Skip to main content
89

Dette jobopslag er udløbet

Meeraaqqerivik Ajaaja tullersortissarsiorpoq / Atorfiup normua: 1/20

Kommuneqarfik Sermersooq pikkorissumik tunniusimasumillu, meeraaqqerivik Ajaaja-mi tullersortissarsiorpoq. Piaartumik isumaqatingiissuteqarnikkulluunniit sulilersussamik. Kingusinnerusukkulluunniit sulilersinnaasumik pissarsiorpoq. 

Meeraaqqerivik Ajaaja 0-3 nik utoqqaassusilinnut naatsorsuussaavoq. Meeqqanut 35-nut inissaqarluni. Meeqqat ininut pingasunut agguangaallutik.

Meeraaqqerivik Ajaaja-mi inini sulisut agguataarneri: Perorsaasoq, Inunnik isumanginninnermi ikiorti ikiortilu.

Taakku saniatingut: Iggavimmioq, Eqqiaasoq. Pisariaqartitsisoqartillungulu meeqqamut tapersersorteq.

Ajaaja-mi pisortaq aamma meeqqerivik Najaaqqami pisortavoq. Meeraaqqerivik Ajaaja Blok 10-mi inissisimavoq. Ammasarlunilu 7:00-17:00

Qinnuteqartunut naatsorsuutigisat:

  • Perorsaasutut ilinniarsimasoq imaluunniit assigusumik
  • Atorfimmut tunniusimasoq
  • Suleqatinginnilluarsinnaasoq tamakkiisumik isiginnissinnaasoq suleqatinullu aqqutissiuisinnaasoq.malingassiuisorlu.
  • Ajunngittussaq anguniarlugu tatinginartuuneq.
  • Piffissamik ataqqinnittoq.
  • Suleqatit peqatingalugit ukiumut perorsaanikkut anguniakkat ingerlaavartumik aallunneqarnissaatnnut qulakkeerinninnissaq.
  • Perosaanilerinermi sakkut: T-7 kammangiitta ,perorsaaneq timersornertalik-llu ilisimasaqarfingingitit.
  • Periataallaqqittoq.Akisussaassusilik.
  • Kommuneqarfik Sermersuumi-mi personal politik-mi malitassat assigiinngitsut akisussaaqataaffingissangitit.

Pingaartipparputtaaq:

 

  • Aalajaatsoq, pitsaassutsimik pingaartitsisoq immikkuualuttullu ilanngullugit maluttarissoq
  • Erseqqissumik tappissumillu allattariarsorlunilu oqaluttariarsorsinnaasoq
  • Nammineerluni sulisinnaasoq, akisussaassuseqartoq sullissiumatoorlu
  • Sulianut atatillugu sungiussilluarsimasoq ataavartumillu suliat agguataarneqartarnerannik nalimmassaalluarsinnaasoq.
  • Ulloq ulapaarfiugaluarpalluunniit ukkatarinnilluarsinnaasoq ataqatigiissitsilluarsinnaasorlu.
  • Nukittooq pilersitsiniallaqqissoq inissaqartitsiuartoq piumassuseqarluartorlu
  • Sulianik naammassinninniarluni ingerlatsinermut ineriartortitseqataalluni pitsanngorsaaqataalluni peqataalluartartoq
  • Atituumik suleqateqarluarsinnaasoq
  • Qinnuteqartut marluinnik oqaasillit (kal/qall) piumaneqarnerupput

Neqoroorutigaavut:
Suliffik unamminartoq, suliat imarisaannut sunniuteqarnissamut periarfissaqartitsisoq, suliffeqarfimmi ineriartortumi allanngoriartortumilu nammineerluinnarluni annertuumik akisussaaffeqartitaaneq. Pingaartilluinnarparput patajaatsumik suliassanut suliffimmullu pulatikkiartuaarneqarnissaq, pimoorulluinnarparputtaaq suleqatigiinnermi silaannaap pitsaasup aqutsisut peqatigilluinnarlugit attattuarnissaa kiisalu pilersitsisinnaaneq nutaaliorsinnaanerlu inissaqartittuarpavut.

Meeqqanik pinerliisimannginnermut uppernarsaat:
Atorfik taanna meeqqanik pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune meeqqanik pinerliisimannginnermut uppernarsaammik aatsaat pissarsereerpat atorfinitsitsineq aallartinneqarsinnaavoq. Taamaattumik malugeqqussavarput kommune Rigspolitiinit meeqqanik pinerliisimannginnermut uppernarsaammik aatsaat pissarsereerpat piffissaq atorfiniffiusussaq isumaqatigiissutigineqarsinnaammat.

 

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussat, NPK-llu isumaqatigiissutaat atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Atorfinititsineq qaammatini pingasuni misiliutitaqassaaq.

Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaat:
Qinnuteqaatip ilisarnaataata Job nr. 1/20, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

 

Imatut qinnuteqaateqassaatit:                                                         
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 28. januar 2020
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Leder Hansine Mathiassen
Telefon: +299 366880
Nittartagaq: http://www.sermersooq.gl
Qinnuteqaat nassiutiguk