Skip to main content
121

Dette jobopslag er udløbet

Najugaqatigiiffik Aqqusinersuaq 13 perorsaasumik pissarsiorpoq / Atorfiup nr. 565/21

Tarnikkut nappaatilinnut tunngasunik suliaqarfinni sulerusuppit, namminersorlunilu sulineq nuannaralugu, piumassuseqarluartunillu assigiinngitsunik suliallit suleqatigiinneranni aamma sulisut pikkorissut suleqatigerusullugit, taamaappat illiusimassaaq sulisorerusutarput.
Aqqusinersuaq 13 najugaqatigiiffiuvoq, tarnimikkullu napparsimasut sisamat tassani najugaqarput. Najugaqartuutivut ulluinnarni ikorfartorneqarnissamik, ikiorneqarnissamik isumassorneqarnissamillu pisariaqartitsisuupput. Najugaqartut ataasiakkaat ulluinnarni nammineersinnaanerat ineriartornerallu attatiinnarnissaat anguniagaraavut, taamaalillutimmi inuunerinnerulissammata. Attaveqaatilersortarneq suleriusitsinniippoq ulluinnarnilu avatangiisit tunngavigalugit katsorsaariaaseqartarluta.

Perorsaasutut innuttaasunut attaveqaataassaatit, innuttaasullu ilaatigut ass. ukununnga: ilaqutaasunut, peqqissaavimmut/ Nunap immikkoortuani tarnikkut nappaatillit nakorsaannut, kommunimi tagiartuisartunut pillorissaasunullu, pinerluttunik isumaginnittoqarfik kiisalu innutaasup sullissisuanut attaveqarnissaanut ikorfartuinissannut ilaginissaanullu akisussaasuullutit.

Illit ilaatigut makku suliarisassavatit:

  • Suleqatit suleqatigalugit najugaqartoq ineriartornissaanut ikorfartorlugu
  • Suleqatitit ilisimasannik avitseqatigalugit
  • Najugaqartup ineriartornissamut pilersaarutaata ataavartuunissaa qulakkeerlugu
  • Najugaqartunik malinnaaffiginninneq, malinnaaffiginninnermilu katsorsaasutut akisussaasunut attuumassuteqartunut ingerlatitseqqiineq
  • Najugaqatigiiffimmi tamarmi sammisassaqartitsinermik akisussaasoq

Naatsorsuutigaarput:

  • Perorsaasutut ilinniagaqarsimasutit assingusumilluunniit
  • Innarluutilinnut tarnimikkut nappaatilinnullu tunngasut iluani sulinermik misilittagaqartutit, perorsaanikkut iliuusissanik pilersaarusiornermut aammalu avatangiisit tunngavigalugit katsorsaanermik suleriaaseqarnermik ilisimasaqartutit
  • Suleqateqarsinnaassuseqarluartutit, nammineersinnaassuseqarlutit ajornartorsiutinillu aaqqiisinnaassuseqartutit kiisalu assigiinngitsunik suliallit suleqatigalugit sulisinnaassuseqartutit
  • Tamakkiisumik isiginnissinnaassuseqartutit aammalu suliassanik pingaarnersiuillutit suliarinnissinnaasutit
  • Ineriartortitsinissamut aallartitsisinnaassuseqartutit nutaamillu eqqarsarsinnaassuseqarlutit
  • Inuttut aalajaatsuusutit tatituujusutillu.
  • Innuttaasut ataasiakkaat inuunerat qitiutillugu.

Neqeroorutigaavut

  • Suleqatit pimoorussisut pikkorissullu
  • Ilisarititsineq
  • Akisussaaneq
  • Akuutitsineq
  • Suliffeqarfinnik allanik kommunimit, peqqinnissaqarfimmiit il.il. suleqateqarneq.
  • Suliffik unammillernartulik, suliallu aallaavigalugit sunniuteqarnissamut periarfissaqarneq.

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommuneuppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

Atorfinititsineq qaammatini pingasuni misiliutitaqassaaq.

Atorfimmut atatillugu inissiamik atugassiisoqanngilaq.

Qinnuteqaatip:
Qinnuteqaatip ilisarnaataata Atorfiup ilisarnaataa 565/21 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

MALIGIUK: Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

Qinuteqaat tunniunneqassaaq kingusinnerpaamik: 11. oktober 2021
Atorfininneq: Isumaqatigiissuteqarnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Anerak Skifte
Mobil: +299 548935
Nittartagaq: http://www.sermersooq.gl
Qinnuteqaat nassiutiguk