Skip to main content
98

Dette jobopslag er udløbet

Meeraaqqerivik Uiloq Meeqqerisut isumaginninnermilu ikiortimik sulisussarsiorpoq / Atofiup normua 596/20

Meeraaqqerivik Uiloq meeqqanut 35-nut inissaqartitsivoq ukioqanngitsuniik pingasunut ukiulinnut, ininullu pingasunut agguataagaapput.

 

Init tamarmik ima atersugaapput: Piluttat, Sikkersoq, Naasut.

Sulisunut 12-nut naatsorsuussaavoq, inilu tamarmik perorsaasoqarlutik, meeqqerisut isumaginninnermilu ikiorteqarlutik, ikiorteqarlutik, ataatsimillu iggavimmi ikiorteqarlutik, ataatsimllu eqqiasumik ikiorteqarlutik, ataatsimillu aqutsisoqarlutik.

Naatsorsuutigaarput, illit:

  • Meeqqerisut isumaginninnermilu ikiortitut assigusumilluunniit ilinniarsimanissat
  • Meeqqanik nuannarisaqartuusutit ataqqinnittuullutillu
  • Angajoqqaanut, suleqatinut minnerunngitsumillu meeqqanut suleqatikkuminartuunissat
  • Akisussaassueqartutit eqqumaarittuusutillu
  • Tamatigoortoq, aalakkaasumillu sulisoq
  • Unneqqarissuullutit ammasuunissat kiisalu nutaaliortitsisinnaallutit
  • Marlunnik oqaaseqartuuneq iluaqutaassaaq

Meeraaqerivimmi pingaartitagut:

  • Meeraaqqerivik ineriartortoq
  • Meeqqat angajoqqaallu qiimasut
  • Meeraaqeriviup sulisui suleqatigiinnermik aamma ineriartortitsinermik pingaartitsisut

Suliniutit tunaartarisagut:

  • Sulisut aamma angajoqqaat suleqatigiinneranik nukittorsaaneq
  • Aamma illup iluani perorsaariaatsinik ineriartortitsineq
  • Meeqqat oqaatsitigut ineriartornissaat

Meeqqanik pinerliisimannginnermut aammalu pineqaatissinneqarsimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissaatinut atorfinitsitaanermullu tunngatillugit atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussat, SIK-llu isumaqatigiissutaat atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Atorfinititsineq qaammatini pingasuni misiliutitaqassaaq.

Ineqarneq:

Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaat:

Qinnuteqaatip ilisarnaataata Atorfiup normua 596/20, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit:                                                                                  

Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 17. decemabri 2020
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Helene Abelsen
Telefon: +299 366900
Nittartagaq: http://www.sermersooq.gl
Qinnuteqaat nassiutiguk