Skip to main content
134

Dette jobopslag er udløbet

Mersortarfik Kittat mersortartunik marlunnik sulisussarsiorpoq

Mersornermut kalaallisuuliornermullu piginnaasaqarpit?
Mersortarfik Kittat-ni kalaallisuuliorluni mersortarfik ingerlalluartoq ineriartorteqqinneqarnera peqataaffigerusuppiuk?
Taamaappat nittarsaassaq manna immaqa soqutigissavat.

 

Mersortarfik Kittat-ni mersortartunik marlunnik sulisussarsiorpugut. Sulisup aappaa qaammatit 12-ni taartaasussatut.

 

Kittat ilisimaneqaatigaa kalaallisuunik qaffasissumik pitsaassusilinnik sanaartortuunini, aamma taamaattumik mersortartumik suliffeqarfimmik ineriartortitseqqikkusuttumik sulisussarsiorpugut.

 

Suliffik makkuninnga imaqassaaq:

      • -Qangaaniilli assassoriaaseq tunngavigalugu kalaallisuuliorneq.
      • -Ammerineq
      • -Mersorneq
      • -Suleqatit peqatigalugit pilersaarusiorneq aamma suliassanik ingerlatsineq.
      • -Suleqatit aqutsisorlu peqatigalugit Kittat ineriartorteqqinneranik suliaqarneq.
      • -Pisinianut pulaartunullu saaffikkuminartumik tikilluaqqusineq.
      • -Pisiniarfimmeeqataaneq kalaallisuunillu attartortitsinermi suleqataaneq
      • -Kittat-ni kulturikkut sammisaqartitsinerit saqqummiunneqarnerannik peqataaneq.

 

 

Naatsorsuutigaarput:

      • -Kalaallisuunik mersornermut aamma ammerinermut tulluartumik ilinniagaliusutit.
      • -Suliassatit naammassisassagitit.
      • -Ulluinnarni ingerlatsinermi misilittagaqartutit soorlu sulinermi atortut assigisaallu tamaasa eqqarsaatigisinnaallugit.
      • -Ilakkuminartuusutit suleqatikkuminartuullutillu.
      • -Kittat innuttaasunut isumaa pillugu pitsaasumik paasinnittaaseqartutit

 

Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga Søren Würtz , tlf. +299 366258, imaluunniit email soew@sermersooq.gl, saaffiginninnissannut tikilluaqqusaavutit.

 

Qarasaasiarsornermik aammalu allaffissornermut ilisimasaqaruit iluaqutaassaaq. Kisiannili piumasaqaataanngilaq.

 

Uagut neqeroorutigaarput mersortartutut suliffik pissanganartoq, neqeroorutigisinnaasatta aalajangersaaffiginissaanut periarfissaqarluarputit.

 

Kittat tassaavoq kommunip sammisaasa ilaat kulturimik tunngaveqartoq aamma Kultureqarnermut immikkoortortamut atasoq.

 

Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

 

Akissaatinut atorfinitsitaanermullu tunngatillugu atugassarititaasut:
Namminersorlutik Oqartussat, SIK imaluunniit kattuffiup allap isumaqatigiinniarsinnaatitaasup akornanni isumaqatigiissut atuuttoq naapertorlugu, akissarsiaqartitsisoqarlunilu atorfinitsitsisoqassaaq.

 

Atorfinitsitsineq qaammatini pingasuni misiligutitaqassaaq.

 

Inissiaq
Atorfininnermut atatillugu inissiamik innersuussisoqarsinnaanngilaq.

 

Qinnuteqaat:
Qinnuteqaat atorfiup normuanik ilisarnaatilik Atorfik nr. 712/22 aamma ilinniagaqarsimaneq siornatigullu suliffigisimasat pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

 

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Malugiuk: 
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

Qinnuteqarnissamut killissarititaasoq: oktobarip 18.-at, 2022

Atorfik una qinnuteqarfigiuk