Skip to main content
151

Dette jobopslag er udløbet

Najugaqaqatigiiffik Naasunnguit Paamiuniittoq sulisussarsiorpoq

Innarluutilinnut aamma tarnikkut nappaatilinnut immikkoortortaqarfik Najugaqaqatigiiffik Naasunnguit, Paamiuniittumut isumassuilaqqissumik nammineersinnaassuseqartumillu suleqatissarsiorpoq. Taamatut sulinissaq uummateqarfigiviuk, aamma najugaqartut pillugit allanngueqataarusuppit, taava illerpiaq suleqatissatsitut amigaatigaatsigit.

 

Atorfik piffissaq tamakkerlugu atorfiuvoq, sapaatip akunneranut akunnerit 40-t, sapaatip akunnerata naaneri allortarlugit sapaatip akunnerata naaneri suliffigineqartarlutik. Najugaqaqatigiiffimmi sulisoq alla qanimut suleqatigisassavat.

 

Najugaqaqatigiiffik mikisuuvoq kisianni nuannersuulluni, 3-nik najugarineqartoq. Najugaqartut tarnikkut pisinnaasamikkut killeqarput aamma ineriartornermikkut akornuteqarlutik. Illit suleqatit peqatigalugu ulluinnarmik isumannaatsumik aaqqissuulluakkamillu pilersitsissaatit, najuqagartut toqqissisimaffigisinnaasaannik. Najugaqartut ataasiakkaat ulluinnarmik nalinginnaasumik inuunererusutaminnik namminneq kissaataat malillugu inuuneqarusunneranni tapersersussavatit.

 

Suliassatit:

  • Najugaqartut nammineernerulernissaat inuunerisalu pitsaanerulernissaat ineriartortillugit ilaatigut najugaqartunut iliuusissatut pilersaarusiat najoqqutaralugit sulineq.
  • Najugaqartut ulluinnarni sammisassanut kajumissaarlugillu tapersersortassavatit assersuutigalugu pisuttuarnermi, pisiniarnermi, nerisassiornermi nakorsiarnermilu.
  • Suleqatit, aqutsisoq najugaqartullu suleqatigalugit najugaqatigiiffimmi ataatsimoornerulersitsineq.

 

Suliassat najugaqatigiiffimmi sulisut allat qanimut kiisalu illup iluani avataanilu suleqatigisat suleqatigalugit suliarineqassapput, matumani sulianik suliarinnittartut, Dronning Ingridip Napparsimmavissua aamma Pinerluttunik Isumaginnittoqarfik ilanngullugit.

 

Ilinnit naatsorsuutigineqartut:

  • Ikorfartortitut, perorsaasutut assigisaannillu ilinniagaqarsimassaatit
  • Nammineerlutit sulisinnaavutit aamma suleqatigiit ikittunnguit suleqatigiilluarnermik pingaartitsisut suleqatigisinnaavatit.
  • Tatijuujuvutit pilersitsiniallaqqissoq, nukissaqarluartoq aamma iliuuseqallaqqissoq
  • Tunniusimasuussaatit, inuunermullu pitsaasumik isiginnittaaseqarlutit
  • Ilinnut ineriartortikkusupputit immikkoortortaqarfitsinnillu ineriartortitserusullutit, taamaalillutit najugaqartumut allannguineq pingaaruteqarluinnartoq pilersillugu

 

Atorfimmi tassani ataatsimooqatigiinnermi annertuumi peqataalissaatit: Immikkoortoqarfiuvugut arfineq-pingasunik najugaqatigiiffeqartut, najugaqatigiiffiit allat tallimat, sammisassaqartitsinermut ataatsimooqateqartitsinissamullu neqeroorutinik marlunnik kiisalu tapersersorteqarfinnut pingasunut Nuummi, Tasiilami Paamiunilu agguataarsimasut.

 

Immikkoortoqarfimmi annertuumik ineriartorfiusussanngortumi pissanganartumilu atorfimmik neqeroorfigaatsigit. Ineriartortitsineq pineqartoq ilaatigut sulilerlaat sukumiisumik ilitsersuunneqartarnissaannik, ingerlaavartumik siunersiueqatigiittarnissamik kiisalu suliatigut ataatsimooqatigiiffeqarnissamik imaqarput.

 

Annertunerusumik paasisaqarusukkuit: pisortaq Andrine Jensenip attavigisinnaavat uunga oqarasuaat 583877 imaluunniit e-mail-imut uunga: anje@sermersooq.gl

 

Atorfinitsitsinissamut oqaloqatiginninnerit sapaatip akunnerani 34-mi ingerlannissaat naatsorsuutigaarput.

 

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

 

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Naalakkersuisut aamma Sulinermik Inuussutissarsiuteqartut Kattuffiata (SIK-p) akornanni isumaqatigiissut atuuttoq imaluunniit Kalaallit Nunaanni kattuffiup allap isumaqatiginninniarsinnaatitaasup isumaqatigiissutaa atuuttoq naapertorlugu atorfinitsitsisoqassaaq.

 

Qaammatini pingasuni misiligummik atorfinitsitsisoqarsinnaavoq.

 

Inissaq:

Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.

 

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

 

Qinnuteqaat:

Qinnuteqaat qulequtserlugu Atorfiup ilisarnaataa 526/22-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

 

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

MALIGIUK: 

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: aggustip 17.-at, 2022

Atorfik una qinnuteqarfigiuk