Skip to main content
134

Dette jobopslag er udløbet

Nerisassiortoq - Ernæringsassistent Ippiarsuk-mi

Kommuneqarfik Sermersooq pikkorissumik tunniusimasumillu nerisassiortumik Ippiarsummi igaffimmut 01.11.2020 isumaqatigiissuteqarnikkuulluunniit sulilersinnaasumik pissarsiorpoq.

 

Ippiarsuk tassaavoq utoqqaat angerlarsimaffiat 45-inut inissalik Sammisaqartitsivillu ullormut 50-inut inissalik. Najugaqartut sisamanut agguarneqarnikuupput tamarmik 10-niit 12-inut inissaatillit. Ippiarsummi sulisut ima ilinniagaqarsimasuupput: Peqqissaasoq, Peqqissaanermut assistentit, Peqqissaanermut ikiortit ilinniarsimanngitsullu. Immikkoortortat sisamat saniatigut innarluutilinnut inuusuttunut immikkoortortaqarfeqarpoq, Sammisaqartitsiveqarpoq, Igaffik, Errorsisarfik, Allaffik, pedeli biilertorlu. Ippiarsummi 65-70-it missaanniilluta sulisuuvugut. Ullormut najugaqartunut atuisunullu 120-it missaannik iggassisarpugut, qallersuisarluta sutugassaqartitsisarlutalu taakkualu aamma ilaatigut Cafemi sulisunut Sammisaqartitsivimmillu atuisunut tuniniarneqartarput. Immikkoortortaqarfinniit aamma inniminniisoqartarpoq nalliuttunut, ataatsimiinnernut najugaqarfimmilu pisussanut allanut. Cafemi aamma kioskimi tuniniagassaqartarpoq.

 

Ulloq suliffiusoq naliginnaasumik nal. 7-15 suliffiuvoq, taamaattorli aamma nikittaalluni 8 - 16 suliffiusarpoq, naatsorsuutigineqasssaarlu sapaatit akunnerisa naaneri allortarlugit sulineq pisinnaasassammat kiisalu ukiup ingerlanerani nalliuttuni sulisarsinnaanissaq.

 

 

 

Naatsorsuutigaarput:

 

∙ Nerisassiortutut ilinniagaqarsimanissat

 

∙ Tamakkiisumik isiginnissinnaassuseqartuunissat igaffimmi iganermillu ilisimasaqartuunissat

 

∙ Tamakkiisumik isiginnissinnaassuseqartutit, aalaajaatsuusutit, tunniusimasuusutit, ammasuusutit pilersitsisinnaassuseqartuusutillu

 

∙ Sullissisinnaassusermik piginnaasaqartutit kiinnerluarsinnaasutillu

 

∙ Suleqatikkuminartuunissat najugaqartunullu utoqqarnut ataqqinnittuunissat

 

∙ Tamakkiisumik isiginnissinnaassuseqaatigalutit nammineerlutit sulinerit aaqqissuuttassagit suliassatillu pingaarnersiortarlugit

 

∙ Illumi ineriartorfiusumi sulinerput pissutigalugu soqutigisarissagit suliassanik nutaanik tigusisarsinnaaneq

 

∙ Siunissami suleqatinut nutaanut ilinniartitsinermi peqataarusunnissat, ilinniartunullu sulinermik sungiusaasuusinnaanissat

 

∙ Tunngaviusumik eqqiluisaarnermik ilisimasaqarluartutit

 

 

Neqeroorutigaagut:

 

∙  Ilisaritinneqarneq

 

∙  Tatigineqarneq

 

∙  Akisussaaffilerneqarneq

 

∙  Akuutinneqarneq

 

∙ Najugaqarfik pillugu ilitsersuunneqarneq ilinniartinneqarnerlu

 

∙ Suleqatit pitsaasut, ataqatigiinneq najugaqarfimmilu tamarmi suleqatigiineq

 

 

 

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Iggavimmi aqutsisoq Mose Pedersen, oqarasuaat +299 36 61 70 imaluunniit e-mail: mkap@sermersooq.gl

 

 

Pineqaatissinneqarsimannginnermut uppernarsaat:


Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

 

 

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.
Atorfinititsineq qaammatini pingasuni misiliutitaqassaaq.

 

Inissaq:

Atorfininnermut atatillugu inissiamik innersuussisoqarsinnaanngilaq.

 

 

Qinnuteqaat:

Qinnuteqaat qulequtserlugu Atorfiup ilisarnaataa 666-22-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

 

 

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

 

Malugiuk: 


Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

Qinnuteqarnissamut killissarititaasoq: novembarip 1.-at, 2022

Atorfik una qinnuteqarfigiuk