Skip to main content
131

Dette jobopslag er udløbet

Meeqqerivik Nukaariit immikkoortumi aqutsisussarsiorpoq

Meeqqanut akuleriinnut uulluunerani paaqqinnittarfik Nukariit immikkoortortami aqutsisussarsiorpoq. 

 

Meeqqanut ulluunerani paaqqinnittarfimmik ineriartortitseqataarusuppit ingerlatsinermik attassinermut ineriartortitsinermullu suleqataarusullutit maani qanimut attaveqatigiinnerit pingaartinneqarput meeqqallu eqimattaqatigiit ataasiakkaat ineriartornerat atugarissaarnerallu ukkatarineqarput, taava atorfissaqartippatigit.

 

Meeqqat alapernaatsut, tatituut, peqqissut nuannaartullu Kommuneqarfik Sermersuup anguniagarai, aqqutissiuullugit iliuusissatsinnik eqqartuisarnitsinni piviusunngortinnissai anguniassavagut.

 

Meeqqerivitsinni immikkut ilisarnaatigaarput: Anguniakkat aallaavigalugit sulineq, ukunannga:

  • Pinngortitaq perorsaanermi sakkussatut atussallugu
  • Ukioq 2022 sulisunik inerisaanermut atorneqarnissaa

 

Naatsorsuutigaarput illit:

  • Suleqatinut, meeqqanut angajoqqaanullu maligassiuilluartuusutit.
  • Meeqqat, sulisut angajoqqaallu akuersaartumik naapittassavatit.
  • Inussiarnersuuvutit avatangiisinnillu inissaqartitsisuullutit.
  • Meeraaqqerinermi suliassanik ilisimasaqarluartuuvutit.
  • Sulisut meeqqanut pissusilersortarnerat qisuariaatigisinnaavat aamma sulisunut utertitsisinnaassuseqarputit.
  • Meeqqat ataasiakkaat pillugit perorsaanissamik suliaqarnissat pillugit oqaaseqatigiiliorsinnaavutit uppernarsaasinnaallutillu.
  • Aqutsisoqatigiinnut nutaamik eqqarsartunut ilanngutissaatit taakkulu meeqqat qitiutippaat aammalu angajoqqaat meeraq pillugu suleqatissatut pingaarnerpaatut pingaartillugit.
  • Meqqerivitsialammut tunngatillugu piffissami "meeqqerivimmi misileraataasumi'" timitaliillutit peqataassaatit.
  • Silami sammisassat pinngortitarlu avatangiiserisamik atuinissaq pingaartippatit.
  • Aqutsisunut unneqqarissuuvutit.

 

Pitsaassaaq:

  • Aqutsinermik misilittagaqartoq.
  • Uippakajaarani arlariinnik suliaqarsinnaasoq
  • Meeqqerivimmi ineriartortitseqataarusuttoq, isumassarsiannillu ingerlatitseqqittarnissat ornigalugu.
  • Marluinnik oqaaseqartuuvutit.
  • Imatut ittunik naleqartitaateqarputit: Toqqissisimaneq, inussiarnerneq, ataqqinninneq, suleqatigiinneq, pinnguarneq aamma ineriartorneq.
  • Sulisunik ilinniagaqarsimanngitsunik piginnaanngorsaaqataarusupputit.
  • Qarasaasialerillaqqissuullutillu teknikkimut tunngasunut pikkorissuuvutit.

 

Neqeroorutigaavut:

  • Sulisut arlallit inussiarnersut attaveqatigiinneq tunngavigalugu sulisut, pingaartitavullu tassaasut toqqissisimaneq, ineriartorneq nersugaanerlu tunngavigalugit suleqatiminnut aamma angajoqqaanut meeqqanullu pissuserissaarlutik sulisut.
  • Kommuneqarfik Sermersuup ataani sulisuunerput arajutsisimanagu meeqqanik akisussaallutik pilersuisuusut suleqatiginerisigut meeqqanut 120-nut perorsaanikkut ineriartuutaasunillu ulluinnarni sammisassaqartitsinermik suliaqarneq
  • Qiimaneq annertooq, piumassuseqqortuuneq, naatsorsuutaasinnaasoq nuannersumillu eqqarsarneq

 

Nukariit meeqqeriviullunilu meeraaqqeriviuvoq meeqqanut 120-nut, meeqqerivimmi 60-it aamma meeraaqqerivimmi 60-it, ininut pingasunut tallimanullu avillugit inissalik. Meeraaqqerivimmi ininut tallimanut ukioqanngitsuniit pingasunut ukiulinnut immikkoortortami aqutsisussarsiorpugut.

 

Sulisut 29-nik amerlassuseqartussatut aalajangersagaapput aamma meeraaqqerivimmi sulisut 15-t sulisuussapput.

 

Meeqqeriviullunilu meeraaqqerivik Nuup illoqarfiata ilaani nutaami Qinngutsinni pinngortitamik annertuumik avatangiiseqarpoq.

 

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
 

Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

 

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Naalakkersuisut aamma Nunatsinni Perorsaasut Kattuffiata (NPK-p) akornanni isumaqatigiissut atuuttoq imaluunniit Kalaallit Nunaannil kattuffiup allap isumaqatiginninniarsinnaatitaasup isumaqatigiissutaat atuuttoq naapertorlugu atorfinitsitsisoqassaaq.
 

Atorfinititsineq qaammatini pingasuni misiligutitaqassaaq.

 

Inissaq:
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl
 

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

 

Qinnuteqaatip:
Qinnuteqaatip ilisarnaataata atorfiup ilisarnaataa 407/22, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

 

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu.

Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

MALIGIUK: 
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

Kommuneqarfik Sermersooq periuseq ”Sermersuaq Ikaarlugu – Siunissaq Ataatsimoorullugu” aallaavigilluinnarlugu suleriuseqarpoq, qularnaarniarlugu suliffeqarfik ingerlalluartoq, aningaasarsiorneq nukittooq innuttaasunut sullissineq pitsaanerusumik akikinnerusumik sunniuteqarluarnerusumillu ingerlasinnaajumallugu. Suliatsinnut atatillugu sinaakkutissat politikkikkut anguniakkanit isumaqatigiissutigine

 

Qinnuteqarnissamut killissarititaasoq: juulip 6.-at, 2022

Atorfik una qinnuteqarfigiuk