Meeqqanut akuleriinnut ulluunerani paaqqinnittarfik Nukariit perorsaasumik pissarsiorpoq

 

Meeqqanut ulluunerani paaqqinnittarfimmik ineriartortitseqataarusuppit ingerlatsinermik attassinermut ineriartortitsinermullu suleqataarusullutit maani qanimut attaveqatigiinnerit pingaartinneqarput meeqqallu eqimattaqatigiit ataasiakkaat ineriartornerat atugarissaarnerallu ukkatarineqarput, taava atorfissaqartippatigit.

 

Meeqqat alapernaatsut, tatituut, peqqissut nuannaartullu Kommuneqarfik Sermersuup anguniagarai, aqqutissiuullugit iliuusissatsinnik eqqartuisarnitsinni piviusunngortinnissai anguniassavagut.

 

 

Meeqqerivik pillugu:
Meeqqerivik Nukariit ukioq 2012 ammarpoq, meeqqanullu 120-nut - meeraaqqerivimmi tallimanik initaqartumi meeqqanut 60-inut meeqqerivimmilu pingasunik initaqartumi meeqqanut 60-inut inissaqartitsivoq.

 

Meeqqerivik pinngortamut qanittuuvoq, Nuullu immikkoortortaata ilaani Qinngutsinni inissisimavoq.

 

Sulisut 29-nut amerlassusiligaapput.

 

 

Meeqqerivitsinni immikkut ilisarnaatigaarput:Anguniakkat aallaavigalugit sulineq, ukunannga:

• Pinngortitaq perorsaanermi sakkussatut atussallugu;
• Ukioq 2022 sulisunik inerisaanermut atorneqarnissaa.

 

 

Neqeroorutigaavut:
Uagutsinnut pingaaruteqarpoq meeqqat ulluinnarni ataqatigissunik toqqissisimanartunillu misigisaqarnissaat inunnut pitsaasumik attaveqarneq aqqutigalugu. Naatsorsuutigaarput illit suliffiup anguniagaanut sinaakkutissanik pilersiteqataassasutit taakkununngalu tapersersuissasutit:

• Meeqqanut ineriartuutaasunik ulluinnarni sammisassaqartitsinermik suliaqarneq;
• Meeqqat avatit timilu atorneranut kiisalu ulluinnarni ineriartornermi ilikkartitsiniarnermik inerisaaqataaneq.

 

 

Naatsorsuutigaarput:

• Perorsaasutut ilinniagaqarsimasutit assingusumilluunniit;
• Suleqatinnut, meeqqanut angajoqqaanullu maligassiuisinnaasutit;
• Meeqqanik, sulisunik angajoqqaanillu akuersaarlutit peqateqarsinnaasutit;
• Inoqatinnut tapersersuisuusutit inissaqartitsisuusutillu;
• Meeqqanut ataasiakkaanut perorsaanikkut sullissineq pillugu nassuiaasiorsinnaallutillu uppernarsaasiorsinnaasutit;
• Meeraq pillugu angajoqqaanik suleqateqarnermik pingaartitsilluinnartuusutit;
• Silami pinngortitamilu sammisaqartitsineq pingaartikkit;
• Aqutsisunut tatiginartuusutit;
• Meeqqerivimmi perorsaanikkut ineriartortitseqataassasutit tamatumanilu suleqatitit peqataatissinnaagitit;
• Pingaartitatit pingaartitatsinnut naapertuutissasut; toqqissisimaneq, ineriartorneq nersugaanerlu.

 

 

Pitsaassaaq:

• Isumaqaruit meeqqat ataasiakkaat angajoqqaavisalu sullinnerini toqqissisimaneq;
• Qanilaarneq, ataqqinninneq, suleqatigiinneq, pinnguarneq ineriartornerlu atugarinissaat

pingaaruteqartoq;

• Sulisunik ilinniarsimanngitsunik pikkorissartitseqataarusussuseqaruit;
• Piginnaasannik avitseqatigisinnaagutsigut;
• Avatinik atuisinnaanerup allatigulluunniit sammisaqarsinnaanerup tungaatigut piginnaasaqaruit.

 

 

Annertunerusumik paasisaqarusukkuit:

Annertunerusumik paasisaqarusukkuit pisortaq Karen Kleemann attavigisinnaavat uunga oqarasuaat normu +299 36 69 91 imaluunniit e-mail-imut uunga: knkn@sermersooq.gl

 

 

Meeqqanik pinerliisimannginnermut aammalu pineqaatissinneqarsimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommuneuppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.

 

Meeqqanik pinerliisimannginnermut uppernarsaat kommunemit aaneqarsinnaavoq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

 

 

Akissaatinut atorfinitsitaanermullu tunngatillugit atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, NPK imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

Atorfinititsineq qaammatini pingasuni misiliutitaqassaaq.

 

 

Inissiaq:

Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

 

 

Qinnuteqaat:

Qinnuteqaat qulequtserlugu Atorfiup ilisarnaataa 23-23-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

 

 

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

 

MALUGIUK:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: januaarip 31.-at, 2023

Atorfik una qinnuteqarfigiuk