Skip to main content
91

Dette jobopslag er udløbet

Najugaqatigiiffik Aqqusinersuaq 13 Nuummiittoq peqqissaasumut ikiortimik pissarsiorpoq / Atorfiup ilisarnaataa 110/21

Innarluutilinnut aamma tarnimikkut nappaatilinnut suliassaqarfimmi suliat soqutigigukkit, aamma namminersorlutit sulineq soqutigigukku, assigiinngitsunillu suliaqartut kajumilluartut pikkorissullu akornanni suleqataaneq nuannaralugu, taava immaqa Qinngutsinni innarluutilinnut isumaginninnerup socialpsykiatrillu iluani najugaqatigiiffitsinni Peqqinnissamut ikiortiunissat ilinnut tulluuttuussaaq.

Najugaqatigiiffimmi najugaqartunut sisamanut inissaqarpoq, tassanilu sulisut piffissani nikerartuni sulisarput. Ullukkut, unnukkut aammalu weekendini sulisarnissaq naatsorsuutigineqassaaq.

Innuttaasut eqqarsartaatsimikkut innarluutillit eqqarsartaatsikkut inooqataanikkullu kiisalu suliassanut pisinnaasaasa attatiinnarnissaannut, pitsanngorsarnissaannut siuarsarnissaannullu ikorfartorneqarnissamik pisariaqartitsisut Kommuneqarfik Sermersuumit sullitarineqarput. Ikorfartuinermi tassani pingaartinneqarpoq innuttaasup kinaassutsiminik, imminut naleqartinnerminik aamma inuunermik nuannarisaqarneranik attassiinnarnissaa ineriartortitsinissarlu, kiisalu inooqatigiinnermi pitsaasumik inooqataasinnaaneranut, attaveqaqateqarsinnaaneranut tapersersuineq taamatullu nammineq inuunerminik annerpaamik oqartussaaqataanermik misigisimanissaa.

Najugaqatigiiffimmi najugaqartut tarnimikkut innarluutillit, ikiorneqarnissamik , ikorfartorneqarnissamik, ilitsersorneqarnissamik isumassorneqarnissamillu pisariaqartitsisut, ulluinnarnilu ingerlalluassagunik allanngoranngitsumik aaqqissuussaasumillu avatangiiseqarnissamik imassaqartinneqarluarnermillu pisariaqartitsipput.

Peqqissaasumut ikiortitut innuttaasunut attaveqaataassaatit, innuttaasullu  ilaatigut ass. ukununnga: peqqissaavimmut/ Nunap immikkoortuani tarnikkut nappaatillit nakorsaannut, kommunimi tagiartuisartunut pillorissaasunullu, innutaasup sullissisuanut attaveqarnissaanut ikorfartuinissannut akisussaasuullutit.

Illit ilaatigut makku suliarisassavatit:

  • Innuttaasup timikkut, tarnikkut inuusaatsikkullu pisariaqartitaanik isumaginneqataanissaq.
  • Innuttaasup katsorsartinneranut pilersaarutit ataavartuunissaat qulakkiissallugit, matumani siunissaat tunngavigalugu pilersaarut ilanngullugu.
  • Kommunimi iliuusissatut pilersaarut aallaavigalugu innuttaasumut tapersersuineq
  • Innuttaasumik nakkutiginninneq, nakkutiginninnermillu katsorsaasutut akisussaasunut attuumassuteqartunut ingerlatitseqqiineq.
  • Assigiinngitsunik suliallit suleqatigalugit innuttaasup ineriartornissaanut ikorfartuineq.

Naatsorsuutigaarput illit:

  • Peqqissaasutut ilinniarsimasuusutit, innarluutillit iluanni aamma inooqatigiinnikkut tarnikkut sulinermik misilittagaqartuusutit
  • Suleqateqarsinnaassuseqarluartutit, nammineersinnaassuseqarlutit ajornartorsiutinillu aaqqiisinnaassuseqartutit kiisalu assigiinngitsunik suliallit suleqatigalugit sulisinnaassuseqartutit
  • Tamakkiisumik isiginnissinnaassuseqartutit, aammalu suliassanik pingaarnersiuillutit suliarinnisinnaasutit
  • Ineriartortitsinissamut aallartitsisinnaassuseqartutit nutaamillu eqqarsarsinnaassuseqarlutit
  • Isumalluartuusutit nuannaartuusutillu

Neqeroorutigaavut:

  • Immikkoortortami atorfik suliatigut qaffasissoq
  • Suleqatit nuannaartut pikkorissullu
  • Atorfik nuannaartunik kajumissusilinnillu atuisortalik ulluinnarni aalajangersimasunik malitassaqarluni sammisassaqartitsinissanillu piumasaqaateqarfiusoq
  • atorfik suliassanik unammillernartulik namminerlu suliassanik sunniuteqarfiusinnaasoq
  • suliassaqarfinni assigiinngitsuni sulisunik qanimut suleqateqarnerit
  • suliffik pissanganartoq ammasorlu
  • Atorfik tamatigoortoq  unammillernartunillu suliassartalik

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommuneuppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq NPK imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

Atorfinititsineq qaammatini pingasuni misiliutitaqassaaq.

Inissiaq
Atorfimmut atatillugu inissiamik atugassiisoqanngilaq.

Qinnuteqaatip
Qinnuteqaatip ilisarnaataata Atorfiup nr. 110/21 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 09. marts 2021
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Anerak Skifte
Mobil: +299 548935
Nittartagaq: http://www.sermersooq.gl
Qinnuteqaat nassiutiguk