Skip to main content
148

Dette jobopslag er udløbet

Nerisassiortoq Puilasunnguit Paamiut

Utoqqaat illuat Puilasunnguit nerisassiortumik 1. november 2022 imaluunniit isumaqatigiissuteqarnikkut pissarsiorpoq.

 

Utoqqaat Illuat katillugit 22-nik tamakkiisumik nerisaqartinneqartussanik najugaqarfigineqarpoq. Aamma illoqarfimmi utoqqalinersiutillit nerisassaannik pajuttoqartarpoq, taamaalilluni utoqqaat illuanni igaffik ullormut inunnut 50-t missiliorlugit amerlassusilinnut kissartunik nerisassiortarpoq.

 

Sulisut ilaatigut ima katitigaapput: Aqutsisoq, allaffimmioq, Teamkoordinator marluk, peqqissaanermi ikiorti/isumaginninnermut ikiortit 8, sammisassaqartitsivimmi sulisut 2, ilinniarsimanngitsut arlallit, igaffimmi aqutsisoq ataaseq, igaffimmi ikiortit 2, pedel, pedel-imut ikiorti ataaseq, oldfrue ataaseq, eqqiaasut 4. Paaqqutarinninnermik sulialinnik ilinniarsimasunik amerlanerusunik atorfinitsitsinissaq siunertaavoq.

 

Utoqqaat Illuani naleqartitat: Isumassuineq, Ataqqinninneq, Nuannaarneq, Ikioqatigiinneq, Qinilaarneq, Toqqissisimaneq, Naligiinneq.

 

Annertuumik pingaartitaraarput najugaqartut nerisassaasa inuussutissartaqarluarnissaat aamma nerisassat ulluinnarni immikkullu ittumik pisoqarnerani mamarsaatigineqartussanngorlugit kusanartumik illinnartunngorlugillu sassaalliutigineqartarnissaat.

 

Nalinginnaasumik sulisoqartarpoq ullaakkut arfineq marluniit ualikkut pingasut tungaanut aamma quliniit arfernut tungaanut sulisoqartarpoq. Saniatigut sapaatit akunnerisa naaneri allortarlugit kiisalu ullut nalliuttut ilaanni sulisarnissaq naatsorsuutigineqassalluni.

 

Utoqqarnik innarluutilinnillu sullissinerup iluani ineriartortitsinermut sunneeqataanissamut soqutiginnittuuit suleqataarussuseqarlutillu? Suliassamut kajumissuseqarlutillu suleqatikkuminartuuit?

 

Naatsorsuutigaarput illit:

  • Ernæringsassistent-itut ilinniagaqarsimasutit
  • Suleqatikkuminartuusutit
  • Patajaatsuusutit namminerlu sulisinnaassuseqartutit
  • Eqaatsumik sulisinnaassuseqartutit
  • Qiimasuusutit

 

-      Malissagitit stillings- og funktionsbeskrivelse, Kommuneqarfik Sermersuumi ældrepolitik aammalu Aqutseriaatsimut tunngavissiaq minnerunngittumillu Utoqqaat Illuani naleqartitat.

 

Uagut neqeroorutigisinnaavagut:

  • Suliffimmi avatangiisit pitsaasut
  • Pitsaasumik ilisarititsineq
  • Suliassat aaqqissuunneqarnerannut sunniuteqaqataasarnissaq

 

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Pisortaq Paninnguaq Petersen, oqarasuaat +299 367621 imaluunniit e-mail: papt@sermersooq.gl

 

Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

 

Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.
Atorfinititsineq qaammatini pingasuni misiliutitaqassaaq.

 

Atorfininnermut atatillugu inissiamik innersuussisoqarsinnaanngilaq.

 

Inissaq:
Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.

 

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

 

Qinnuteqaat:
Qinnuteqaat qulequtserlugu Atorfiup ilisarnaataa 687/22-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

 

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Malugiuk: 
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: oktobarip 10.-at, 2022

Atorfik una qinnuteqarfigiuk