Skip to main content
121

Dette jobopslag er udløbet

Nakkutilliinermut oqartussaqarfik ilinniartumik ikiortissarsiorpoq / Atorfiup nr. 419/21

Sanarfinermut Avatangiisinullu Ingerlatsivik Nakkutilliinermut oqartussaqarfimmut utaqqiisaagallartumik biilinut, umiatsianut containerinullu nunaminertanik agguarneqarsimasunik nakkutilliinermut peqataasussamik ilinniartumik ikiortissarsiorpoq.

Aaqqissuussaanermi Nakkutilliinermut oqartussaqarfik Illoqarfimmik pilersaarusiornermut, Sanaartornermut oqartussaqarfimmut nunaminertanullu oqartussaqarfimmut immikkoortortameeqataavoq. Taakku immikkoortortat sisamaasut ataatsimut 15-inik sulisoqarput. Immikkoortortaqarfiit illoqarfimmi pilersaarusiorneq, nunaminertanik atugassiineq sanaartugassanillu akuersissuteqarneq suliaqarfigaat.

Atorfiup imarisaa:
Sapaatip akunneranut 20 tiimit missaani sulisinnaasumik ilinniartumik ikiortissarsiorpugut, taamaakkaluartoq ilinniarnerit, misilitsinnerit assigisaalu pingaartinneqassapput. Immikkoortortaqarfiup susassaqarfiini assigiinngiiaartuni suleqataanissannut sapiissuseqassaatit, soorlu makkunani:

  • Nunaminertanik piffissami killiligaasumi atuuttussanngorlugit agguaanneqarsimasuni nakkutiginninneq misissuinerlu
  • Illuatungerisamik tusarniaanermi ilaalu ilanngullugit immikkoortortaqarfimmi suliassat takkussuuttut ikiortaaffigissavatit
  • Pigisat inuttassarsiuussat malinnaaviginissaat immaqalu peernissaat isumagissallugit
  • Suliassat takkussortut suliarinissaat

Sanarfinermut Avatangiisinullu Ingerlatsivimmi suliassat sumiiffimmi pisortaq/pisortat sulisullu allat qanimut suleqatigalugit ingerlanneqartarput.

Ilisarnaatigisassatit:
Naatsorsuutigaarput ilinniakkamik ingerlataqartuusutit, aammalu assigiinngitsunik suliaqarnissannik nuannarisaqartuusutit. Nunaminertanik aqutsineq pissanganartutut isigigukku iluaqutaassaaq.

  • Soqutiginnittuusutit, kiffartuusserusuttutit, akisussaassuseqartutit suleqateqarluarsinnaallutillu
  • Inatsisit atuuttut politikikkullu akuersissutigisat naapertorlugit oqaluttariarsornikkut allattariarsornikkullu attaveqaqateqarsinnaaneq nuannarissagit
  • Office-pakken misilittagaqarfigigit
  • Marluinnik oqaaseqartuusutit
  • Nammineersinnaassuseqartutit suleqatigiinnilu suleqataasinnaasutit
  • Aqutsisutut ilinniarsimaneq iluaqutaassaaq

Neqeroorutigaavut:

  • Suliffik soqutiginarlunilu allanngorartoq piginnaasat ineriartortinnissaannut periarfissalik
  • Ingerlatsivimmi suleqatinik pikkorissunik tunniusimasunillu suliassaqarfinni assigiinngitsuni pitsaasumik suleqatigiinneq
  • Ulloq suliffik suliat nammineerluni naammassisinnaanerinut tunngatillugu suleqatigiinni tatiginniffiusoq.

Pinerliisimannginnermut uppernarsaat:
Atorfik inuttassarsiuussarput pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pinerliisimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommunip Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Akissaatinut atorfinitsitaanermullu tunngatillugu atugassarititaasut:
Akissarsiat atorfinitsitaanermilu atugassarititaasut isumaqatigiissutit atuuttut naapertorlugit pissapput.

Inissiaq:
Atorfimmut atatillugu inissiamik atugassiisoqanngilaq.

Qinnuteqaatip:
Qinnuteqaatip ilisarnaataata Atorfiup ilisarnaataa 419/21 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

MALIGIUK: Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

Qinuteqaat tunniunneqassaaq kingusinnerpaamik: 01. august 2021
Atorfininneq: Isumaqatigiinnikkut
Akunnerit suliffiit: Ulloq affaq
Suliffik: Nuuk
Paasissutissat allat uani piniarneqarsinnaapput: Afdelingsleder Vilhelm Lynge Hard
Telefon: +299 367642
Nittartagaq: http://www.sermersooq.gl
Qinnuteqaat nassiutiguk