Skip to main content
121

Dette jobopslag er udløbet

Nukariit igaffimmi ikiortimik pissarsiorpoq / Atorfiup ilisarnaataa 557/21

Akuleriinnik meeraateqarfuj Nukariit igaffimmi ikiortimik / inuussutissalerinermi ikiortimik pissarsiorpoq atorfinittussamik oktobarip 15-ani imaluunniit isumaqatigiissuteqartoqarneratigut. 

Nukariit 2012-mi ammartoq illorsuami tamakkiussamik meeqqanut 120-nut inissaqarpoq, meeraaqqerivik 60-nik inissaqarpoq meeqqerivillu 60-nik inissaqarluni.

Sulisut 29-vit sulisussaapput, tassanilu igaffissuarmi ikiortit marluusussaallutik.

Meeqqerivik kusanartunik nutapasissunillu initaqarpoq, Nuullu illoqarfiata avataani qinngutsinni inissisimalluni pinngortitamut qanilluni.

Naatsorsuutigissavarmarpullu illit:

  • Ullormut meeqqanut 120-inut meeqqanillu sulisut ilanngullugit nerisassiornermik isumaginnissinnaasutit.
  • Meeraaqqanut immikkuullarissumik nerisassiornermik isumaginnissinnaasutit
  • Meeqqanut sapigaqartunut nerisassiorsinnaanermik ilisimasaqartutit
  • Meeqqerivimmi pisortat peqatigalugit ulluunerani paaqqinniffimmi nerisatigut anguniagassanik aalajagersaaqataasassaatit.
  • Pisiortornermut kiisalu illit sulisorisappillu sulinissaanut ungasinnerusoq isigalugu pilersaarusiorsinnaanermut naammattumik piginnaaneqarlutillu misilittagaqartutit.
  • Kalaalimerngit kiisalu naatitat neqillu atorlugit sapinngisamik annerpaamik peqqinnartumik assigiinngiiaartunillu nerisassiortariaaseqartutit, nerisassiorriaatsinillu nutaanik misileerusussuseqartutit.
  • Qarasaasiamik atuinermut ilisimasaqartutit.

Kissaatigisat uangut tungitsinninngaanniik:

  • Igariaatsimik nutaamik misileraarusussuseqartutit
  • Perorsaanermik suliaqartunik suleqaginnillaqqissuuguit
  • Ilinniarsimanngitsunik ikiortinik igaffimmiluunnit assitentimik allamik suleqateqarsinnaanissamut piginnaasaqassasutit.
  • Nerisassat isikkui qanorlu sassaallerneqartarnerini pigaartitsisuunissat.
  • Meeqqat arlaqanngittut ilaatigooriarlutit suleqatiginissaanut piumassuseqartuunissat.

Suliffeqarfiup neqeroorutigisinnaavai:

  • Suliffeqarfik annertuumik ineriartortoq
  • Sulisut akuleriinni meeqqerik Nukariinni nuannersumik toqqissisimasumillu ingerlanissamut piukkoortut

Pinerluuteqarsimannginnermut aammalu meeqqanik pinerluuteqarsimannginnermut uppernarsaatit:
Pinerluuteqarsimannginnermut meeqqanillu innarliisimannginnermut uppernarsaatit piumasarineqarput. Inatsit naapertorlugu pinerluuteqarsimannginnermut uppernarsaat kommunimit tiguneqareerpat, aatsaat atorfinittoqarsinnaavoq.

Taamaattumik naalagaaffiup politiivinit meeqqanik innarliisimannginnermut uppernarsaammik naammaginartumik kommunimi pissarsisoqareerpat aatsaat atorfinittoqarsinnaasoq erseqqissaatigineqassaaq. Meeqqanik innarliisimannginnermut uppernarsaat qinnuteqartumit akuersissutitalik kommunimit piniarneqassaaq, pineqaatissinneqarsimannginnermullu uppernarsaat pineqartup Politiinit pissavaa.

Akissarsiat atorfinitsitaanermilu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussat aamma SIK-p akornanni isumaqatigiissut atuuttoq, imaluunniit Kalaallit Nunaannilu kattuffiup allap isumaqatigiinniarsinnaatitaasup isumaqatigiissutaat atuuttut malillugit atorfinitsitsisoqassaaq.

Atorfinitsitsineq qaammatini pingasuni misiliutaaqqaassaaq.

Inissiaq:
Atorfimmut atatillugu inissaqartitsisoqarsinnaanngilaq.

Qinnuteqaateqarneq:
Qinnuteqaat atorfiup normuanik atorfiup nr. 557/21, ilisarnaaserlugu, ilinniagarisimasat aamma siornatigut suliffigisimasat pillugit paasissutissartalik aamma soraarummeernermi uppernarsaatit assilineqarnerannik il.il. ilalik qinnuteqaateqarnissamut killissarititaasup qaangiutinnginnerani Sulisoqarnermut Immikkoortortamit tiguneqareersimassaaq.

Imatut qinnuteqassaatit:
Qinnuteqaatip elektroniskimik nassiunneqarnissaa orniginartinneqarneruvoq, quppernermi matumani allerpaami innersuussaq toorukku qinnuteqaatit CV-llu kakkiullugit nassiussinnaavatit.

MALIGIUK:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk. 

 

Qinuteqaat tunniunneqassaaq kingusinnerpaamik: 5. oktober 2021
Atorfininneq: isumaqatigiissuteqarnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Lillian Lennert Frederiksen
Telefon: +299 366995
Nittartagaq: http://www.sermersooq.gl

Qinnuteqaat nassiutiguk