Skip to main content
88

Dette jobopslag er udløbet

Meeqqerivik Nukariit perorsaasussarsiorpoq / Atorfiup normua: 446/19

Meeqqerivik Nukariit ukiut pingasut matuma siorna ammarpoq, meeqqanullu 128-nut - meeqqerivimmi sisamanik initaqartumi meeqqanut 80-inut meeraaqqerivimmilu sisamanut initaqartumi meeqqanut 48-inut inissaqartitsivoq. 

Sulisut 29-nut amerlassusiligaapput.

Meeqqerivik kusanarpoq nutaajullunilu, Nuullu ilaani Qinngutsinni pinngortitamik avatangiiseqarluni inissisimavoq.

Meeraaqqerivimmi perorsaasussarsiorpugut

Suliassat:

Naatsorsuutigaarput:

  • Suleqatinnut, meeqqanut angajoqqaanullu maligassiuisinnaasutit
  • Meeqqanik, sulisunik angajoqqaanillu akuersaarlutit peqateqarsinnaasutit
  • Inoqatinnut tapersersuisuusutit inissaqartitsisuusutillu
  • Suliatigut arajutsisimasaqanngitsuusutit meeraaqqerivimmilu sulineq misilittagaqarfigereerit
  • Meeqqanut ataasiakkaanut perorsaanikkut sullissineq pillugu nassuiaasiorsinnaallutillu uppernarsaasiorsinnaasutit
  • Meeraq pillugu angajoqqaanik suleqateqarnermik pingaartitsilluinnartuusutit
  • Meeqqerivitsialammut atatillugu meeqqerivimmi misileraaffiusussami suleqataassasutit
  • Silami pinngortitamilu sammisaqartitsineq pingaartikkit
  • Aqutsisunut tatiginartuusutit
  • Meeqqerivimmi perorsaanikkut ineriartortitseqataassasutit tamatumanilu suleqatitit peqataatissinnaagitit
  • Tusarnaallaqqissuusutit isummannillu annissisinnaasutit
  • Pingaartitatit pingaartitatsinnut naapertuutissasut; toqqissisimaneq, ineriartorneq nersugaanerlu
  • Timimik atuineq pinngortitamiinnerlu pingaartikkitit

Pitsaassaaq:

  • Meeqqerivimmik nutaajungaatsiartumik sulilu ” ima isiortarpugoqanngitsumik” ineriartortitsinissamut isumassarsianik saqqummeerususseqaruit
  • Marluinnik oqaaseqaruit
  • Isumaqaruit meeqqat ataasiakkaat angajoqqaavisalu sullinnerini toqqissisimaneq, qanilaarneq, ataqqinninneq, suleqatigiinneq, pinnguarneq ineriartornerlu atugarinissaat pingaaruteqartoq
  • Sulisunik ilinniarsimanngitsunik pikkorissartitseqataarusussuseqaruit
  • Piginnaasannik avitseqatigisinnaagutsigut
  • Nipilersornerup, erinarsornerup, avatinik atuisinnaanerup allatigulluunniit sammisaqarsinnaanerup tungaatigut immikkut ittumik piginnaasaqaruit

Neqeroorutigaavut:

  • Aqutsisoqatigiit meeqqerivimmik nuanneqisumik ineriartortitsisut tamatumanilu meeqqanut, angajoqqaanut sulisunullu qiimasumik ineriartortitsiffiusumillu atugassaqarfiusumik pilersitsillutillu ineriartortitsisut
  • Kommuneqarfik Sermersuup ataani sulisuunerput arajutsisimanagu meeqqanik akisussaasuullutik pilersuisuusut suleqatiginerisigut meeqqanut 128-nut perorsaanikkut ineriartuutaasunillu ulluinnarni sammisassaqartitsinermik suliaqarneq
  • Init angisuut, silaannarissut qaamasullu
  • Qiimaneq annertooq, piumassuseqqortuneq nuannersumillu eqqarsarneq
  • Suleqatigiit toqqaannartumik attaveqaqatigiinneq tunngavigalugu sulisut iliuuseqartartullu
  • Pikkorissartitsineq ilisimasanillu soorlu NLP-mut allarpassuarnullu tunngasunik ingerlatitseqqiineq

 

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussat, NPK-llu isumaqatigiissutaat atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Atorfinititsineq qaammatini pingasuni misiliutitaqassaaq.

 

Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Qinnuteqaat:
Qinnuteqaatip ilisarnaataata Job nr. 446/19, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.       

Imatut qinnuteqaateqassaatit:                                                         
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 1. august 2019
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Dine Mathiassen
Telefon: +299 366991
Nittartagaq: http://www.sermersooq.gl
Qinnuteqaat nassiutiguk