Skip to main content
113

Dette jobopslag er udløbet

Meeqqerivimmi Najaaraq taavalu Meeraaqqerivik Ajaaja aqutsisumik pissarsiorpoq / Atorfiup normua 492/19

Nuummi Meeqqerivimmi Najaaqqami meeraaqqerivimmilu Ajaajami aqutsisutut atorfik inuttassarsiuunneqarpoq.
Nuummi meeqqerivik Najaraq Narsasuarmi blok 8-p kælderianiippoq meeqqanullu 45-nut inissaqarluni.
Meeraaqqerivik Ajaaja Narsarsuarmi blok 10-p kælderianiippoq meeqqanullu 35-nut inissaqarluni.
Paaqqinnitarfiit taakku maluk 07:00-miit 17:00-imut ammasarput.
Meeqqerivimmi Najaaqqami sulisut aqqanilinnut amerlassusilerneqarnikuupput imatullu agguarneqarlutik: aqutsisoq, aqutsisup tullersortaa (perorsaasoq), perorsaasut marluk, isumaginninnermi ikiortit pingasut, ikiortit pingasut, igaffimmi assistenti ataaseq asaasorlu ataaseq.
Meeraaqqerivimmi Ajaajami sulisut aqqanilinnut amerlassusilerneqarnikuupput imatullu agguarneqarlutik: aqutsisoq, aqutsisup tullersortaa (perorsaasoq), perorsaasut marluk, isumaginninnermi ikiortit pingasut, ikiortit pingasut, igaffimmi assistenti ataaseq asaasorlu ataaseq.
Aqutsisoq, aqutsisup tulliani suleqatigiillutik aqutsisuupput neqeroorutinilu perorsaanermi ineriartorneq, angajoqqaanik suleqateqarneq sulisunillu aqutsineq akisussaaffigalugit.
Aqutsisutut atorfeqarnermi suliassat:
Aqutsisoq aqutsisup tullersortaanik isumasiueqateqartarpoq, suleqatigiillutillu anguniakkat siunertallu pingaarnerit eqqortineqarnissaat kiisalu perorsaanermik suliaqarnermi najoqqutassiat sulinermi atorneqarnissaat qulakkiissallugit. Tassani pineqartoq paaqqinnittarfinni taakkunani marlunni sulisunut suliassanik ingerlatsinermi sulisunillu aqutsinermi aqutsisuuvoq qaninneq. Aqutsisoq tamassuma saniatigut paaqqinnittarfiit taakku marluk aningaasaqarnerat ingerlatsinermilu missingersuutit eqqortinneqarnisaat pillugit ilitsersuisinnaatitaavoq akisussaasuullunilu.

Qinnuteqartumut piumasaqaatit tassaapput:

  • perorsaasutut ilinniagaqassaatit tassungaluunniit sanilliunneqarsinnaasumik ilinniagaqarlutit
  • akisussaassuseqartuuvutit
  • tamanik takunnissinnaassaatit
  • nutaanik pilersitsisinnaassaatit
  • sungiussisinnaasuussaatit allanngortitsisinnaallutillu
  • piffissani ulapaarfiusuni sulisinnaassuseqassaatit
  • tamatigoortuussaatit, suleqatikkuminartuussaatit kiinneraartuullutillu
  • suliamik paarsilluartuussaatit
  • killiliissutit takunagit periarfissanik takunnissinnaasaatit

Akisussaaffiit:

  • aqutsisutut kommunip inatsisartullu peqqussutaat malissavatit
  • paaqqinnittarfiup missingersuutaasa malinnissaannik pisussaaffeqarputit
  • immikkoortortaqarfinnut qulaani taaneqartunut aningaasaliissutinik sumut atorneqarnissaannik innersuussisinnaatitaavutit
  • nipangiussisimasussaatitaavutit, tamannalu suliunnaarnermi atuukkunnaassanngilaq
  • atuisut, sulisut angajoqqaallu suleqatigalugit anguniakkanik, iliuusissatut pilersaarutinik sammisassatut pilersaarutinik suliaqartassaatit
  • Perorsaanermi suliassat:
  • paqqinnittarfinnut pisortat qanimut suleqatigalugit perorsaanermik suliaqarneq pillugu inatsisit najoqqutassiallu malissavatit
  • paaqqinnittarfiit anguniagaasa naleqartitaasalu piviusunngortinnissaat qulakkiissavat
  • sulisut angajoqqaallu akornanni suleqatigiinnermi ajornartorsiutit aaqqinniarneranni peqataassaatit ilitsersuillutilluunniit

 

Allaffissornermi suliassat:

  • paaqqinniittarfinnik taakkunannga marlunnik ulluinnarni aqutsineq
  • sulisunik amerlassusiliinermut tunngatillugu illersorneqarsiinnaasumik sulisoqarnissamik qulakkeerinninneq
  • sulisunik, atuisunik angajoqqaanillu ataatsimeeqateqartarneq
  • atuisut tamaasa takkuttarnerannik allattuivimmut ullut tamaasa allattuisarnissamik qulakkeerinninneq

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.

Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussat, NPK-llu isumaqatigiissutaat atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Atorfinititsineq qaammatini pingasuni misiliutitaqassaaq.

Inissiaq
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Qinnuteqaat:
Qinnuteqaatip ilisarnaataata Job nr. 492/19, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.       

Imatut qinnuteqaateqassaatit:                                                          
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat

Paasissutissanik annertunerusunik pisariaqartsitinermi saaffigineqassaaq Ulluunerani Neqeroorutinut Suliaqarfimmi pisortaq Gustav Olsen Brandt:gumb@sermersooq.gl

 

Qinuteqaat tunniunneqassaaq kingusinnerpaamik: 20. august 2019
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Gustav Olsen Brandt
Telefon: +299 367319
Mobil: +299 539414
Nittartagaq: http://www.sermersooq.gl
Qinnuteqaat nassiutiguk