Skip to main content
91

Dette jobopslag er udløbet

Meeraaqqerivik Meeraq pisortamut tullersortissarsiorpoq /622/21

Pisortamut tullersorti anguniagaqarluartoq, nukissaqarluartoq piumassuseqarluartorlu meeraaqqeriviup ilaanut Meeraq Paamiuni  ulloq 1. december 2021-miit pissarsiariumaneqarpoq.

Aqutsinermut  tunngasut pisortaq qanimut suleqatigineratigut pitsanngorsaaqataaffigerusukkukkit una atorfik taava ilinnoortuuvoq.

Uagut pilluta annikitsumik:
Meeraaqqerivik Meeraq Paamiuni meeraaqqerivituaavoq, meeraaqqerivimmilu sulianut tunngasut pitsanngorsarpavut. Ineriartortitsinissamut ammasunik 14-inik tunniusimasunik suleqatitaassaatit, meeraaqqerivimmiittut meeqqat 0-imiit pingasunut ukiullit 46-upput, ininut sisamanut agguataarneqarsimasuni  , ulluinnarnilu ataasinngornermiit tallimanngorneq ilanngullugu ammasarpoq 06:45 – 16:30 tungaanut

Meeraaqqerivik Meeraq  ilisarnaatigaa, ataasiakkaat  periarfissinneqartarnerat eqqarsaatigineqartarnerallu , meeqqat takuneqartutut, tusaaneqartutut paasineqartutullu misigisaqartinneqartarnerat , meeqqanik akuersaartumik periuseqarpugut, taamaalillutik naleqartinneqarnertik misigisarpaat.

Ulluinnarni meeraaqqerivimmi malugineqarsinnaavoq meeqqat  inissaqartinneqartut. Perorsaanikkut eqqarsartaatsitsinnut aamma sulinitsinni ulluinnarni, kiisalu ammasumik pitsaasumillu angajoqqaanik suleqateqartarnikkut ataasiakkaanut ataqqinninneq inissaqartitsinerlu tunngaviusumik qitiutinneqarput.

Neqeroorutigaarput:
Illu  quleriilik, illoqarfiup qeqqani inissisimasoq, sunut tamanut qanittoq. Suleqatigiit 15-iuvugut, pisortaq ilanngullugu. Aalajangersimasumik periuseqarneq pikkoriffigaarput sulisullu misilittagaqartuullutik. Suleqatigiit ilisarnaatigaat tunniusimasuuneq, alapernaatsuuneq kiisalu killilersuutit pinnagit periarfissanik ujartuillaqqissuuneq.

Meeraaqqerivik Meeraq periusissiap nutaap atuutilersinneqarnissaa sulissutigaarput, taamaattumillu siunissami qanilaarneq, pinnguarneq, aalaneq oqaatsitigullu ineriartortitsineq ukkataraavut.

Suleqatigiilluartarpugut, init assigiinngitsut akornanni sulisarpugut. Pitsaasumik torersumillu oqaloqatigiittarpugut, ulluinnarni qanilaartuunissaq, pinnguarneq, oqaatsit aalasarneq pingaartippavut. Inimi ataatsimi sulisut marluk peqatigalugit meeqqat qulit aqqaneq-marlulluunniit akisussaaffigissavatit.

Meeqqerivinnut naleqquttunik ingerlaavartumik pikkorissarnissamut meeqqerivinnut  immikkoortortamit neqerooruteqartoqartarpoq.

Naatsorsuutigaarput illit:

  • Perorsaasutut ilinniagaqarsimasutit assingusumilluunniit
  • Pisariaqartumik malinnaasinnaassuseqartutit
  • Sungiussiasuusutit aalajaatsuullutillu
  • Meeqqanut, sulisunut angajoqqaanullu tusaajumassuseqartutit
  • Meeqqat sulisullu akornutaannut taarsiullugu periarfissanik takunnittartutit
  • Meeqqanik sullissinermi perorsaanermik sulinermi sulisunik ilitsersuisinnaallutillu siunnersuisinnaasutit
  • Suleqatikkuminarlutit suliatigullu piginnaasaqarluarlutit.
  • Sulisut assigiinngitsutaannik atuinissamik paasisimasaqartutit
  • Aqutsinermik misilittagaqartutit
  • IT atuisinnaasutit

Neqeroorutigaagut: 

  • Pisortaq tullersortilu suleqatigiilluarnerisigut periarfissaqarput pilersissallugit sulisoqatigiit akulerulluarsimasut, tunniulluarsimasullu perorsaanermullu tunngasut ineriartortinnissaat anguniaraat, attaveqaqatigiinneq suleqatigiinnerlu piginnaaneqarfiusut pingaartinneqartut.
  • Pisortaq tullersortilu suleqatigiilluarnerisigut  periarfissaqarput pilersissallugu suliffimmi atugassarititaasut pitsaasut, attaveqatigiinneq pitsaasoq pingaartuutinneqarluni meeqqat inersimasullu naligiittut immersueqataaffiat.
  • Perorsaariaatsinik aqutseriaatsinillu ineriartortitsinermi unamminartumik sulineq.

Meeqqanik pinerliisimannginnermut aamma pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput Kommunip uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik innarliisimannginnermut uppernarsaat qinnuteqartumit akuersissutitalik kommunimit piniarneqassaaq, pineqaatissinneqarsimannginnermullu uppernarsaat pineqartup Politiinit pissavaa.

Akissaatinut atorfinitsitaanermullu tunngatillugu atugassarititaasut:
Namminersorlutik Oqartussat, Nunatsinni Perorsaasut Kattuffiat  imaluunniit kattuffiup allap isumaqatigiinniarsinnaatitaasup akornanni isumaqatigiissut atuuttoq naapertorlugu, akissarsiaqartitsisoqarlunilu atorfinitsitsisoqassaaq.

Atorfinitsitsineq qaammatini pingasuni misiligutaaqqaassaaq.

Inissiaq:
Atorfimmut atatillugu inissaqartitsisoqarpoq, taamaattumik qularnaveeqqummut ineqarnermullu, atuinermut il. il. akiliisoqartassaaq, matumanilu Kalaallit Nunaanni Namminersorlutik Oqartussat kommunillu Kalaallit Nunaanni illuutaannut tunngatillugu ineqarnermut akiliuteqartarnermut maleruaqqusat naapertorlugit akiliisarneq pisassalluni. Atorfininnerup kinguninngua sulinermut atatillugu inissamik innersuussisoqarsinnaanngippat utaqqiisaasumik inissiamik neqeroortoqassaaq, qulaanilu taaneqartut naapertorlugit inimut, atuinermut il il akiliisoqartassalluni. Ineqarnermut, matumani atuinermut, il. il. tunngasut pillugit annertunerusumik paasisaqarusukkaanni, paasissutissat uani takuneqarsinnaapput: www.iserit.gl

Piffissamut atorfininnissamut sulisunut qaqugu inissaqartitsilersinnaaneq apeqqutaavoq. Atorfininnermi angalanermut aamma pequtit assartorneqarnerannut malittarisassat atuuttut naapertorlugit akiliussisoqassaaq.

Qinnuteqaateqarneq:
Qinnuteqaat atorfiup normuanik ilisarnaatilik Atorfik ilisarnaataa 622/21  aamma ilinniagaqarsimaneq siornatigullu suliffigisimasat pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Imatut qinnuteqassaatit:
Qinnuteqaatit elektroniskimik nassiunneqassaaq, quppernermi matumani allerpaami innersuussaq toorukku qinnuteqaatit CV-llu kakkiullugit nassiussinnaavatit.

MALIGIUK: Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

Qinuteqaat tunniunneqassaaq kingusinnerpaamik: 01. november 2021
Atorfininneq: 01. december 2021
Akunnerit suliffiit: Ulloq naallugu
Suliffik: Paamiut
Paasissutissat allat uani piniarneqarsinnaapput: Leder Amalie Kristoffersen
Telefon: +299 366685
Nittartagaq: http://www.sermersooq.gl
Qinnuteqaat nassiutiguk