Skip to main content
150

Dette jobopslag er udløbet

Meeqqerivik Umiaq Igasumik pissarsiorpoq

Igasoq soqutiginnittoq tunniusimasorlu Meeqqerivik “Umiami” sulilersinnaasoq pissarsiariumaneqarpoq.

Meeqqerivik “Umiaq”-mi meeqqap killiffia aallaavigalugu sullissinissaq pingaartinneqarpoq, tassani Lev Vygotsky aammalu Maslows behovs pyramide tunngavigalugu sulissineq ingerlanneqarpoq. Meeqqap takorluugaa timitalersorneqarnissaa siunertarineqarpoq.

Meeqqat alapernaatsut tatitussusillit, peqqissut nuannaartulllu anguniarneqarput.

Ilisarnaatigineqartut makkuupput

Pingaartitat:

  • Qanilaartuuneq.
  • Paasininneq.
  • Ammasuuneq.
  • Akisussaaqataaneq.
  • Tatigeqatigiineq.
  • Tatigininneq.

 

 

Meeqqerivik ”Umiami” naleqartitavut makkuupput:

  • Perorsaanermi assigiinngitsunik inerikkiartuutaassumik pilersitsineq
  • Meeqqanik ineriartortitsinermi pinngortitaq atussallugu pingaartinneqarpoq
  • Meeqqap kinaassusaat assigiinngissusaallu ataqqineqassapput, ataqqissallugit aalajageeqqataatissallugillu
  • Akuersaartumik perorsaariaaseq atortinneqassalluni
  • Ineriartortitsinermik inissaqartitsilluni meeqqat toqqissisimanartunik avatangiiseqartinnissaat.

 

 

Neqeroorutigineqartussat:

  • Sulisoq inerikkiartornissaminut neqoroorfigineqartarnissaa.
  • Sulininni akisussaaqataanissat pillugu kaammatorneqarlutit ilitsersorneqarnissarlu
  • Suleqatigiit imminnut ataqqisut, tatigeqatigiittut akaareqatigiittullu.
  • Pikkorissarnissamut ilinniagaqarnissamullu periarfissaqarneq
  • Sulinermi nalaattat aallaavigalugit inuttut imaajarsinnaanermik periarfissaqartinneqarneq.

 

Meeqerivik “Umiaq” Nuusuarmi inissisimasuuvoq.

Atuisunut qanimut paasinittumik suleqatigininneq pingaartinneqarpoq. Ulluinnarni tikilluaqquneqarneq peqataatinneqarnerlu anguniagaavoq.

 

 

Naatsorsuutigaarput:

  • Igasutut ilinniagaqarsimanissat
  • Sassaalliutit peqqinnartuunissaat
  • Eqqiluitsuunissat
  • Eqeersimaartuunissat akisussaaffimmillu tigusisinnaanissat
  • Suliffipput pillugu perorsaanermut tunngasunik oqalliseqataasinnaanissat
  • Meeqqat nerisassanik / naqittagassanillu tunngatillugit peqatiginnissinnaaneq
  • Meeqqanut atuisunullu ilakkuminartuunissat saaffikkuminartoq tunuarsimaanngitsorlu
  • Ulluinnarni aqutsisinnaasutit, utaqqiinnartuunak aaqqitassanut iliuuseqarlutit namminersorsinnaassuseqartorlu.
  • Aaqqissuussani annertuuni pilersaarusioqataasinnaasutit soqutigisaqartutillu.
  • Kalaallisut qallunaatullu oqalussinnaassasutit.
  • Suliffimmut akisussaassuseqartutit sunniuteqaqataasinnaasutillu
  • Allannguerusussusilik namminersorsinnaassuseqartorlu
  • Piffissamik ataqqinnittoq
  • Saaffikkuminartoq /qiimasoq
  • Sulianik unamminarsinnaasunik suliaqarsinnaasoq
  • Inuttut nikerartuunngitsoq
  • Meeqqanut sapigalinnut eqqummaarissoq
  • Nerisassanut aaqqissuillaqqissoq/ pilersaarusiullaqqissorlu

 

Meeqqerivik ”Umiaq” meeraateqarpoq katillugit meeqqat 40-nut. Imak agguataagaapput, ininut marlunnut meeqqat katillugit 40-runut inissaateqarpoq, Inatsisartut inatsisaat nr 16, 3.dec 2012-meersoq najoqqutarineqartoq. Immikkullu innarluutillit marluk tigummisaralugit, 1.julip tungaannut 2022.

Sulisut katilligit 11-ullutik, taakkunani immikkut innarluutilinnut marlunnutmeeqqat marluk tapersersorteqarlutik.

Meeqqerivik illoqarfiup immikoortortaanni Nuussuaq-mi inississimasuuvoq. Meeqqerivik ullaakkut ammartarpoq nal: 7:00 ualikkut 17:00 matusarluni. Sulinerup avataatsigut sulisut ataatsimiiffeqarput qaamatikkaartumik, pisariaqartitsineq naapertorlugu ataatsimiittoqarsinnaalluni ammaffiit avataatsigut.  Sulisut nikerartumik siliartortarfeqarlutik.

Atuisunut qanimut paasinittumik suleqatigininneq pingaartinneqarpoq. Ulluinnarni tikilluaqquneqarneq peqataatinneqarnerlu anguniagaavoq.

 

 

Annertunerusumik paasisaqarusukkuit:
Annertunerusumik paasisaqarusukkuit pisortaq Nukârak`Olsen attavigisinnaavat uunga oqarasuaat 366890 imaluunniit e-mail-imut uunga: nuol@sermersooq.gl

 

 

Pineqaatissinneqarsimannginnermut aamma meeqqanut pinerliisimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

 

 

Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Naalakkersuisut aamma Sulinermik Inuussutissarsiuteqartut Kattuffiata (SIK-p) akornanni isumaqatigiissut atuuttoq imaluunniit Kalaallit Nunaanni kattuffiup allap isumaqatiginninniarsinnaatitaasup isumaqatigiissutaa atuuttoq naapertorlugu atorfinitsitsisoqassaaq.

 

Atorfinititsineq qaammatini pingasuni misiliutitaqassaaq.

 

 

Inissaq:
Atorfininnermut atatillugu inissiamik innersuussisoqarsinnaanngilaq.

 

 

Qinnuteqaat:
Qinnuteqaat qulequtserlugu Atorfiup ilisarnaataa 520/22-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

 

 

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

 

MALIGIUK: 
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: aggustip 16.-at, 2022

Atorfik una qinnuteqarfigiuk