Skip to main content
91

Dette jobopslag er udløbet

Najugaqatigiiffik Qinngorput peqqissaanermi aamma/imaluunniit isumaginninnermi ikiortimik ataatsimik pissarsiorpoq / Atorfiup ilisarnaataa 101/21

Najugaqatigiiffimmut Qinngorput peqqissaanermi aamma/imaluunniit isumaginninnermi ikiorti ataaseq, Innarluutilinnut Tarnikullu Nappaatilinnut Inuttut Atukkatigut Sullissinermut Immikkoortortaqarfik

Ineriartortitsinermut sunniuteqarnissamut periarfissaqarlutit Innarluutilinnik tarnikullu nappaatilinnik inuttut atukkatigut sullisinermik suliaqarneq nuannaraajuk, nammineerlutillu sulineq nuannaraajuk, immaqa Innarluutilinnut Tarnikullu Nappaatilinnut Inuttut Atukkatigut Sullissinermut Immikkoortortaqarfiup ataani Qnngutsinni immikkoortortaqarfitsinni Peqqissaanermi ikiortitut assigisaattulluunniit sulinissaq ilinnut naleqquppoq.

Inissiaqatigiiiffinni innuttaasut annertuumik innarluutillit inuit ataasiakkaat tarnikkut, timikkut inuttullu atukkatigut piginnaasatik pigiinniarnissaannut, pitsanngortinnissaannut ineriartortinnissaannullu periarfissaqarnissamut ikorfartorneqarnissamik pisariaqartitsisut sullinneqarput. Taamatut ikorfartuinerup ilaa pingaartoq tassaavoq kinaassutsip, imminut naleqartitsinerup inuunermillu nuannarinninnerup pigiinnarnissaat ineriartortinnissaallu kiisalu inuttut atukkatigut, attaveqarsinnaanermut namminerlu inuunermut annertunerpaamik sunniuteqarnermik misiginissamut ikorfartuisarneq.

Peqqissaanermi sulisutut innuttaasumut attaveqaataavutit, innuttaasorlu ikorfartorniarlugu suleqatigisanut attaveqarnissamut akisussaasuullutit, taakkulu tassaasinnaapput: napparsimavik, kommunimi suliassanik suliarinnittartut, kommunimi peqqissaasartoqatigiit angalasartut, pinerluttunik isumaginnittoqarfik.

Inissiaqatigiiffimmi nutaami aaqqissuulluakkamilu inissiani tamani ineqartunut 20-nut inissaqarpoq. Quleriinni tamani marlunnik atoruminartunik angisuunik marlunnik ataatsimu atorneqartartunik ineqarpoq. Ulluinnarni atugassanik pisiniarfissaq bussillu unittarfii qanipput.

Ullukkut, unnukkut sapaatillu naanerini paarlakaalluni pigaartuusarnissaq naatsorsuutigineqassaaq.

Suliassatit ilaatigut tassaassapput:

  • Innuttaasup suliassaqarfiit akornanni suleqatigiit suleqatigalugit ineriartornerani ikorfartorlugu..
  • Innuttaasoq kommunimit perorsaanermilu iliuusissatut pilersaarut aallaavigalugu ikorfartorlugu.
  • Innuttaasoq malinnaavigalugu, takusatillu peqqissaanermut akisussaasumut suliamut attuumassuteqartumut ingerlateqqittarlugit.
  • Inuttaasoq sunngiffimmi sammisanut il.il. ingerlaqatigisarlugu.
  • Isumassuisuullutit peqataatitsisarlutillu, innuttaasup inuuneqarluarnissaanut peqataasarnissaanullu ikorfartorsinnaallugu ikorfartorusullugulu aamma ilitsersorsinnaallugu ilitsersorusullgulu.

Ilimagaarput:

  • Peqqissaanermi ikiortitut assigisaatulluunniit ilinniarsimasuusutit.
  • Innarluutilinnik tarnikkullu nappaatillit inuttut atugaannik sullissinermik misilittagaqartutit, sapinngisamik perorsaanermi iliuusissatut pilersarutit innarluutilinnillu avatangiisini namminiilernissaannut ikorfartuisarnermik ilisimasaqartutit.
  • Tamanik isiginnissinnaasut suliassannillu pingaarnersiuisinnaasutit/tulleriiaarisinnaasutit
  • Ineriartornissamik nutaamillu eqqarsariaaseqarnissamut suliniuteqarsinnaasutit
  • Ajunngitsumik isummertartuusutut nuannaartuusutillu
  • Pissutsinni patajaatsuusutit inuttullu nukittuujusutit
  • Suliassanik suliarinnittarnermi pikkorissuusutit akisussaassuseqartutillu
  • Innuttaasut ataasiakkaat inuunerminni imminnut qitiutissinnaagitit.

Neqeroorutigaagut

  • Suleqatit pimoorussisut pikkorissullu
  • Suliassanik suliffimmullu isertitsiniaanissaq
  • Tatiginninneq
  • Akisussaassuseqarneq
  • Peqataatitsineq
  • Illumi pisariaqartitat malillugit ilinniartitsineq
  • Illumi tamarmi ataqatigiinneq / suleqatigiinneq
  • Kommimut, peqqinnissaqarfimmut il.il. suliaqarfiit akornanni suleqateqarneq
  • Suliffik inussiarnersunik ilasseraartunillu ulluinnarni aaqqissuussamik atugaqarnissamik, ikorfartorneqartarnissamik, ilitsersorneqartarnissamik sammisaqarnissamillu, illup iluani silamilu, pisariaqartitsisunik ineqarfigineqartoq
  • Suliffik unammilligassaqarfiusoq namminerlu suliassanut sunniinissamut periarfissaqarfiusoq.

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommuneuppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq SIK imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

Atorfinititsineq qaammatini pingasuni misiliutitaqassaaq.

Inissiaq
Atorfimmut atatillugu inissiamik atugassiisoqanngilaq.

Qinnuteqaatip
Qinnuteqaatip ilisarnaataata Atorfiup nr. 101/21 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 08. marts 2021
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Julianne Frederiksen
Telefon: +299 367236
Mobil: +299 548934
Nittartagaq: http://www.sermersooq.gl
Qinnuteqaat nassiutiguk