Skip to main content
130

Dette jobopslag er udløbet

MISI Tarnip pissusaanik ilisimasalimmik pissarsiorpoq

MISI suleriaatsinik allanngortitseqqammerpoq atuisunik pitsaanerpaamik sullissinissaq siunertaralugu. Taamaattumik Meeqqanik Inuusuttunillu Siunnersuisarfik/MISI psykoloeq ataaseq pissarsiorpoq

 

Meeqqanik Inuusuttunillu Siunnersuisarfik/MISI kommunimi illoqarfiit pingaarnersaanni, Kommuneqarfik Sermersuumi, Meeqqanut Atuarfeqarnermullu Ingerlatsivimmiippoq. Meeqqanut Atuarfeqarnermullu Ingerlatsiviup anguniarpaa Kommuneqarfik Sermersuumi meeqqat tamarmik imaqarluartumik inuuneqarnissamut tunngavissamik pilersitsisinnaanissaannut ilinniartinneqarnerisigut, ineriartortinneqarnerisigut atugarissaartinneqarnerisigullu pitsaanerpaamik sinaakkusersuinissaq. Kalaallit Nunaanni pitsaanerpaanik nukissiuutinillu atuinikitsunik meeqqanut tamanut inissaqartitsisunik meeqqallu innuttaasutut alapernaatsutut, tatituutut, peqqissutut, nuannaartutut nammineersinnaasutullu ineriartorsinnaanissaannut pitsaanerpaamik atugassaqartitsiffiusumik meeqqeriveqarusullutalu atuarfeqarusuppugut.

 

MISI Meeqqanut Atuarfeqarnermullu Ingerlatsivimmi immikkoortortaavoq, pingaarnertut suliassarivaa meeqqat inuusuttullu ilikkagaqarnissaannik, ineriartornissaannik atugarissaarnissaannillu pitsaanerulersitsinissaq, avatangiiserisat meeqqamut/inuusuttumut periuseqarneranni tapersersornerisigut. MISI siunnersuisarfiuvoq perorsaanikkut – tarnikkullu atukkanik inersimasunut meeqqat inuusuttullu 0-18-inik ukiullit pillugit. MISI ataatsimut isiginninneq tunngavigalugu sulisarpoq, tassa imaappoq, MISI-mit meeraq, ilinniartitsisut/perorsaasut, inooqataanikkut peqatigiinnerit aamma ilikkagassanut tunngasut isigineqartarput. Tamanna isumaqarpoq, illit tarnip pissusaanik ilisimasalittut inersimasunut meeraq pillugu unamminartut misigisaat pillugit siunnersuissasutit, ilitsersuillutit siunersioqatigalugillu.

 

MTU-mi kingullermi, decembarimi 2020-mi suliarineqartumi, misissuinerup takutippaa suliffiup imarisaa, tatiginartuuneq, suleqatigiinneq ineriartornerlu MISI-mi pingaartinneqartut. Suliffipput pitsaasuuvoq aalajaatsunik pikkorissunik tapersersuisunillu tikilluaqqusisussanik suleqatigeeqarpoq.Anguniarparput suliffittaannut ilisaritinneqarluarlutit peqataatinneqarluassasutit. Tarnip pissusiinik immikkut ilisimasalittut suleqatigiinnut assigiinngitsunik sulialinnut perorsaanikkut tarnillu pissusiinut tunngasunik siunnersuinermik suliaqartunut ilaassaatit, tassanilu suliamut tunngasunik ilisimasaqassuseq, suleqatigiinneq sullissilluarnissarlu annertuumik pingaartinneqarput. Misimi sulisut tamarmiugaangatta ukuusarpugut Siunnersortinut chefi ataaseq, Meeqqanut inuusuttunullu siunnersortit sisamat, oqalunnermut tusaasaqarnermullu sungiusaasoq ataaseq kiisalu tarnip pissusiinik ilisimasallit tallimat.

 

Immikkoortortaq Nuummi inissisimavoq, kisianni Kommuneqarfik Sermersooq tamaat sullitaraarput, tassani illoqarfiit nunaqarfiillu ilaallutik, Kalaallit Nunaata Kitaani aamma Tunumi. Taamaattumik sulitilluni angalasarnerit ilaatinneqarput. Atorfik inuttaqanngilaq, atorfinitsitsinerlu pissaaq ulloq 01.08.22. Qaninnertut pisortarissavat MISImi siunnersortinut chefi.

 

Akisussaaffeqarfiit:

  • Perorsaanermi tarnip pissusiinik ilisimasalittut siunnersuisarneq ingerlatarissavat.
  • Perorsaanermut aamma tarnip pissusaanut tunngasunik misissuineq nalunaarusiornermillu suliaqarneq.
  • Perorsaanermut aamma tarnip pissusaanut tunngasunik nalilersuineq.
  • Meeqqap avatangiisaaniittut suleqatigalugit meeqqap ineriartornissaa, atugarissaarnissaa ilinniarnissaalu siuarsarniarlugit suliniuteqarnissaq pillugu suleqataassaatit.
  • MISI-mi atorfillit allat peqatigalugit ilinniagaq aallaavigalugu inerisaaneq aaqqissuussaanikkullu ineriartortitseqataaneq.
  • Siunnersuinermut pisortaq, ilinnut pisortatut qaninnerusoq isumaqatigiissuteqarfigalugu suliassanik allanik suliaqartassaatit.

 

Ilinnut tunngasut

Matuma ataani allassimasut amerlanersaat ilinnit naatsorsuutigaavut:

  • Tarnip pissusaanik ilisimasalittut ilinniarsimasuuvutit Cand.psych imaluunniit Cand.pæd.psych-itut taaguuteqarlutit.
  • Akuerisaq tamannali piumasaqaataanngilaq.
  • Perorsaanikkut tarnip pissusiinik immikkut ilisimasalittut siunnersuinermik soqutigisaqartuuvutit.
  • Ilinniartitsisut, perorsaasut angajoqqaallu siunnersorlugillu aqqutissiuutissallugit sulerusuttutit.
  • Suliamut tunngasuni suliaqartunik piginnaasatigut qaffassaarusussuseqartutit, ilaatigut oqalugiaatinik saqqummiisarnikkut aammalu sullissinermut siunnersuisinnaasutit.
  • Inuit assigiinngitsorpassuit oqaloqatiginissaannut inissisimaffiinilu naapinnissaannut piumassuseqarputit piginnaaneqarlutillu.
  • Namminersorlutit sulisinnaasutit suliassatillu nammineq aaqqissorsinnaallugit
  • Suleqatigiiaanik avataaniillu suleqatigisanik assigiinngitsunik suleqateqarluarsinnaasutit.  
  • Kalaallit Nunaanni pissutsinik ilisimasalik aamma kalaallisut oqalussinnaaneq iluaqutaassaaq.

 

Neqeroorutigisinnaavagut:

  • Pissanganartunik suliassaqarfik unamminiagassarpassualik namminerlu suliassannut sunniuteqaqataasinnaallutit.
  • Suleqatit pitsaasut
  • Suliatigut inuttullu ineriartornissamut periarfissat pitsaasut.
  • Nammineerlutit sulisinnaanissannut periarfissaqarlutit.
  • Illup iluani avataanilu suleqatigisat assigiinngitsunik suliallit suleqatigiinnerannut peqataanerit
  • Suliffeqarfiup iluani avataaniluunniit ilitsersorneqarsinnaaneq
  • Tarnip pissusiinut tunngasunik siunnersortinut chefi
  • Kalaallit Nunaanni illoqarfiit pingaarnersaanni najugaqarnissaq periarfissaavoq, tassanngaanniillu suliamut atatillugu kommunip illoqarfiinut nunaqarfiinullu angalaneq pisarsinnaalluni.

 

Piffissaq suliffiusussaq sapaatip akunneranut nalunaaquttap akunnerinik 40-nik sivisussuseqarpoq.

 

Annertunerusumik paasisaqarusukkuit:
Atorfimmut tunngtillugu annersumik paasiniaasoqarsinnaavoq pisortaq Laila Skydsberg Skytte attavigalugu
Oqarasuaat +299 36 63 38 / +299 58 45 58
Imaluunnniit e-mail lass@sermersooq.gl

 

Meeqqanut pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

 

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

 

Akissaatinut atorfinitsitaanermullu tunngatillugu atugassarititaasut:Akissarsiaqarnermut atorfinitsitaanermullu atugassarititaasut Naalakkersuisut aamma IMAK akornanni isumaqatigiissut atuuttoq imaluunniit Kalaallit Nunaannil kattuffiup allap isumaqatiginninniarsinnaatitaasup isumaqatigiissutaat atuuttoq naapertorlugu atorfinitsitsisoqassaaq.

Inissiaq:
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

 

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

 

Erseqqissaatigineqassaaq atorfinitsinneqarnerup uppernarsarneqarnerata kinguninnguatigut ingerlaannartumik initaarnissaq pisinnaanngimmat, aatsaalli inissaq pissarsiarineqarpat nuuttoqarsinnaalluni/ atorfinittoqarsinnaalluni. Malittarisassat atuuttut malillugit atorfininnermi angalanermut akiliussisoqassaaq aamma pequtit assartorneqarnerat akilerneqassaaq.

 

Qinnuteqaat:
Qinnuteqaatip ilisarnaataata Atorfiup ilisarnaataa 470/22, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

 

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

MALIGIUK: 
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

Qinnuteqarnissamut killissarititaasoq: juulip 25.-at, 2022

Atorfik una qinnuteqarfigiuk