Skip to main content
143

Dette jobopslag er udløbet

Meeqqerivik Sikkersoq-mi Inunnik isumaginninnermi ikiorti-mik pissarsiorpoq

Inunnik isumaginninnermi ikiorti soqutiginnittoq tunniusimasorlu Meeqqerivik Sikkersoq-mi sulilersinnaasoq pissarsiariumaneqarpoq.

Meeqqanut ulluunerani paaqqinnittarfimmik ineriartortitseqataarusuppit ingerlatsinermik attassinermut ineriartortitsinermullu suleqataarusuppit maani qanimut attaveqatigiinnerit pingaartinneqaqaat meeqqallu eqimattaqatigiillu ataasiakkaat ineriartornerat atugarissaarnerallu ukkatarineqarput. Taava suliffissaqartippatsigit.

Meeqqat alapernaatsut, tatitussusillit, peqqissut nuannaartullu Kommunitta anguniagai, aqqutissiuullugit iliuusissatsinnik eqqartuisarnitsinni piviusunngortinnissai anguniassavagut.

 

 

Meeqqerivitsinni immikkut ilisarnaatigaarput:

  • Meeqqap ineriartornermini killiffia aallaavingalugu inerisaaneq

 

 

Anguniakkat aallaavigalugit sulineq, ukunannga:

  • Tatigeqatigiinneq
  • Ataqqeqatigiinneq
  • Meeraq nalingalugu sulineq

 

 

Suliffik qanoq ittoq neqeroorutigisinnaavarput:
Uagutsinnut pingaaruteqarpoq meeqqat ulluinnarnik ataqatigiissunik toqqissimanartunillu misigisaqarnissaat inunnut pitsaasumik attaveqarneq aqqutigalugu. Naatsorsuutigaarput illit paaqqinnittarfiup anguniagaanut sinaakkutissanik pilersitseqataassasutit taakkununngalu tapersersuissasutit.

Suliffimmi ulluinnarni sammisanut annertuumik sunniuteqarfigisinnaasat neqeroorutigaarput.

Meeqqeriviuvungut sulisut atugarissaarnerannik, suliffimmik atugarissaarfiusumik, suleqatigiinnermik ingerlalluartumik aamma suliffimmi avatangiisit pitsaasuunerannik pingaartitsisut, maani suliamut tunngatillugu ineriartorneq pingaartinneqaqaaq.

 

 

Qinnuteqartumut naatsorsuutigineqartut:

  • Inunnik isumaginninnermut ikiortitut ilinniarsimasuunissat
  • Maniguuttoq meeqqanut sullissinissaminik piumassusilik
  • Nammineq akisussaaffimmik tigusisinnaavutit namminersorlutillu sulisinnaallutit
  • Meeqqat ataasiakkaat pisariaqartitaanut eqqummaarittoq’
  • Unneqqarittuusutit ammasorlu
  • Eqeersimaartoq akisussaaffimmik tigusisinnaasoq piumassusilik meeqqat ineriartortinnissaannut
  • Suleqatinut angajoqqaanullu suleqatiginnikkumavutit
  • Allanngortitsinissamut piareersimasuuvutit ammasuuvutit ineriartornissamut piumassuseqarlutillu avitseqatigiinnissamut
  • Meeqqat agallanneranni peqataasinnaasoq asimi aallarsimaanermi
  • Aalajaattoq piffissarlu eqqorlugu suliartortartoq
  • Meeqqanut ineriartuutaasunik sammisaqartitsinernik pilersaarusiorsinnaavutit

 

 

Meeraateqarfik pillugu:
Sikkersoq meeqqeriviullunilu meeraaqqeriviuvoq meeqqanut 64-inut, taakku ininut sisamanut agguataagaapput, meeraaqqerivimmi meeqqat 24-t meeqqerivimmilu meeqqat 40-t. Inini tamani sulisut pingasunik amerlassusiligaapput.
Meeqqerivik Nuussuarmi Kangillinnguit Atuarfiata qanittuani eqqissisimanartumilu inissisimavoq.
Sapaatip akunneranut akunnerni 40-ni nikerartumik suliffiuvoq. Sikkersoq ullukkut nal 07.00 - 17.00 ammasarpoq.

Immikkoortortaq maannakkut 14-nik sulisoqarpoq, aqutsisoq, aqutsisup tullia, perorsaasut, isumaginninnermi ikiortit, igaffimmioq kiisalu eqqiaasoq.

Atorfik ulloq naallugu suliffiuvoq, Immikkoortortamilu aqutsisumik qullersaqarpoq.

Paaqqinnittarfipput aamma anguniakkavut pillugit uani annermik atuagassaqarpoq: sermersooq.gl

 

 

Annertunerusumik paasisaqarusukkuit:
Aqutsisoq: Juliane H. Tobiassen oqarasuaat: 36 67 30 email: juto@sermersooq.gl.

 

 

Meeqqanik pinerliisimannginnermut aamma pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput Kommunip uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik innarliisimannginnermut uppernarsaat qinnuteqartumit akuersissutitalik kommunimit piniarneqassaaq, pineqaatissinneqarsimannginnermullu uppernarsaat pineqartup Politiinit pissavaa.

 

 

Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, SIK imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

Atorfinitsitsineq qaammatini pingasuni misiligutaaqqaassaaq.

 

Inissiaq:
Atorfimmut atatillugu inissiamik atugassiisoqanngilaq.

 

 

Qinnuteqaateqarneq:
Qinnuteqaat atorfiup normuanik ilisarnaatilik Atorfik nr 644/22 aamma ilinniagaqarsimaneq siornatigullu suliffigisimasat pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

 

 

Imatut qinnuteqassaatit:
Qinnuteqaatit elektroniskimik nassiunneqassaaq, quppernermi matumani allerpaami innersuussaq toorukku qinnuteqaatit CV-llu kakkiullugit nassiussinnaavatit.

 

 

Malugiuk: 
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: septembarip 26.-at, 2022

Atorfik una qinnuteqarfigiuk