Skip to main content
106

Dette jobopslag er udløbet

Meeqqerivik Dr. Ingrids perorsaasumik pissarsiorpoq / Atorfiup normua 417/19

Meeqqerivik Dr. Ingrid perorsaasussarsiorpoq

Kommuneqarfik Sermersooq Meeqqerivimmut Dr. Ingrid-mut perorsaasussarsiorpoq.

Meeqqerivik Dr. Ingrid, ammasarpoq 07.00 – 17.00 ulluinnarni ataasinngornermiik tallimanngorneq ilanngullugu.

Meeqqerivik Dr. Ingrid ininut Marlunnut agguataagaavoq meeqqanut 40-nut inissaqarluni, inini marluusuni meeqqat 20-ullutik pingasuniit arfinilinnut ukiulinnut. Meeraqarporlu piorsarsimassutsinit assigiinngitsuneersunik.

Immikkoortortaqarfik maanna 9-nik sulisoqarpoq, ininut marlunnut agguarsimasunik. Pisortaq, eqqiaasoq, igasorlu ilanngullugit

Aalajangersimasumik suleriaaseqarpugut, sapaatip akunneranullu skemaqarpugut ullut tamaasa assigiinngitsunik sammisaqartitsiviusumik. Taanna aallaavigalugu, qaammatit tamaasa sulereernerup kingorna sulisut ataatsimiittarput.

 Ukiup ataatsip ingerlanerani perorsaanermut tunngasumik sammisaqarnermit sulisut ulloqartinneqartarput arfininngornikkut, pisariaqartitsinikkullu agguataarneqarsinnaalluni.

Atuisut minnerpaamik ukiumut marloriarlutik ataatsimeeqqatigisarparput, pisariaqartitsinikkullu ilaneqarsinnaallutit. annerpaamik (Ukiumut sisamariarsinnaapput), saniatigut atuisut qanimut sungiusarsinnaasarlutik ass. Nereqatigiinnermi ataatsimooqatigiinnermiluunniit.

Assigiinngitsunik ineriartorfiusinnaasunik periarfissaqarpoq, soorlu ukiut tamaasa pikkorissartoqartarpoq soorlu makkuusinnaasut: Kammagiitta, inuttut ineriartorneq allanilu.

Atorfiup imarisai:

Perorsaasoq inimi aqutsisuusussaavoq, qanimullu tullersorti suleqatigisartussaallugu, tullersorti inip aappaaniippoq. Saniatigut pisortaq qanimut suleqatigisassavaa, aammalu perorsaasup pilersaarusiaanut peqataasartussaavoq, perorsaanermik suliassanut suleqataasussamik, ataanilu taaneqartunik suliaqarsinnaasumik pissarsiorpugut:

  • Inimik ingerlatsinikkullu akisussaaffik
  • Inimi perorsaanikkut ineriartuutaasinnaasunik sammisassanik pilersaarusiorneq
  • Meeqqat ukiuata ineriartorneranik killiffissiunerit, Rabumik Tras-llu atorlugit immersuinerit
  • Angajoqqaanut suleqatinut meeqqanullu qanimut suleqateqarneq
  • Inini akisussaaqataaneq
  • Tullersorti peqannginnerani akisussaaffimmi tigusisinnaanneq

Pingaartitat

Meeraq qitiutillugu sulineq pingaartitaraarput, meeqqallu nammineersinnaajartornerat malillugu tapersersorluarneqarnissaat, taakkullu ajunnginnerpaamik anguniaraanni angajoqqaat qanimut suleqatiginissaat pingaarluinnarpoq. Meerarlu imminut tatigisoq ajunnginnerpaamik angusaqartarmat aamma tassuuna tapersersorluarnissa anguniarparput.

Angajoqqaat qanimut suleqatigineratigut sunniuteqarluartumik angusaqarfiusarmat aamma taanna pingaarnertut isigaarput, taakkullu piumasaqaatai aallaavigalugit pilersaarusiorneq ingerlasarluni.

Meeqqat meeraaqqerivimmiit meeqqerivinnut atualernissaannullu ikaarsaarnerat ajunnginnerpaamik ingerlanniartussaapput, taakkunanngalu illit suleqataanissat pisariaqarluinnarpoq.

 

Qinnuteqaateqartunut naatsorsuutigisat: 

Illillu suliffinnut tunniusimasuunissat, piffissaq eqqorlugu suliartortarnissat suleqatikkuminartuunissallu pingaaruteqarpoq, saniatigut ataani allaqqasut piumasaqaatigissaavarput.

  • Perorsaasututut ilinniarsimanermut uppernarsaatit
  • Meeqqanut pineqaatissinneqarsimannginnermik uppernarsaat maanngaanniit isumagineqassaaq (Børneattest)
  • Pineqaatissinneqarsimannginnermut uppernarsaat (Straffeattest)

Tamatuma saniatigut pingaartipparput, illit:

  • Aalajaatsuunissat, piginnaasanillu ilisimasaqarluartuunissat ataasiakkaanullu maluginiaasinnaanissat
  • Ataatsimoortumik takunnissinnaanerit attatiinnarlugu arlalinnik ataatsikkut suliaqarsinnaanissat
  • Ersarittumik attaveqartarnissaq, oqaatitigut allannikkullu
  • Nammineersinnaassuseqartoq, akisussaaffeqarluni sullisserusussuseqarlunilu
  • Suliassanut aamma suliassanik agguataarinernik ingerlaavartumik suliaqarsinnaasoq
  • Ulluinnarni ulapaarfiusuni eqqissisimasumik tuaviorussassanik suliaqarsinnaasutit
  • Tatituujusoq, aallarnisaasinnaasoq, nukissaqartoq iliuuseqarnissannullu piumassuseqarluartuusoq
  • Suliassatta ingerlanneqarnerini ingerlaavartumik ineriartortitsinermut pitsanngorsaanermullu suleqataassassasutit
  • Ammasumik suleqateqallaqqissuusinnaaneq
  • Qinnuteqartut marluinnik oqaasillit (kal/dk) atorfinitsinnissaat orniginartinneqarpoq.

Neqeroorutigaavut:
Ulluinnarni meeqqat ineriartorneranik inerisaaqataanissaq, inatsit nr. 16, 3 december 2012 –meersoq malillugu sulineq .Tunngaviit 7-imarlut aallaavigalugit sammisaqartitsineq, kammagiitta aammalu akuersaarinnittumik perorsaariaaseq atorlugu sulineq. Unammillernarsinnaasunik suliassaqarneq.

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, NPK imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Atorfinititsineq qaammatini pingasuni misiliutitaqassaaq.

Inissiaq:
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaat:
Qinnuteqaatip ilisarnaataata Job nr. 417/19, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit:               
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 17. juli 2019
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Tasiilaq
Paasissutissat allat uani piniarneqarsinnaapput: Elisabeth K. Berthelsen
Telefon: +299 36 78 21
Nittartagaq: http://www.sermersooq.gl
Qinnuteqaat nassiutiguk