Skip to main content
108

Dette jobopslag er udløbet

Mersortarfik Kittat mersortartutut sulisussarsiorpoq / Atorfiup nr. 545/20

Kalaallisuuliornerup iluani piginnaasaqarpit? Kittani, aamma sulisoqarnikkut Kittat ingerlalluartumik ineriartortitseqataaffigerusuppiuk?  Taamaappat mersortartutut atorfik immaqa soqutigissavat.

Nuummi mersortarfimmi Kittani mersortartumik aamma ingerlatsilluarsinnaasumik taamatullu mersullaqqissumik, pissarsiorpugut.

Mersortarfik Kittat pitsaassusilimmik kalaallisuuliortarnerminik ilisimaneqarpoq, taamaattumik mersortartumik pissarsiorpugut, ineriartortitseqqinnissamut peqataasinnaasumik.

Suliassatit makkuupput:

  • Suliassanik aaqqissuussineq, pilersaarusiorneq aamma suleqatigiit suleqatigalugit suliassanik sammineqartussanillu ingerlataqarneq.       
  • Kittat ineriartortinneqarneranik suleqatigiit suleqatigalugit ineriartortitseqqinneq.
  • Assassorfiusartut isumassarsiorfiusut atorneqarnerisa ataqatigiissaarnerat. 
  • Sullinneqartut pulaartullu allat pitsaasumik sullinneqarnissaasa qulakkeernissaa
  • Illumi ukiumut sammineqartussat naammassineqarnissaat, ukioq kaajallallugu illumi ataavartumik sammineqartartussat qulakkeerneqarnissaat eqqarsaatigalugu
  • Illumi sammineqartartut aningaasatigut malinnaaffigineqarnissaannut peqataaneq
  • Kulturimik ingerlataqarnermi Kittat ersialaartinnerulernissaanik ineriartortitsineq. 
  • Ameq atorlugu assarsornermi assigiinngitsunik ineriartortitsineq aamma suliassatut isumassarsianik allanik.

Naatsorsuutigivarput illit:

  • Naleqquttumik ilinniagaqarsimasutut - kalaallisuuliornermi mersornerup aamma ammerinerup iluani.
  • Suliassat naammassineqarnissaannut isumassarsiullaqqissuusutit 
  • Ulluinnarni ingerlatsinermik misilittagaqartuusutit, soorlu atortussanik aamma assassornermi sakkussanik imaluunniit workshoppeqartitsinissamut piareersaanermik.
  • Suleqatigiuminartuusutit
  • Aningaasaqarnermut tunngasunik missingersuusiortarnermullu tunngasunik paasinnilluarsinnaasoq. 

Suleqatigiinnik mersortartut atorfik pissanganartoq neqeroorutigivarput, tassani illit siunissami illumi suut ineriartortissallugit neqeroorutigineqarsinnaasut aalajangeeqataaffigissallugit annertuumik periarfissaqarputit.

Kittat kommunip kulturimik ingerlatsiffiinut ilaavoq, Innuttaasunik Sullissivimmi kulturimut aaqqissuussanullu immikkoortoqarfimmut attuumassuteqartoq.

Pinerliisimannginnermut uppernarsaat:
Atorfik inuttassarsiuussarput pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pinerliisimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommunip Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq SIK-p imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

Atorfinititsineq qaammatini pingasuni misiliutitaqassaaq.

Inissiaq
Atorfimmut atatillugu inissiamik innersuussisoqarsinnaanngilaq.

Qinnuteqaatip
Qinnuteqaatip ilisarnaataata Atorfiup nr. 545/20 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik CV-millu nassiutissavatit nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 31. oktober 2020
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Poul Erik Isaksen
Telefon: +299 366325
Mobil: +299 582612
Nittartagaq: http://www.sermersooq.gl
Qinnuteqaat nassiutiguk