Skip to main content
102

Dette jobopslag er udløbet

Meeqqerivik nutaamut Stadion eqqaaniitumut pædagoginik marlunnik sulisussarsiorneq / Atorfiup ilisarnaataa 678/20

Kommuneqarfik Sermersooq akuleriittumik meeqqerivittaalerpoq 1/1-21.

Tassungalu atatillugu meeraaqqerivittaani pædagoginik 2-nik pissarsiorpoq.

Meeqqerivik akuleriittoq nutaaq ”Stadion” eqqaaniitoq arsaatarfimmut pinngortitamullu qanilluni inissisimavoq.

Meeqqat katillugit 96-upput, ima agguataarlutik: Meeraaqqerivittaani meeqqat 36-t, ininut 3-nut agguataarlutik. Meeqqerivittaanilu meeqqat 60-t ininut 3-nut agguataarlutik.

Illumi sulisut tamakkerlutik 22-upput: Pisortaq, tullersorti; immikkoortortami pisortaq, Pædagogit 4-t, Inunnik isumaginninnermi ikiortit 6-t, iIkiortit 6-t, igasoq, eqqiaasoq, iggavimmi/eqqiaasumullu ikiorti.

Meeqqerivik ulluinnarni ammasarpoq: 7:00-17:00

Meeqqerivik nutaajummat naatsorsuutigaarput, illup toqqissisimanartumik tamanut isersimaffigiuminarnissaanut aallarniinissami tunngavilersueqataasasutit.

Naatsorsuutigaarput:

  • Pædagogitut ilinniarsimassusutit
  • Inoqatinnik akuersaartuusutit
  • Eqqummaarillutillu alajaatsuusutit
  • Aporfissarsiornak periarfissarsiortartutit
  • Meeqqat pisariaqartitaanik tappissuusutit
  • Illup iluani silaannaritsiteqataanissamut suliniuteqaqataasasutit
  • Aalajaatsuusutit tunniussimasuusutillu

Pingaartitaraarput:

  • Akuersaartuuneq
  • Ammasuuneq
  • Inoqatinut inissaqartsitineq
  • Inuttut sulisutullu ineriartortuarnissaq
  • Init akimorlugit suleqatiginnilluarnissaq

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommuneuppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq NPK imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

Atorfinititsineq qaammatini pingasuni misiliutitaqassaaq.

Inissiaq
Atorfimmut atatillugu inissiamik atugassiisoqanngilaq.

Qinnuteqaatip
Qinnuteqaatip ilisarnaataata Atorfiup nr. 678/20 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 19. januar 2021
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Elisabeth Sikemsen
Telefon: +299 366720
Nittartagaq: http://www.sermersooq.gl
Qinnuteqaat nassiutiguk