Skip to main content
156

Dette jobopslag er udløbet

MISI meeqqanut inuusuttunullu siunnersortimik pissarsiorpoq

Meeqqat atuarfianni sulineq anersaaqarfigaajuk atuarfinnut tunngasunik sulinermi attaveqaataallutit takorloorsinnaaviuk, aamma atuartitsineq, ilikkariartorneq, perorsaanerlu pillugit ilisimasat teoritiskiusut atassusersinnaavigit, taava qinnuteqaatit takorusupparput.

 

 

Kommuneqarfik Sermersooq MISI-mi meeqqanut inuusuttunullu pikkorissumik tunniusimasumillu siunnersortissarsiorpoq atorfinittussamik 15. september imaluunniit isumaqatigiissuteqarnikkut.

 

 

MISI pillugu:
MISI siunnersuisarfiuvoq perorsaanikkut – tarnikkullu atukkanik inersimasunut meeqqat inuusuttullu 0-18-inik ukiullit pillugit.

Misimi sulisut ukuupput Siunnersortinut chefi, allaffissornermik sulialik 1, Meeqqanut inuusuttunullu siunnersortit sisamat, oqalunnermut tusaasaqarnermullu sungiusaasoq ataaseq kiisalu tarnip pissusiinik ilisimasallit sisamat.

MISI-mi suliassat pingaarnerit tassaapput, meeqqat inuusuttullu ilinniarnerat, ineriartornerat atugarissaarnerallu pitsanngorsarumallugit, pingaartumik avatangiisit meeqqanut periuserisartagaanik tapersersuinikkut.

Tamanna isumaqarpoq, illit meeqqanut inuusuttunullu siunnersortitut inersimasunut meeraq pillugu unamminartut misigisaat pillugit siunnersuissasutit, ilitsersuillutit siunersioqatigalugillu.

Siunnersortit Nuummi inissisimapput, kisianni MISI-p Kommuneqarfik Sermersooq tamaat sullitaraa, tassani illoqarfiit nunaqarfiillu ilaallutik, Kalaallit Nunaata Kitaani aamma Tunumi. Suliamut atatillugu angalanerit pisinnaasarput.

 

 

Uagut neqeroorutigaavut:
Ineriartorfiusumiippugut aammalu ulluinnarput allanngorartuuvoq. Suliassat ullormiit ullormut allanngorarput, pingaartipparpullu ulluinnarmi tamatta ikioqatigiinnissarput, ataatsimoorlutalu angusaqarsinnaalluta.

 

 

  • Pissanganartunik suliassaqarfik unamminiagassarpassualik namminerlu suliassannut sunniuteqaqataasinnaallutit.
  • Suleqatit pitsaasut
  • Suliatigut inuttullu ineriartornissamut periarfissat pitsaasut.
  • Illup iluani avataanilu suleqatigisat assigiinngitsunik suliallit suleqatigiinnerannut peqataanerit
  • Suliannut iserluarnissannut ilinniartinneqarluarnissanullu isumagineqarumaarputit.

 

 

Makkua suliassarivatit:

  • Periutsit atorlugit siunnersuineq aqqutissiuussinerlu perorsaanikkut tarnikkullu nalilersuinermit siunnersuutit aallaavigalugit ilikkagaqarnissamut atatillugu peqataatitsineq.
  • Kommunimi meeqqanut inuusuttunullu suliassaqarfiit assigiinngitsut akornanni siusinnerusukkut pitsaaliuinerit suliniutaasimasunillu tapersiineq kiisalu immikkut atuartitsinermik ineriartortitsinermut tapersiineq.
  • Atuarfiup aqutsisuanut atuarfimmut aalajangersimasumut atuarfimmut attaveqaataassaatit aammalu meeqqap avatangiisaaniittut suleqatigalugit meeqqap ineriartornissaa, atugarissaarnissaa ilinniarnissaalu qanimut suliniuteqarfigisassavat.
  • Perorsaanermut aamma tarnip pissusaanut tunngasunik misissuineq nalunaarusiornermillu suliaqarneq il.il.

 

 

Qinnuteqartunut naatsorsuutigineqartut:

  • Ilinniartitsisutut ilinniagaqarnissat pisariaqarpoq assingusumilluunniit.
  • Marluinnik kalaallisut qallunaatullu oqaaseqartuuguit iluaqutaassaaq, piumasaqaataanngilarli.
  • Ilinniartitsisut, perorsaasut, angajoqqaat atuarfimmilu aqutsisut siunnersorlugillu aqqutissiuutissallugit sulinissarnut piareersimasutit.
  • PPR-mut tunngasunik soqutigisaqarneq, piumasaqaataanngilarli.
  • Suliamut tunngasuni suliaqartunik piginnaasatigut qaffassaarusussuseqartutit, ilaatigut oqalugiaatinik saqqummiisarnikkut aammalu sullissinermut siunnersuisinnaasutit.
  • Namminersorlutit sulisinnaasutit suliassatillu nammineq aaqqissorsinnaallugit.
  • Suleqatigiiaanik avataaniillu suleqatigisanik assigiinngitsunik suleqateqarluarsinnaasutit.  
  • Kalaallit Nunaanni inuiaqatigiinni atuarfinnilu pissutsinik ilisimasaqarputit, piumasaqaataanngilarli.

 

 

Pingaartipparputtaaq:

  • Ineriartortitsinissamik nutarterinissamillu siunnerfeqartutit.
  • Aalajaatsuunissat, pitsaassutsimik ilisimasaqarluartuunissat ataasiakkaanullu maluginiaasinnaanissat.
  • Ataatsimut takunnissinnaaneq attatiinnarlugu arlalinnik suliaqarsinnaanissat.
  • Sulianik eqaatsumik sulisinnaalluni takutitsisartoq suliallu agguataarneqarnerini ingerlaavartumik iluarsiisartoq.
  • Ulluinnarni ulapaarfiusuni ukkassillutit aaqqissuisinnaassuseqarlutit sulisinnaasutit.

 

 

Atorfininnermut oqaloqatigiinnerit uge 36-mi aallartinnissai naatsorsuutigineqarput.

 

 

Annertunerusumik paasisaqarusukkuit:
Annertunerusumik paasisaqarusukkuit pisortaq Laila Skydsbjerg Skytte attavigisinnaavat uunga oqarasuaat 366338 imaluunniit e-mail-imut uunga: lass@sermersooq.gl

 

 

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommuneuppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

 

 

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, IMAK imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

Atorfinititsineq qaammatini pingasuni misiliutitaqassaaq.

 

Inissiaq:
Atorfimmut atatillugu inissiamik atugassiisoqanngilaq.

 

 

Qinnuteqaat:
Qinnuteqaat qulequtserlugu Atorfiup ilisarnaataa 559/22-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

 

 

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

 

MALIGIUK: 
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

 

Qinnuteqarnissamut killissarititaasoq: septembarip 9.-at, 2022

Atorfik una qinnuteqarfigiuk