Skip to main content
134

Dette jobopslag er udløbet

Najortigiisitsinermi - Meeqqanik angerlatitsinissami suliniuteqarfimmi katsorsaanermi aqutsisoq Nuuk

Meeqqanik ilaqutariinnillu atugarliortunik sunniuteqaqataallutit sullissinissat pilerigaajuk? Kommuneqarfik Sermersooq tarnip pissusiinik ilisimasalimmik, ilaqutariinnik katsorsaasartumik, isumaginninnermi perorsaasumik misilittagaqarluartumik assigisaanilluunniit ilinniagaqarsimasumik Nuummi Meeqqanut Ilaqutariinnullu Sullissivimmi katsorsaanermi aqutsisutut sulisussamik sulisussarsiorpoq.

 

 


Ilaqutariinnut tarnikkut inuuniarnikkullu atugarliortunut sammisunik ilaqutariinnik katsorsaaneq isumaginninnikkullu suliniarneq ”najortigiisitsinermi aammalu meeqqanik angerlarsimaffiup avataanut inissinneqarsimasunik angerlartinneqarnissaanni sullissivimmi.

 

Pingaanertut suliassaraarput Kommuneqarfik Sermersuumi meeqqanik sumiginnaanermik pinaveersaartitsineq. Najoqqutassiat aaqqissuussat tunngavigalugit sulisarpugut, tamatumanilu ilaqutariit atugarliortut ataasiakkaat akuliutitinneqarlutillu nukissaat/isumalluutaat periarfissaallu qitiutinneqartarput.

 

Katsorsaanermi aqutsisutut Meeqqanut Ilaqutariinnullu Sullissivimmi (MIS) immikkoortortami aqutsisoq qullersarissavat. MIS-imi aqutsisoqatigiinnut ilanngutissaatit, aqutsisoqatigiinnilu ilaasortaapput immikkoortortami aqutsisoq, illit (sulileruit) katsorsaanermilu aqutsisut allat sisamat.

 

Meeqqanik ilaqutariinnillu sullissivik, qaninnertut suleqatigissavat, immikkullu illumi inissisimasumi sulisassaatit, tamatumanilu meeqqat angerlarsimaffiup avataanut inissinneqarsimasut, angajoqqaaminnik peqateqartarnissaat, angerlartinneqarnissaanullu -suliatigut aqutsisuuffigalugillu ataqatigiissaarisuuffigissavatit. Suliassaqarfinni qulaani taaneqartuni katsorsaanermi aqutsisup saniatigut familieterapeutit marluk, perorsaasullu marluk suleqarigissavatit

 

Nuummi MIS-imi katsorsaanermi aqutsisooqataaffittut suliffeqarfimmi ingerlalluartumi ineriuartortuartumilu suleqataalissaatit, tamatumanilu sulisut atugarissaarnissaat suliatigullu ineriartorneq salliutinneqarluinnarput.

 

Atorfik inuttassarsiuunneqartoq piaartumik imaluunniit ulloq atorfinitsitsiffissaq pillugu qanimut isumaqatigiinnikkut inuttalerneqarsinnaavoq. 

 

 

 

Akisussaaffigisassat:

 

·Inuunerissaalluni, sullissilluni isumaginninnermilu perorsaalluni ilaqutariinnik Nuummi Meeqqanut angerlarsimaffiup avataanut inissinneqarsimasut angerlartinniarneqarnissaanut innersuunneqarsimasunik sullissinermi akisussaasuuneq

 

·Immikkoortortami aqutsisoq aamma sullissinermi aqutsisoq suleqatiginerisigut sullissinermi suleqatit isumaginninnermilu perorsaanermik suliaqartut suliatigut ineriartortinneqaqqinnissaannik qulakkeerinninneq

 

·Sullissinermi ulluinnarni suliassanik ataqatigiissaarineq suliakkiinerlu

 

·Ilaqutariinnik inuunerissaasartut suliaasa pitsaasumik ingerlanneqarnissaannik qulakkeerinninneq, tamatumani nalunaarsuiffiit sullitallu allattorsimaffii nutarsarneqartarnissaannik akisussaaneq

 

 

 

Tunuliaqquttat:

 

Naatsorsuutigaarput ataani allassimasut tunuliaqutannut naapertuuttut:

 

·Atorfimmi sulianut tunngasumik soorlu tarnip pissusiinik ilisimasalittut imaluunniit isumaginninnermi siunnersortitut ilinniarsimasuuvutit

 

·Tamakkiisumik isiginnittariaaseqarlutit ilaqutariinnut katsorsaanermik misilittagarluartuusutit

 

·Inuttut suliatigullu soqutiginnissuseqarlutillu sunniuteqallaqqissuuvutit

 

·Sulianik aaqqissuussillaqqipputit, ataqatigiissaarillaqqipputit, pilersaarusiullaqqipputit malittareqqiillaqqillutillu

 

·Allattariarsorneq pikkoriffigaat

 

·Inunnik nuannersumik isiginnittariaaseqarputit iluatsittumillu naammassisaqarusunneq ukkataralugu sulineq pikkoriffigaat Inunnik nuannersumik isiginnittariaaseqarputit iluatsittumillu naammassisaqarusunneq ukkataralugu sulineq pikkoriffigaat

 

·Inunnik assigiinngitsunik tunuliaqartunik oqaloqateqarusussuseqarlutillu killiffii pillugit oqaloqateqallaqqipputit kiisalu ileqqunik allannguinissaannut ikiuillaqqillutit

 

·Ammasuullutillu inussiarnersuuvutit

 

·Suliffeqarfimmi ineriartortinneqartuartumi sulinissannut kajumipputit

 

·Qinnuteqartut marluinnik (kalaallisut/danskisullu) oqaasillit piumaneqarnerupput

 

 

 

Neqeroorutigaavut:

 

∙ Suliffik pissangarnartoq unamminartunillu arlalinnik toraagassaqarfiusoq

 

·Suliffik sulinermi pitsaasunik annertuumik atugaqartitsisoq

 

·Suleqatit pikkorissut

 

·Killiffik aallaavigalgu inerisarneqarneq

 

·Suliatigut inuttullu ineriartornissamut periarfissat pitsaasut

 

·Namminersorluni sulineq

 

 

Annertunerusumik paasisaqarusukkuit:

 

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Immikkoortorrtami aqutsisoq Ellen Magnussen, oqarasuaat +299 36 61 05 imaluunniit e-mail: elem@sermersooq.gl

 

 

Pineqaatissinneqarsimannginnermut aamma meeqqanut pinerliisimannginnermut uppernarsaat:

 

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

 

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

 

 

 

Pinerliisimannginnermut uppernarsaat: 


Atorfik taanna pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pinerliisimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommunip Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

 

 

Akissarsiat sulinermilu atukkat:


Akissarsiaqarneq atorfinitsitaanerlu Kalaallit Nunaanni Naalakkersuisut kattuffiullu isumaqatiginninniarsinnaatitaasup akornanni isumaqatigiissutaat atuuttoq malillugu pissapput.

Piffissami nalinginnaasumik suliffiusussami sapaatip-akunneranut nalunaaquttap-akunnerini 40-ni sulisassaatit.

 

Piffissaq misilinneqarfik qaammatini pingasuni ingerlassaaq.

 

 

Atorfimmut atatillugu inissaq


Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl. Sulisunut inissiamik aatsaat innersuussisoqarsinnaanngorpat atorfinitsitsisoqarsinnaavoq.

Malittarisassat atuuttut malillugit atorfininnermi angalanermut akiliussisoqassaaq aamma pequtit assartorneqarnerat akilerneqassaaq.

 

 

 

Qinnuteqaat:

Qinnuteqaat qulequtserlugu Atorfiup ilisarnaataa 664-22-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

 

 

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

 

Malugiuk: 

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

 

Qinnuteqarnissamut killissarititaasoq: oktobarip 4.-at, 2022

Atorfik una qinnuteqarfigiuk