Skip to main content
150

Dette jobopslag er udløbet

Meeraaqqerivik Ungaavaraq meeqqanut imaluunniit isumaginninnermik ikiortimik pissarsiorpoq

Meeqqanut imaluunniit isumaginninnermik ikiortimik soqutiginnittoq tunniussimasorlu Meeraaqqerivik Ungaavaraq-mi sulisinnaasoq pissarsiariumaneqarpoq.

Allagarsiuteqqitaq.

Meeqqanut ulluunerani paaqqinnittarfimmik ineriartortitseqataarusuppit ingerlatsinermik attassinermut ineriartortitsinermullu suleqataarusuppit maani qanimut attaveqatigiinnerit pingaartinneqaqaat meeqqallu eqimattaqatigiillu ataasiakkaat ineriartornerat atugarissaarnerallu ukkatarineqarput. Taava suliffissaqartippatsigit.

 

Meeqqat alapernaatsut,tatitussusillit,peqqissut nuannaartullu Kommunitta anguniagai,aqqutissiuullugit iliuusissatsinnik eqqartuisarnitsinni piviusunngortinnissai anguniassavagut.

 

Meeraaqqerivik Ungaavaraq pillugu:
Meeraaqqerivik eqimattani sisamaniittuni meeqqat 48-nut inissaqarpoq. Sulisut 15-niupput ima agguarsimasur: Pisortaq,Tullersorti,Perorsaasut pingasut,Inunnik Isumaginninnermik Ikiortit sisamat,Ikiortit sisamat,Asaasoq,Igaffimmiorlu. Meeraaqqerivik 1.november 2010-mi ammarpoq. Meeqaaqqerivik nal.07:00-17:00 ammasarpoq Nuullu illoqarfiani Radiofjeldimiilluni avammut isikkivigissumi.

 

Immikkut ilisarnaatigaarput:

  • Ungaavaraqqami meeqqanik sullissinermi akuersaartumik perorsaariaaseq pingaartillugu ingerlatarivarput.
  • Ungaavaqqami meeqqanik sammisaqartitsinermi Tunngaviit 7 atorlugit meeqqat piginnaasaat aallaavigalugit ineriartortitsineq ingerlattarparput.
  • Ungaavaqqami qinngasaarisarneq akiorniarlugu suliniut ”Kammagiitta” sapaatip akunnneri tamaasa ulloq aaliagersimasoq ingerlattarparput.
  • Ungaavaqqami perorsaaneq timersornertalik ingerlataraarput,meeqqat timiminnik aalatitsinissaminnut pigiliussinissaat anguniarlugu.

 

Suliffik qanoq ittoq neqeroorutigisinnaavarput: 

Ungaavaraqqami pingaartitaraarput sulisut imminnut ikioqatigiittut,sulisut piginnaasai aallaavigalugit ingerlaneq,sulisut imminnut ammaqatigiittut suliat aallaavigalugit,oqaasertalersuisinnaaneq pingaartitaraarput,suliffik silaannarissuunissaa pingaartitaraarput,sulisut ineriartortuartut,naatsorsuutigaarput suliffeqarfik ineriartortoq suleqataaffigilluassagit.

  • Ungaavaqqami pingaartitaraarput meeqqat toqqissisimasut,qanilaartut,meeqqat sulisullu imminnut naligiittut,meeqqat nuannaartut,meeqqat imminnut tatigisut,meeqqat imminnut ataqatigiittut,meeqqat imminnut ikioqatigiissinnaasut.
  • Naatsorsuutigaarput illit Meeraaqqeriviup anguniagaanut sinaakkutissanik pilersitseqataassasutit taakkununngalu tapersersuissasutit.
  • Angajoqqaanik suleqateqarneq pingaartitaraarput.

 

Qinnuteqartumut naatsorsuutigineqartut:

  • Meeqqanut imaluunniit isumaginninnermi ikiortitut ilinniarsimasuunissat pisariaqarpoq assingusumilluunniit
  • Nammineq akisussaaffimmik tigusisinnaavutit namminersorlutillu sulisinnaallutit.
  • Suleqatinut angajoqqaanullu suleqatiginnikkumavutit.
  • Allanngortitsinissamut piareersimasuuvutit.
  • Meeqqanut ineriartuutaasumik sammisaqartitsinernik ppilersaarusiorsinnaavutit.

 

Paaqqinnittarfipput aamma anguniakkavut pillugit uani annermik atuagassaqarpoq: sermersooq.gl

 

Annertunerusumik paasisaqarusukkuit:
Aqutsisoq: Elisabeth S. Dahl Oqarasuaat: 366930            

E-mail: elsd@sermersooq.gl

 

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommuneuppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

 

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

Atorfinititsineq qaammatini pingasuni misiliutitaqassaaq.

 

Inissiaq:
Atorfimmut atatillugu inissiamik atugassiisoqanngilaq.

 

Qinnuteqaatip:
Qinnuteqaatip ilisarnaataata Atorfiup ilisarnaataa 582/22 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

 

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

MALIGIUK: Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: septembarip 8.-at, 2022

Atorfik una qinnuteqarfigiuk