Skip to main content
82

Dette jobopslag er udløbet

Meeraaqqerivik Amaat perorsaasussarsiorpoq / Atorfiup ilisarnaataa 246/20

Perorsaasutut atorfik
Meeraaqqerivik Amaat meeqqanut 0-niit 2-nut ukiulinnut 35-nut inissaqartitsivoq. Sulisut 12-iupput ima agguarsimallutik: Pisortaq, tullersorti, perorsaasut marluk, meeqqerisut-/isumaginninnermi ikiortit pingasut, inimi ikiortit pingasut, asaasoq aamma igaffimiu.

Meeraaqqerivik ammasarpoq nal. 7.00-imit 17.00-mut inissisimalluni Adolf Jensensvej (fiskerbyen) illoqarfiup qiterpasissuata tungaani.  

Perorsaasutut ilinniagaqarputit meeqqanillu sullissinissat soqutigisaraat. Suliannut ilisimaarinnittumik suleriaaseqarputit ammasuullutit allannguutinullu piareersimasuullutit. Meeqqat oqariartuutaat tusaaniarluarsinnaavatit. Utaqqiinnartuunngilatit suleqataalluartuuvutit pingaartippallu suliffik orniginartoq taassumalu pilersinnissaanut attannissaanullu peqataalluarputit.

Naatsorsuutigaarput illit:

  • Perorsaasutut ilinniarnikuusimassasutit assingusumilluunniit
  • Suleqatinnut, meeqqanut angajoqqaanullu maligassiuisinnaasutit
  • Meeqqanik, sulisunik angajoqqaanillu akuersaarlutit peqateqarsinnaasutit
  • Inoqatinnut tapersersuisuusutit inissaqartitsisuusutillu
  • Suliatigut arajutsisimasaqanngitsuusutit meeraaqqerivimmilu sulineq misilittagaqarfigereerit
  • Meeqqanut ataasiakkaanut perorsaanikkut sullissineq pillugu nassuiaasiorsinnaallutillu uppernarsaasiorsinnaasutit
  • Meeraq pillugu angajoqqaanik suleqateqarnermik pingaartitsilluinnartuusutit
  • Aqutsisunut tatiginartuusutit
  • Meeqqerivimmi perorsaanikkut ineriartortitseqataassasutit tamatumanilu suleqatitit peqataatissinnaagitit
  • Tusarnaallaqqissuusutit isummannillu annissisinnaasutit
  • Pingaartitatit pingaartitatsinnut naapertuutissasut; toqqissisimaneq, ineriartorneq nersugaanerlu

 Pitsaassaaq: 

  • Ineriartortitsisumik isumassarsianik saqqummeerusussuseqartutit
  • Marluinnik oqaaseqaruit
  • Isumaqaruit meeqqat ataasiakkaat angajoqqaavisalu sullinnerini toqqissisimaneq, qanilaarneq, ataqqinninneq, suleqatigiinneq, pinnguarneq ineriartornerlu atugarinissaat pingaaruteqartoq
  • Sulisunik ilinniarsimanngitsunik pikkorissartitseqataarusussuseqaruit
  • Piginnaasannik avitseqatigisinnaagutsigut
  • Nipilersornerup, erinarsornerup, avatinik atuisinnaanerup allatigulluunniit sammisaqarsinnaanerup tungaatigut immikkut ittumik piginnaasaqaruit 

 Neqeroorutigaagut:

  • Aqutsisoqatigiit meeqqerivimmik nuanneqisumik ineriartortitsisut tamatumanilu meeqqanut, angajoqqaanut sulisunullu qiimasumik ineriartortitsiffiusumillu atugassaqarfiusumik pilersitsillutillu ineriartortitsisut
  • Kommuneqarfik Sermersuup ataani sulisuunerput arajutsisimanagu meeqqanik akisussaasuullutik pilersuisuusut suleqatiginerisigut meeqqanut 35-nut perorsaanikkut ineriartuutaasunillu ulluinnarni sammisassaqartitsinermik suliaqarneq
  • Akuersaarpalaartumik perorsaariaatsimik ingerlatsineq
  • Qiimaneq annertooq, piumassuseqqortuneq nuannersumillu eqqarsarneq
  • Suleqatigiit toqqaannartumik attaveqaqatigiinneq tunngavigalugu sulisut iliuuseqartartullu

Meeqqerivinnut Immikkoortortaq meeqqerinermut naleqqussakkanik pikkorissarnernik ingerlaavartunik neqerooruteqartarpoq.

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussat, NPK-llu isumaqatigiissutaat atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Atorfinititsineq qaammatini pingasuni misiliutitaqassaaq.

Inissiaq:
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqarfissaq:
Qinnuteqaat Job nr. 246/20-imik nalunaaqutserlugu ilinniagarisimasat aamma siornatigut suliffigisimasat pillugit paasissutissartalik aamma soraarummeernermi papilissat assilineqarnerannik il.il. ilalik qinnuteqaateqarnissamut killissarititaasup qaangiutinnginnerani Sulisoqarnermut Immikkoortortamit tiguneqareersimassaaq.

Imatut qinnuteqassaatit:
Qinnuteqaatit elektroniskimik nassiunneqarnissaat piumaneqarnerupput, quppernermi matumani allerpaami innersuussaq toorukku qinnuteqaatit CV-llu kakkiullugit nassiussinnaavatit.

 

Qinuteqaat tunniunneqassaaq kingusinnerpaamik: 03. juni 2020
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Najaaraq Mølgård
Telefon: +299 366745
Nittartagaq: http://www.sermersooq.gl
Qinnuteqaat nassiutiguk