Meeqqerivimmik aqutsisuullutit ingerlatserusuppit, qanittumik attaveqarneq pingaartinneqartoq, meeqqanut ataasiakkaanut eqimattanullu ineriartorneq iluarisimaarnerlu uukkatarineqartoq? Taamaappat atorfissaqartippatigit.

Kommeqarfik Sermersooq meeqqerivik Umiaq-mi atorfinittussamik pikkorissumik eqinnaatsumik pisortamik pissarsiorpoq, ulloq 1. April 2023 atorfinittussamik. Taamaattumik illit pisortatut meeqqeriviup peqataaffigisannik meeqqerivimmi pingaartitat pilersitseqataaffigissavatit.

Meeqqanut atuarfeqarnermut ingerlatsivik anguniagaqarpoq meeqqat nuannaartut, alapernaattut, tatituut, peqqissullu pilersissallugit. Naatsorsuutigineqarpoq illit pisortatut anguniagassaliussat pimoorullugit anguniagaqataassasutit.

 

 

Atorfiup imarisaa:

Pingaartipparput meeqqat ataqatigiissumik toqqissisimanartumik nuannersumik attaveqaateqarlutik ulluinnarni misigisaqartinneqarnissaat. Naatsorsuutigaarput meeqqeriviup anguniagaanut sinaakkusersuillutillu tapersersueqataanissat.

 

 

Saniatigut suliassat:

• Ulluinnarni aqutsineq
• Qulakkiissallugu Immikkoortortami anguniagaliunneqarsimasut meeqqerivimmi suliarinerat
• Meeqqeriviup aningaasaqarneranut akisussaasuuneq
• Meeqqanut ajunnginnerpaassaq anguniarlugu angajoqqaanik suleqarteqarneq
• Suliarinasuarneqarsinnaasullu ilanngullugit

Suliassat naammisineqartassapput ingerlatsivimmi meeqqeriveqarnermut immikkoortortaq qanimut suleqatigalugu.

 

 

Qinnuteqartumut naatsorsuutit:

Naatsorsuutigaarput:

• Perorsaasutut ilinniarsimasuunissaq.
• Meeqqeriveqarnerup iluani aqutsinermik misilittagaqarsimanissaq.
• Akisussaaffimmik tingusineq Ataatsimoorluni anguniakkat anguniarnerani.
• Meeqqanu sammisassaqartitsinermi pilersaarusiullaqqissuunissaq.
• Siammasissumik suleqateqarluarsinnaaneq.
• Aningaasaqarnikkut Missigersuutinut naatsorsuutinullu tamakkiisumik nakkutiginnissinnaaneq.
• Ulluinnarni PC atuinermut sungiusimasaqarneq
• Kalaallisut qallunaatullu oqarseqartuusinnaaneq.

Pingaartipparputtaaq aalajaatsuussasutit, pitsaassusisermut eqqumaarissoq peqqissartumillu eqqummaarittuussasutit, suliassanik arlallinik ataatsikkut puullaaqinngikkaluarlutit suliaqarsinnaassasutit.

Akerlianik neqeroorfigisinnaavatsigit atorfimmut periarfissarpassualimmut nammineerlutit inerisaaqataaffigisinnnaasarnut nammineerluinnarluti akissussaaffigalugu suliffeqarfimmi inerisaqataanissarunut. Pingartitarivarput atorfimmut suliffeqarfimmullu pitsaasumik isertilluarneqarnissaq ilugersorlutalu qulakkeertussaallutigut suleqatigiilluarneq aqutsinerup tungaatigut avitseqatigiilluarnerlu inissaqartitsineq suliniutinut pilersitsisinnaanermullu.

 

 

Meeqqat amerlassusiligaanerat.

Umiami børnehavemi inissaateqarluni meeqqanut 40-gallartunut siunissami amerlisinnaallutik.

 

Sulisut amerlassusilingaanerat.

Sulisut aaliangersimasut 9-put perorsaasut 2, isumaginninnermi ikiortit 2, ikiortit 2. Igaffimmioq eqqiaasorlu

Ilinniartuuteqarsinnaasarpoq, ikiortinngornianik, perorsaasunngornianillu ingaffimmilu ilinniartuuteqassangaanni ukioq ataaseq kisimi periarfissaasartoq, inummut ataatsimut.

 

 

Annertunerusumik paasisaqarusukkuit:

Immikkoortortami pisortaq Ane Marie Lynge Møller telefon: 367325/233467 imaluunnit mail: anmm@sermersooq.gl saaffigisinnaavat

Meeqqanik pinerliisimannginnermut aammalu pineqaatissinneqarsimannginnermut uppernarsaat:

Pinerluuteqarsimannginnermut meeqqanillu innarliisimannginnermik uppernarsaatit atorfimmi piumasarineqarput. Inatsit naapertorlugu Kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput Kommunip uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitiinit, aammalu pineqaatissinneqarsimannginnermut uppernarsaat Politiinit tiguneqarpat atorfininnissaq inissinneqassammat.

Meeqqanik pinerliisimannginnermut uppernarsaat Kommunimit piniarneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

 

 

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Naalakkersuisut aamma Nunatsinni Perorsaasut Kattuffiata (NPK-p) akornanni isumaqatigiissut atuuttoq imaluunniit Kalaallit Nunaanni kattuffiup allap isumaqatiginninniarsinnaatitaasup isumaqatigiissutaa atuuttoq naapertorlugu atorfinitsitsisoqassaaq.

Atorfinitsitsineq qaammatini pingasuni misiliutaaqqaassaaq.

Inissaq:

Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.

 

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

 

 

Qinnuteqaat:
Qinnuteqaatip ilisarnaataata atorfiup normua 219-23-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

 

 

Ima qinnuteqassaatit:
Qinnuteqaatip elektroniskimik nassiunneqarnissaa orniginartinneqarneruvoq, quppernermi matumani allerpaami innersuussaq toorukku qinnuteqaatit CV-llu kakkiullugit nassiussinnaavatit.

MALUGIUK: Qinnuteqaatit pappilianngorlugit mailikkulluunniit tiguneq ajorpavut, qinnuteqaatit nittartagaq aqqutigalugu nassiunneqarnissaat inussiarnersumik piumasarineqarpoq.

Qinnuteqarnissamut killissarititaasoq: marsip 28.-at, 2023

Atorfik una qinnuteqarfigiuk