Skip to main content
159

Dette jobopslag er udløbet

Najugaqatigiiffik Seernaq Peqqissaasumik imaluunniit Sundhedsassistentimik pissarsiorpoq

Najugaqatigiiffik Seernaq peqqissaasussarsiorpoq imaluunniit peqqinnissamut assistentissarsiorluni

 

Inunnut innarluutilinnut tarnimikkullu nappaatilinnut immikkoortortaqarfik Najugaqatigiiffimmut Seernamut peqqissaasussarsiorpoq imaluunniit peqqinnissamut assistentissarsiorluni. Taamatut sulinissaq uummateqarfigiviuk, aamma najugaqartut pillugit allanngueqataarusuppit, taava illerpiaq suleqatissatsitut amigaatigaatsigit.

 

Atorfik piffissaq tamakkerlugu suliffiuvoq sap. ak. 40 tiimit annerusumik ullukkut unnukkullu aamma sapaatip akunnerata naanerani sulisoqarsinnaassalluni. Najugaqartuutitta ineriartornissaannut tapersersuinermi suleqatitit qanimut suleqatigissavatit.

 

Najugaqatigiiffik Seernaq Nuummi najugaqatigiiffitsinni annerit ilagaat. Najugaqatigiiffik 18-inik inisimasoqarpoq taakkulu tarnimikkut timikkullu piginnaasaat annikillisimasuupput. Najugaqatigiiffik inini sisamanik quleriilinniippoq, quleriit tamarmik immikkut najugaqartoqarlutillu sulisoqarput. Najugaqartut namminerisamik ineqarput, ini iggavillu najugaqatigiinni etage-qatigiinni ataatsimoorussaavoq. Illit pingaarnertut suliassarissavat najugaqartut eqqarsartaatsimikkut, inooqataanikkut aamma nalinginnaasunik piginnaasassanik inerisaaviginissaat, taamaalillutik sapinngisamik imminnut ikiorsinnaalersillugit. Suleqatitit peqatigalugit najugaqartut kissaataat malillugit pitsaasumik imaqarluartumillu inuuneqarnissaannut tapersersussavatit. Najugaqartut 18-it saniatigut najugaqatigiiffik 25-t missaanik sulisoqarpoq, peqqinnissamut tunngasunik ilinniagallit, perorsaasut ilaalu ilinniagaqartuunatik.

 

Suliassatit:

  • Nakorsaatinut akisussaasoq – ilanngullugu sulisunut nutaanut nakorsaatinik passussinermut atatillugu ilisarititsineq
  • Malittarisassat najoqqutassallu malinneqarnissaannik isumaginninneq
  • Tarnikkut nappaatilinnik nakorsaatitortunik katsorsaanermik nakkutiginninneq malitseqartitsinerlu
  • Peqqinnissakkut suliatigut imaluunniit suliatigut misiliisunut nakorsaatilerinermi ilitsersuisarneq
  • Ulluni immikkut sammisaqarfinni ajornartorsiutinilu attuumassuteqartuni pisariaqartitsineq aallaavigalugu atuartitsineq/piginnaanngorsarneq

Nakorsaasersuinermut atatillugu suliassat immikkoortortaqarfiup peqqissutsimut sulianut tunngasutigut siunnersortaanik, Ikaarsaarfimmik aamma Dronning Ingridip napparsimavissuanik qanimut suleqateqarluni suliarineqartassapput. Tamatuma saniatigut sulianik suliarinnittartut, immikkoortortaqarfiup katsorsaasartoqatigiivi aamma pineqaatissinneqarsimasunut inissiisarfik suleqatigineqassapput.

 

Naatsorsuutigaarput:

  • Peqqissaasutut imaluunniit peqqinnissamut assistentitut ilinniagaqarsimasuuvutit, nakorsaasersuinermillu pikkorissarneq angusiffigisimassavat
  • Isumassuisoq, inussiarnersoq pitsaasumillu suliffiup avatangiiseqarnissaanik takunnissinnaasoq
  • Ilinnut siuarsarusupputit immikkoortortaqarfitsinnillu ineriartortitserusullutit, taamaalillutit najugaqartumut allannguineq pingaaruteqarluinnartoq pilersillugu
  • namminersorluni sulisinnaasooq aammalu suliassaqarfinni allanik suleqateqarsinnaasoq
  • Aqutsisoq tullersortilu peqatigalugit peqqissutsimut suliatigut ilisimasalinnik uppernarsaanermik suleqatitit ilinniartillugit
  • suliassaqarfiit assigiinngitsut akornanni siunersioqatigiinneq
  • peqqinnissaqarfimmut attaveqarnermi pingaarnermik attaveqaataaneq
  • isumaqatigiissutinik ataatsimut takunnissinnaasoq

 

Uagut pilluta:

Atorfimmi tassani ataatsimooqatigiinnermi annertuumi peqataalissaatit: Immikkoortoqarfiuvugut arfineq-pingasunik najugaqatigiiffeqartut, najugaqatigiiffiit allat tallimat, sammisassaqartitsinermut ataatsimooqateqartitsinissamullu neqeroorutinik marlunnik kiisalu tapersersorteqarfinnut pingasunut Nuummi, Tasiilami Paamiunilu agguataarsimasut.

 

Immikkoortoqarfimmi annertuumik ineriartorfiusussanngortumi pissanganartumilu atorfimmik neqeroorfigaatsigit. Ineriartortitsinermi ilaatigut pineqarlutik sulilerlaatut iluamik ilitsersuunneqarnissat, ingerlaavartumik siunersioqatigiittarnissamik kiisalu suliatigut ataatsimooqatigiiffeqarnissamik imaqarput.

 

Annertunerusumik paasisaqarusukkuit:
Paasisaqarnerorusukkuit tikilluaqqusaajuassaatit aqutsisoq Signe Petersen attaveqarfiginissaanut Oqarasuaammut uunga sianerlutit: 367370 imaluunniit tullersorti Ane Margrethe Andreassen Oqarasuaat: 367371, imaluunniit maili seernaq@sermersooq.gl

 

Atorfinitsitsinissamut oqaloqatiginninnerit sapaatip akunnerani 36-mi ingerlannissaat naatsorsuutigaarput

 

Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

 

Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Naalakkersuisut aamma Sulinermik Inuussutissarsiuteqartut Kattuffiata (SIK-p) akornanni isumaqatigiissut atuuttoq imaluunniit Kalaallit Nunaanni kattuffiup allap isumaqatiginninniarsinnaatitaasup isumaqatigiissutaa atuuttoq naapertorlugu atorfinitsitsisoqassaaq.

 

Atorfinititsineq qaammatini pingasuni misiliutitaqassaaq.

 

Inissaq:
Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.

 

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

 

Qinnuteqaat:
Qinnuteqaat qulequtserlugu Atorfiup ilisarnaataa 583/22-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

 

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

MALIGIUK: 
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: septembarip 8.-at, 2022

Atorfik una qinnuteqarfigiuk