Skip to main content
112

Naluttarfik Malik pisortassarsiorpoq / Atorfiup normua 627/19

Naluttarfik Malimmut naluttarfiup pisortaa suliniuteqarluarsinnaasoq.

Kalaallit Nunaanni naluttarfituami ingerlatsisutut ineriartortitsisutullu imminut takusinnaavit?

Kommuneqarfik Sermersooq ulluinnarni ingerlatsilluarsinnaasumik inspektørimik Naluttarfik Malimmut pissarsiorpoq.  Aqutsisutut suliassat saniatigut naluttarfimmi inspektørip suliassaasa ilagaat allaffissornikkut suliassat Kommuneqarfik Sermersooq suleqatigalugu, taassuma saniatigut sulisut akissarsiaat kiisalu missingersuusiorneq malitseqartitsinerlu.

Naluttarfimmi aqutsisoq atuisunut eqimattanut innuttaasunullu paasissutissanik suliarinnittussatut akisussaasuuvoq, kiisalu sulisussat ilinniartitaanissaannut pilersaarusiornermi peqataassalluni, annaassiniartartut ilanngullugit.  Naluttarfik ataatsimik teknikereqarpoq, annaassiniartartut qulingiluat, cafemi sulisut pingasut, annaassiniartartut paarlatsit sisamat, cafemi paarlatsit sisamat, inspektørip ataani katillugit 21-vit sulipput.

Atorfiup suliassartaa:

  • Ulluinnarni sulinerit pilersaarusiorneqarnerannut ataqatigiissaarneqarnerannullu akisussaasoq
  • Ulluinnarni ingerlatsinermut missingersuutinullu suliassaqarfimmi fagchefi peqatigalugu akisussaaffik.
  • Sulisunik aqutsinermut akisussaasoq.
  • Naluttarfimmi sanaartukkanut- ineriartortitsinertigullu suliassat akisussaaffigissallugit
  • Sulisut suleqatigalugit pigaartussanik pilersaarusiorneq. 
  • Paasititsiniaanermut attaveqaqatigiinnermullu tunngasunik, tassunga ilanngullugit nittartagaq Facebookilu, suliaqarneq
  • Atuisut ajunngitsumik misigisaqartissallugit, naluttarfillu ineriartortissallugu sulisut, atuisut, atuisartunut pisisartunullu siunnersuisartoqatigiit aqutsisullu suleqatigalugit. 
  • Naluttarfimmi inspektøri naluttarfiup atuisartunut atuisullu siunnersoisoqatigiivini naluttarfiullu aningaasaateqarfiani allattaavoq.
  • Suliassat takkussortut suliarinerat

Naatsorsuutigaarput:

  • Aqutsinermik misilittagaqarluartoq aqutsisutullu ilinniarsimasoq.
  • Nuannaartoq, ammasoq aamma sulisut piumassuseqalernissaannik isumassornissaannillu pikkoriffilik. 
  • Pitsaassutsimut eqqummaarissoq, sullisserusussuseqartoq oqaatsitigut iliuutsitigullu.
  • Isumassarsianik nutaanik tunniussisinnaasoq, ataavartumik sammisassaqartitsinerni ineriartortitsinermut peqataasoq.
  • Tamakkiisumik takunnissinnaassuseqartoq unammillernarsinnaasunullu piumassusilik.
  • Sulinermi piffissani nikerartuni sulisinnaasoq.
  • Aalajaatsoq, tamakkiisumik takunnissinnaassusilik siunnerfilimmik namminersorlunilu sulinermi.
  • Timikkut qajannaatsoq tatitoorlu.
  • Meeqqanik innarliisimannginnermut uppernarsaat pinerlussimannginnermullu uppernarsaateqarneq.

Iluaqutaassaaq:

  • Aqutsinermik misilittagaqarneq.
  • Annaassiniartartutut, bademesteritut imaluunniit timersornermi naluttarfimmiluunniit aqutsisutut misilittagalik
  • Teknikkikkut paasisimasalik aamma/imaluunniit naluttarfimmik ilisimasalik.

Naluttarfiup ingerlanneqarneranut ilinniartitsineq pisinnaavoq.

Atorfik piffissani assigiinngitsuni suliffiuvoq, unnukkut sapaatillu akunnerisa naaneri ilanngullugit.

Naluttarfik Malik angisuumik multibassineqarpoq aamma imermik kissartumik/meeqqanut naluttarfimmik. Saniatigut saunaqarpoq, IR-helsekabina, solariummi kinisimaartarfillu.  Malik 2003-mi atulerpoq, Kalaallit Nunaannilu timersornikkut- kulturikkullu suliffeqarfiulluni pulaarneqarnerpaaq, ukiumut inunnik 130.000-init.  Naluttarfik sapaatip akunneranut 100 tiimit missiliorlugit ammasarpoq, ukioq tamaat.

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

 

Akissaatinut atorfinitsitaanermullu tunngatillugit atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Atorfinititsineq qaammatini pingasuni misiliutitaqassaaq.

Qinnuteqaat:
Qinnuteqaatip ilisarnaataata Job nr. 627/19, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

 

Imatut qinnuteqaateqassaatit:                                                                                      
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 21. oktober 2019
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Frederik Lundblad
Telefon: +299 36 60 80
Nittartagaq: http://www.sermersooq.gl
Qinnuteqaat nassiutiguk