Meeqqanut ulluunerani paaqqinnittarfimmik ineriartortitseqataarusuppit aamma ingerlatsinermik attassinermut suleqataarusullutit? Maani qanimut attaveqatigiinnerit pingaartinneqarput meeqqallu ataasiakkaat aamma eqimattaqatigiit ineriartornerat atugarissaarnerallu qitiutinneqarlutik, tassalu atorfissaqartippatigit.

Meeqqat alapernaatsut, tatituut, peqqissut nuannaartullu Kommuneqarfik Sermersuup anguniagarai, aqqutissiuullugit iliuusissatsinnik eqqartuisarnitsinni piviusunngortinnissaa anguniassavarput.

 

 

Paaqqinnittarfik pillugu:

Paaqqinnittarfik Nukariit ukioq 2012 ammarpoq, meeqqanullu 120-nut – meeraaqqerivimmi tallimanik initaqartumi meeqqanut 60-inut amerlassusiliiffigineqarsimavoq , meeqqerivimmilu pingasunik initaqartumi meeqqanut 60-inut amerlassusiliiffigineqarsimalluni.

Ulluunerani paaqqinnittarfik Qinngutsinniippoq, taanna Nuup illoqarfiata immikkoortortaasa ilagaat.

Sulisut 29-nut amerlassusiligaapput.

Akunnerit 40 sapaatip akunnerata iluani suliffiussapput.

 

 

Paaqqinnittarfitsinni immikkut ilisarnaatigaavut:

• Akuersaartoq
• Pinngortitamik atuineq
• Qitiutillugu

 

 

Neqeroorutigaarput:

Inunnut pitsaasumik attaveqarneq aqqutigalugu meeqqat ulluinnarni ataqatigiissunik toqqissisimanartunillu misigisaqarnissaat uagutsinnut pingaaruteqarpoq. Naatsorsuutigaarput illit suliffiup anguniagaanut sinaakkutissanik pilersiteqataassasutit taakkununngalu tapersersuissasutit, matumani:

Meeqqanut ineriartuutaasunik ulluinnarni sammisassaqartitsinermik suliaqarneq;

Meeqqat timikkut ineriartuutaasunik sammisassaqartinneqarneranni aamma ineriartuutaasumik ilikkagaqartinneqartarnerannik suleqataalluni peqataaneq.

 

 

Ilinnut naatsorsuutigaagut:

• Ilinniagaqarsimasutit, assingusumilluunniit;
• Suleqatinnut angajoqqaanullu maligassiuisinnaasutit;
• Sulisunik angajoqqaanillu akuersaarlutit suleqateqarsinnaasutit;
• Tapersersuisuusutit inissaqartitsisuusutillu;
• Ataasiakkaanut perorsaariaaseq atorneqartoq pillugu nassuiaasiorsinnaallutillu uppernarsaasinnaasutit;
• Ataasiakkaat pillugit angajoqqaanik suleqateqarnermik pingaartitsilluinnartuusutit;
• Pinngortitamilu sammisaqartitsineq pingaartikkit;
• Tatiginartuusutit;
• Perorsaanikkut ineriartortitseqataarusuttutit tamatumanilu suleqatitit peqataatissinnaagitit;
• Pingaartitatsinnut tulluartuussasut; tassaasut toqqissisimaneq, ineriartorneq akuersaartuunerlu.

 

 

Pitsaassaaq:

• Peeqqat ataasiakkaat angajoqqaavilu ukuninnga tunisinnaagukkit, toqqissisimatitsineq, qanilaarneq, ataqqinninneq, suleqatigiinneq, pinnguarneq Ineriartortitsinerlu.
• Ilinniarsimanngitsunik pikkorissartitseqataarusussuseqaruit;
• Avitseqatigisinnaagutsigut;
• Atorsinnaasannik piginnaasaqaruit imaluunniit allatigut sammisassanik aallartitsinissamut piginnaasaqaruit.

 

 

Paasissutissat sukumiinerusut:

Paasissutissat sukumiinerusut pissarsiarineqarsinnaapput saaffiginninnikkut uunga aqutsisoq Karen Kleemann, oqarasuaat +299 36 69 91 imaluunniit e-mailikkut knkn@sermersooq.gl

 

 

Pineqaatissinneqarsimannginnermut aamma meeqqanik pinerliisimannginnermut uppernarsaatit:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumillu maluginiaqqussavarput meeqqanik pinerliisimannginnermut uppernarsaammik Naalagaaffiup Politiivinit kiisalu pillagaasimannginnermut uppernarsaammik kommune politiinit tigusaqareerpat piffissaq atorfiniffiusussaq aatsaat isumaqatigiissutigineqarsinnaammat.

Meeqqanik pinerliisimannginnermut uppernarsaat kommunimit aaneqarsinnaavoq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politeeqarfimmut aaneqassaaq.

 

 

Akissaatinut atorfinitsitaanermullu tunngatillugu atugassarititaasut:

Namminersorlutik Oqartussat, NPK imaluunniit kattuffiup allap isumaqatigiinniarsinnaatitaasup akornanni isumaqatigiissut atuuttoq naapertorlugu, akissarsiaqartitsisoqarlunilu atorfinitsitsisoqassaaq.

Atorfinitsitsineq qaammatini pingasuni misiliinertaqarpoq.

 

 

Inissaq:

Atorfimmut atatillugu inissaqartitsisoqanngilaq

 

 

Qinnuteqaat:

Qinnuteqaat Atorfik nr. 798-23-mik nalunaaqqutserlugu, aamma ilinniagaqarsimanermut siornatigullu suliffigisimasanit uppernarsaatit il.il. kakkiullugit, ulloq tunniussivissaq kingulleq nallertinnagu nassiunneqarsimassaaq.

 

 

Ima qinnuteqassaatit:

Qinnuteqaatit elektroniskimik nassiunneqassapput, quppernermi matumani allerpaami innersuussaq toorukku qinnuteqaatit CV-llu kakkiullugit nassiussinnaavatit.

 

 

Malugiuk:

Qinnuteqaatit pappilianngorlugit mailikkulluunniit tiguneq ajorpavut, qinnuteqaatit nittartagaq aqqutigalugu nassiunneqarnissaat inussiarnersumik piumasarineqarpoq.

 

Qinnuteqarnissamut killissarititaasoq: septembarip 27.-at, 2023

Atorfik una qinnuteqarfigiuk