu kommunip iluani avataanullu ingerlateqqissinnaassavatit
  • isumaqatiginninniarnermik misilittagaqassaatit, taamaalilluni isumaqatiginninniarnermi kommune pitsaasunik atugassaqarnissaa qulakkeersinnaassallugu
  • aqutsisuussaatit ersarissoq, kommunitsinnut ataatsimoortitsisinnaallutillu sinniisuusinnaassaatit
  • nutaaliortuussaatit suliffeqarfimmilu nutaamik eqqarsarnissamut sapiissuseqarnermik kultureqarnissaq pilersissinnaassavat

 

Naggasiullugulu pingaaruteqarpoq Kommuneqarfik Sermersooq paasilluassavat iliuuseqarfigerusullugulu. Kalaallit kulturiannik ilisimasaqarluassaatit pitsaasuussaarlu kalaallisut allassinnaaneq oqalussinnaanerlu.

 

Paasissutissat annertunerusut
Atorfik pillugu annertunerusumik paasisassarsiorsinnaavutit uani:

Qinnuteqaat nassiutiguk

Atorfinitsitsinermut apeqquteqarnissamulluunniit atatillugu allanut oqaatigeqqusaanngitsunik saaffiginnissinnaavutit ukununnga vicekommunaldirektøri Marie Fleischer ugguuna +299 585480, borgmesteri Charlotte Ludvigsen ugguuna +299 534247 imaluunniit Komponentimit centerchefimut Peter Bogh ugguuna +45 2134 4445.

Qinnuteqarnissamut piffissaliussaq
Qinnuteqarnissamut piffissaliussaq tassaavoq 12. aggusti 2021 nal. 12.

Aggustip 21-anni oqaloqatiginninnerit siulliit ingerlassavagut.

Kingusinnerpaamik oktobarip aallaqqaataanni atorfimmi sulilernissat naatsorsuutigaarput.