Skip to main content
136

Dette jobopslag er udløbet

Nunaminertanut Oqartussaqarfik sullissisumik pissarsiorpoq

Suliffik suliassanik ilisimasaqarluarnissamik, ullormullu unammilligassaqarnissamik suleqatigiilluarnermillu pingaartitsiffiusoq takorluugaraajuk?Taava immaqa illit Nunaminertanut oqartussani suleqatitaarissavatsigit.

 

Illoqarfimmik inerisaanermi pilersaarutigineqartunik kommunimilu inuussutissarsiutit ineriartortinnerannik pissanganartorpassuarnik suliassaqarluta ulappuseruttorpugut. Suliassat amerlanersaat Nunaminertanut Oqartussaqarfimmi suliarineqartarput, taamaattumik Nunaminertanut oqartussani sulisut allat peqatigalugit suliassanik kivitseqataasussamik sullissisussarsiorpugut. 

 

Nunaminertanut Oqartussat Nuummi Kommunip allaffianiippoq, Sanarfinermut Avatangiisinullu Ingerlatsivimmi immikkoortortaalluni, ulluinnarni suliassanik pissanganartunik suliaqarfiusumi. Nunaminertanut Oqartussaqarfik Pilersaarusiornermut immikkoortortaqarfik, Sanaartornermut Oqartussaqarfik aamma Nakkutilliinermut oqartussaqarfik immikkoortortameeqatigivai, suliassaqarfiilli assigiinngitsut akornanni suleqatigiiffiupput siunersioqatigiiffiullutillu. Taakku immikkoortortat sisamaasut ataatsimut 15-inik sulisoqarput. 

 

Nunaminertanut Oqartussaqarfimmi sulisutut suliassat assigiinngitsorpassuit suliarissavatit, soorlu erfalasulersorfilernissamut nunaminertanik atugassiinermiit sanaartornernut anginerusunut nunaminertanik atugassiinermut. Qinnuteqartunik aggersaalluni oqaloqateqarneq, kaffisoqatigalugit pilersaarusiaat pillugit oqaloqatiginninneq suliatsinni qitiusorujussuuvoq. 

 

Makkua suliassarivatit:
Nunaminertanut qinnuteqarnermi misilittagalimmik nunaminertanullu tunngasunik oqartussaqarfimmi peqataasussamik suliassanik arlalinnik uku ataanni suliaqartussamik sullissisumik pissarsiorpugut:

  • Nunaminertanik atugassinneqarnissamut qinnuteqaatinik sullissineq.
  • Qinnuteqartut pilersaarutaannik aqqutissiuullugit ikiorlugillu
  • Akuersissutinik tunniunneqartunik eqeersimaartumik nakkutilliineq

 

Immikkoortortami sulisut suleqatigalugit kiisalu Sanarfinermut Avatangiisinullu Ingerlatsiviup immikkoortortami aqutsisua qanimut suleqatigalugu suliassat naammassineqassapput.

 

Ilisarnaatigisassatit:
Ingeniøritut, illussanik titartaasartutut, ilusilersuisartutut, nunamik uuttortaasartutut teknikimulluunniit tunngasunut attuumassutilinnik allanik ilinniagaqarsimanissat neriuutigaarput. Nunaminertat tungaatigut ingerlatsinermik nuannarisaqarnissat pingaarnersaavoq.

 

Taakkua saniatigut uku kissaatigaagut:

  • Suliatigut/allaffissornikkut qarasaasialialerinermik assersuutigalugu NunaGIS, ArcGIS aamma AutoCAD-imik misilittagaqartutit
  • Allattariarsornikkut oqaatsitigullu attaveqallaqqissoq
  • Qinnuteqartut pilersaarutaannik ikiuunnermi aqqutissiuussinermilu oqartussaasuuneq oqimaaqatigiissaarsinnaagit.
  • Innuttaasunik kiffartuussilluarnissat pingaartitarigit
  • Ataatsimuussusermik nukittuumik suleqatigiillu suleqatigilluarnissaani pingaartitsisutit peqataasutillu.
  • Sanaartornermi aamma pilersaarusiornermi inatsisitigut ingerlatsinermi misilittagaqartutit.
  • Biilernermut allagartaqarnissaq iluaqutaassaaq.

 

Neqeroorfigisinnaavatsigit

  • Suliffik pissanganartoq, ullut tamarmik assigiinngiiaartut.
  • Sullissinerup iluani ineriartornissamut periarfissaqarpoq, misilittakkatit najoqqutaralugit suliassat ajornassusaat aalajangerneqartarluni.
  • suliatigut inuttullu ineriartornissamut periarfissat pitsaasut
  • issittumi illoqarfiit pingaarnersaanni inuuneq unammillernartoq
  • Ingerlatsivimmi suleqatinik pikkorissunik tunniusimasunillu suliassaqarfinni assigiinngitsuni pitsaasumik suleqatigiinneq
  • ulloq suliffik suliat nammineerluni naammassisinnaanerinut tunngatillugu suleqatigiinni tatiginniffiusoq.
  • suliat naammassiniartarnerisa tungaatigut suleqatinik suliatigut siunersioqateqartarneq
  • atorfimmut suliffeqarfimmullu iserluartinneqarnissaq aamma aqutsisutigut qanimut siunersioqateqartarnikkut suleqatigiilluarnermik qulakkeerinissaq kiisalu aallartitsinissamut nutaaliornissamullu inissaqartitsinissaq anguniartuarparput.

 

Paasissutissat allat:
Suliffik pillugu paasissutissanik annertunerusunik, aamma nalinginnaasumik kommune pillugu paasissutissat uani pissarsiarisinnaavatit:
Immikkoortortami aqutsisoq Louise Bruun Jensen, mail: lbje@sermersooq.gl, oqarasuaaq +299 36 74 03 imaluunniit
Immikkoortortanut fagchefi Runa Sværd, mail: ruma@sermersooq.gl, oqarasuaat +299 36 74 38

 

Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

 

Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

 

Atorfinititsineq qaammatini pingasuni misiliutitaqassaaq.

 

Inissaq:
Atorfininnermut atatillugu inissiamik innersuussisoqarsinnaanngilaq.

 

Qinnuteqaat:
Qinnuteqaatip ilisarnaataata Atorfiup ilisarnaataa 357/22 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani ikkunneqassaaq qinnuteqarnermi.

 

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

MALIGIUK: 
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

”Kommuneqarfik Sermersooq periuseq ”Sermersuaq Ikaarlugu – Siunissaq Ataatsimoorullugu” aallaavigilluinnarlugu suleriuseqarpoq, qularnaarniarlugu suliffeqarfik ingerlalluartoq, aningaasarsiorneq nukittooq innuttaasunut sullissineq pitsaanerusumik akikinnerusumik sunniuteqarluarnerusumillu ingerlasinnaajumallugu. Suliatsinnut atatillugu sinaakkutissat politikkikkut anguniakkanit isumaqatigiissutigineqarsimasunik aallaaveqarput ”Inuk tamarmiusoq ataatsimooqatigiiffimmi pisussaaffiusumi, nammaqatigiiffiusumi nutaaliorfiusumilu”

 

Qinnuteqarnissamut killissarititaasoq: juunip 14.-at, 2022

Atorfik una qinnuteqarfigiuk