Skip to main content
159

Dette jobopslag er udløbet

Nerisassiortumik "Meeraq" pissarsiorpoq Paamiuni

Paamiuni meeraaqqerivik Meeraq nerisassiortumik pissarsiorpoq

Illit ilinniakkannik tulluusimaaruteqarlutit aamma peqqinnartunik, pissangarnartunillu nerisassa-

qartitsinissaq pingaartitaralugu , meeqqat nerisassaminnik alapernaassuseqarfigilersinnaasaannik , aammalu qanimut sulisut suleqatigalugit perorsaanilerinermik siunertaqartumik nerisitseriaaseqartitsinissamut suleqataarusussuseqaruit, sulianut tunngasut suleqataaffigerusukkukkit una atorfik taava ilinnoortuuvoq.

 

 

Uagut pilluta annikitsumik paasissutissat:
Meeraaqqerivik Meeraq Paamiuni meeraaqqerivituaavoq, meeraaqqerivimmilu sulianut tunngasut pitsanngorsarpavut. Ineriartortitsinissamut ammasunik 14-inik tunniusimasunik suleqatitaassaatit, meeraaqqerivimmiittut meeqqat 0-imiit pingasunut ukiullit 46-upput, ininut sisamanut agguataarneqarsimasuni , ulluinnarnilu ataasinngornermiit tallimanngorneq ilanngullugu ammasarpoq 06:45 – 16:30 tungaanut

Ernæringsassistent ulluinnarni ataasinngornermiit tallimanngorneq ilanngullugu nal.8 – 16 sulisarpoq

Meeraaqqerivik Meeraqilisarnaatigaa, ataasiakkaatperiarfissinneqartarnerat eqqarsaatigineqartarnerallu , meeqqat takuneqartutut, tusaaneqartutut paasineqartutullu misigisaqartinneqartarnerat , meeqqanik akuersaartumik periuseqarpugut, taamaalillutik naleqartinneqarnertik misigisarpaat.

 

Ulluinnarni meeraaqqerivimmi malugineqarsinnaavoq meeqqat inissaqartinneqartut. Perorsaanikkut eqqarsartaatsitsinnut aamma sulinitsinni ulluinnarni, kiisalu ammasumik pitsaasumillu angajoqqaanik suleqateqartarnikkut ataasiakkaanut ataqqinninneq inissaqartitsinerlu tunngaviusumik qitiutinneqarput.

 

 

Neqeroorutigaarput:
Illu quleriilik, illoqarfiup qeqqani inissisimasoq, sunut tamanut qanittoq. Suleqatigiit 15-iuvugut, pisortaq ilanngullugu. Aalajangersimasumik periuseqarneq pikkoriffigaarput sulisullu misilittagaqartuullutik. Suleqatigiit ilisarnaatigaat tunniusimasuuneq, alapernaatsuuneq kiisalu killilersuutit pinnagit periarfissanik ujartuillaqqissuuneq.

 

Kommuneqarfik Sermersooq takorluukkatut anguniagaa malillugu sulissutigaavut ,meeqqat tatituut,peqqissut, alapernaatsut nuannaartullu pilersinneqarnissaannut  taamaattumillu meeraaqqerivik Meeraq  siunissami qanilaarneq, pinnguarneq, aalaneq oqaatsitigullu ineriartortitsineq ukkataraavut.


Suleqatigiilluartarpugut, init assigiinngitsut akornanni sulisarpugut. Pitsaasumik torersumillu oqaloqatigiittarpugut, ulluinnarni qanilaartuunissaq, pinnguarneq, oqaatsit aalasarneq pingaartippavut.

 

Meeqqerivinnut naleqquttunik ingerlaavartumik pikkorissarnissamut meeqqerivinnut immikkoortortamit neqerooruteqartoqartarpoq.

 

 

Naatsorsuutigivarput:

Nerisassiortutut (Ernæringassistent-itut) imaluunniit assigisaanik ilinniagaqassasutit.

  • Siumut pilersarusiornermik pikkoriffeqartutit
  • Suleqatiginnissinnaanermik piginnaaneqartutit.
  • Aalajaatsuusutit nammineersinnaasuseqartuusutillu
  • Meeqqanut 0-3-nik ukiulinnut inuussutissaqarluartunik allanngorartunillu nerisassiorsinnaasutit.
  • Meeqqanut sapigalinnut nerisassiornermik ilisimasaqartutit
  • Kommuneqarfik Sermersooq meeqqerivinni 0 -6 ukiulinnut nerisaqartitsineq pillugu politikkianut atuutilersitsinissamut suleqataanissaq
  • Nammineq sulianik nakkutiginnissinnaassuseqarnissaq, eqqiaasinnaanissarlu
  • Ulluinnarni igaffimmi piffissami aalajngedrsimasumi eqqiaasoq suleqatigilluartarnissaanik

Meeqqerivinnut Immikkoortortaq meeqqerivinnut naleqqussakkanik pikkorissarnernik ingerlaavartumik neqerooruteqartarpoq. 

 

 

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommuneuppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

 

 

Pinerliisimannginnermut uppernarsaat: Atorfik inuttassarsiuussarput pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pinerliisimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommunip Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

 

 

Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Naalakkersuisut aamma Sulinermik Inuussutissarsiuteqartut Kattuffiata (SIK-p) akornanni isumaqatigiissut atuuttoq imaluunniit Kalaallit Nunaannil kattuffiup allap isumaqatiginninniarsinnaatitaasup isumaqatigiissutaat atuuttoq naapertorlugu atorfinitsitsisoqassaaq.

Atorfinititsineq qaammatini pingasuni misiliutitaqassaaq.

 

 

Inissiaq:

Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

 

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

 

 

 

Annertunerusumik paasisaqarusukkuvit attavissaq:
Paasissutissanik annertunerusunik pisariaqartsitinermi saaffigineqassaaq Meeraaqqerivik Meeraq tullersorti Ane Sofie Noahsen, oqarasuaat:

36 66 85 e-mail: anef@sermersooq.gl 

 

 

Qinnuteqaatip:
Qinnuteqaatip ilisarnaataata Atorfiup ilisarnaataa 581/22 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

 

 

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat

 

MALIGIUK: Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: septembarip 8.-at, 2022

Atorfik una qinnuteqarfigiuk