Skip to main content
81

Dette jobopslag er udløbet

Meeraaqqerivik Amaagajaaq tasiilami meeqqanut- isumaginninnermi ikiortimik pissarsiorpoq / Atorfiup ilisarnaataa 116/21

Kommuneqarfik Sermersooq pikkorissumik tunniusimasumillu meeqqanut- isumaginninnermi ikiortimik Amaagajaamut piaartumik isumaqatigiissuteqarnikkulluunniit sulilersinnaasumik pissarsiorpoq.

Meeraaqqerivik Amaagajaaq meeraaqqeriviuvoq meeqqanut 24-nut inissaqartitsisoq, immikkoortortami maannakkorpiaq sulipput Meeraaqqerivimmi Amaagajaami aqutsisoq aamma Dr. Ingrid-p Meeqqeriviani aqutsisuusoq, kiisalu nunaqarfinni init pinnguartarfiit tallimat, perorsaasumik ilinniarsimasumik tullersorteqarpugut, meeqqanut- isumaginninnermi ikiorti, ikiortit marluk, igaffimmi ikiorti ataaseq eqqiaasorlu ataaseq.

Amaagajaaq meeraaqqerivimmi marlunnik iniuteqarpoq, meeqqanut 12-inut 0-miit 3-nut ukiulinnut, init tamarmik ima sulisoqassapput: Perorsaasoq ataaseq, meeqqanut-/isumaginninnermut ikiorti ataaseq kiisalu ikiorti ataaseq.

Meeqqanut- isumaginninnermi ikiortitut atorfik inuttaqarnikuunngilaq Meeraaqqerivik ammaqqinneqarnerata kingorna, piffissaq suliffiusussaq tamakkerlugu suliffiuvoq.

Paasissutissat amerlanerusut uani takusinnaavatit: [immikkoortortamut linki nutartigaq/ Paaqqinnittarfik/ Ingerlatsivimmit Sermersooq.gl]

Atorfiup imarisaa:
Meeqqanut- isumaginninnermi ikiortimik – misilittagaqarluarsinnaasumik – ulluinnarnilu inimi perorsaasunik suleqateqarnermik aamma suliassanik arlalinnik uku ataanni suliaqartussamik pissarsiorpugut:

  • Inimi akisussaaffimmik tiguseqataaneq
  • Angajoqqaanik qanimut suleqateqarneq
  • Meeqqanut 0-3-nut ukiulinnut ineriartuutaasut sammisaqartitsineq
  • Meeqqat sammisassaannik sapaatip akunneranut pilersaarusioqataaneq
  • Suliassat takkussuuttut

Amaagajaami sulisut allat kiisalu qanimut aqutsisorisaq suleqatigalugit suliassat naammassineqartassapput.

Qinnuteqartunut naatsorsuutigisat:

  • Meeqqanut- isumaginninnermi ikiortitut ilinniarsimanermut uppernarsaateqassaaq
  • Sullitanik misilittagaqarnissaq
  • Namminersorsinnaaneq inimilu sulisunik kiisalu inip aappaani suleqateqarsinnaaneq

Pingaartipparputtaaq:

  • Aalajaatsuunissat, pitsaassutsimik ilisimasaqarluartuunissat ataasiakkaanullu maluginiaasinnaanissat
  • Ataatsimut takunnissinnaaneq attatiinnarlugu arlalinnik suliaqarsinnaanissat
  • Allattariarsornermi oqaluttariarsornermilu ersarissumik paatsuugassaanngitsumillu attaveqartartuusutit.
  • Nammineerluni sulisinnaasoq, akisussaassuseqartoq sullissiumatoorlu
  • Sulianut atatillugu sungiussilluarsimasoq ataavartumillu suliat agguataarneqartarnerannik nalimmassaalluarsinnaasoq.
  • Ulloq ulapaarfiugaluarpalluunniit ukkatarinnilluarsinnaasoq ataqatigiissitsilluarsinnaasorlu.
  • Nukittooq pilersitsiniallaqqissoq inissaqartitsiuartoq piumassuseqarluartorlu
  • Sulianik naammassinninniarluni ingerlatsinermut ineriartortitseqataalluni pitsanngorsaaqataalluni peqataalluartartoq
  • Kisitsisilerillaqqissuunissat
  • Arlalissuarnik suleqateqallaqqissuunissat
  • Marluinnik oqaaseqarneq (kal/dk) iluaqutaassaaq piumasaqaataanngilarli

Neqeroorutigaavut:
Suliffik pissanganartoq unammillernartunillu suliassartalik, imarisassaanik nammineq sunniuteqarfigisinnaasaq, suliffeqarfimmilu angisuumi ineriartortinneqartuartumi allanngorartuartumillu annertuumik akisussaassuseqarfiusoq. Pingaartilluinnarparput patajaatsumik suliassanut suliffimmullu pulatikkiartuaarneqarnissaq, pimoorulluinnarparputtaaq suleqatigiinnermi silaannaap pitsaasup aqutsisut peqatigilluinnarlugit attattuarnissaa kiisalu pilersitsisinnaaneq nutaaliorsinnaanerlu inissaqartittuarlugit.

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommuneuppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq SIK imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

Atorfinititsineq qaammatini pingasuni misiliutitaqassaaq.

Inissiaq
Atorfimmut atatillugu inissiamik atugassiisoqanngilaq.

Qinnuteqaatip
Qinnuteqaatip ilisarnaataata Atorfiup nr. 116/21 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 23. marts 2021
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Tasiilaq
Paasissutissat allat uani piniarneqarsinnaapput: Elisabeth Kunak
Telefon: +299 36 78 21
Nittartagaq: http://www.sermersooq.gl
Qinnuteqaat nassiutiguk