Skip to main content
106

Dette jobopslag er udløbet

Meeqqerivik ”Umiaq” Tullersortimik atorfinittussarsiorpoq / Atorfiup nr. 404/21

Meeqqerivik ”Umiaq” Tullersortimik atorfinittussarsiorpoq

Meeqqerivik ”Umiaq” meeraateqarpoq katillugit meeqqat 50-it. Imak agguataagaapput, ininut marlunnut meeqqat katillugit 40-runut inissaateqarpoq, Inatsisartut inatsisaat nr 16, 3.dec 2012-meersoq najoqqutarineqartoq, ininut marlunnut  meeqqanut Autisme / ADHA-mik innarluutilinnut 10-nut inissaateqartoq, inatsisartut peqqussutaat nr: 7, 3.nov 1994-meersoq najoqqutarineqarluni.

Meeqqerivik “Umiaq”-mi meeqqap killiffia aallaavigalugu sullissinissaq pingaartinneqarpoq, tassani Lev Vygotsky aammalu Maslows behovs pyramide tunngavigalugu sulissineq ingerlanneqarpoq. Meeqqap takorluugaa timitalersorneqarnissaa siunertarineqarpoq.

Sulisut katilligit 19-ullutik, taakkunani immikkut innarluutilinnut 10-it tapersersortaassinnaallutik.

Meeqqerivik illoqarfiup immikoortortaanni Nuussuaq-mi inississimasuuvoq. Meeqqerivik ullaakkut  ammartarpoq nal: 7:00 ualikkut 17:00 matusarluni. Sulinerup avataatsigut sulisut ataatsimiiffeqarput qaamatikkaartumik, pisariaqartitsineq naapertorlugu ataatsimiittoqarsinnaalluni ammaffiit avataatsigut.   Sulisut nikerartumik siliartortarfeqarlutik.

Pingaartitat

  • Qanilaartuuneq.
  • Paasininneq.
  • Ammasuuneq.
  • Akisussaaqataaneq.
  • Tatigeqatigiineq.
  • Tatigininneq.

Meeqerivik “Umiaq” Nuusuarmi inissisimasuuvoq.

Atuisunut qanimut paasinittumik suleqatigininneq pingaartinneqarpoq. Ulluinnarni tikilluaqquneqarneq peqataatinneqarnerlu anguniagaavoq.

Meeqqerivik ”Umiami” naleqartitavut makkuupput:

  • Perorsaanermi assigiinngitsunik inerikkiartuutaassumik pilersitsineq
  • Meeqqanik ineriartortitsinermi pinngortitaq atussallugu pingaartinneqarpoq
  • Meeqqap kinaassusaat assigiinngissusaallu ataqqineqassapput, ataqqissallugit aalajageeqqataatissallugillu
  • Akuersaartumik perorsaariaaseq atortinneqassalluni
  • Ineriartortitsinermik inissaqartitsilluni meeqqat toqqissisimanartunik avatangiiseqartinnissaat.

Neqeroorutigineqartussat:

  • Sulisoq inerikkiartornissaminut neqoroorfigineqartarnissaa.
  • Sulininni akisussaaqataanissat pillugu kaammatorneqarlutit ilitsersorneqarnissarlu
  • Suleqatigiit imminnut ataqqisut, tatigeqatigiittut akaareqatigiittullu.
  • Pikkorissarnissamut ilinniagaqarnissamullu periarfissaqarneq
  • Sulinermi nalaattat aallaavigalugit inuttut imaajarsinnaanermik periarfissaqartinneqarneq.

Naatsorsuutigaarput:

  • Perorsaasutut ilinniagaqarsimanissat
  • Eqeersimaartuunissat akisussaaffimmillu tigusisinnaanissat
  • Suliffipput pillugu perorsaanermut tunngasunik oqalliseqataasinnaanissat
  • Meeqqat peqatigalugit inerikkiartuutaasumik pilersitsissinnaanissat
  • Meeqqanut atuisunullu ilakkuminartuunissat saaffikkuminartoq tunuarsimaanngitsorlu
  • Ulluinnarni aqutsisinnaasutit, utaqqiinnartuunak aaqqitassanut iliuuseqarlutit namminersorsinnaassuseqartorlu.
  • Aaqqissuussani annertuuni pilersaarusioqataasinnaasutit soqutigisaqartutillu.
  • Kalaallisut qallunaatullu oqalussinnaassasutit.
  • Suliffimmut akisussaassuseqartutit sunniuteqaqataasinnaasutillu
  • Allannguerusussusilik namminersorsinnaassuseqartorlu
  • Piffissamik ataqqinnittoq
  • Saaffikkuminartoq /qiimasoq
  • Sulianik unamminarsinnaasunik suliaqarsinnaasoq
  • Inuttut nikerartuunngitsoq
  • Pisortaq suliffimminiinngippat akisussaaffimmik patajaatsumik tigumminnissinnaasoq.

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommuneuppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, NPK imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

Atorfinititsineq qaammatini pingasuni misiliutitaqassaaq.

Inissiaq:
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaatip:
Qinnuteqaatip ilisarnaataata Atorfiup ilisarnaataa 404/21 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

MALIGIUK: Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

 

Qinuteqaat tunniunneqassaaq kingusinnerpaamik: 3. august 2021
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Leder Nukaaraq Olsen
Mobil: +299 292811
Nittartagaq: http://www.sermersooq.gl
Qinnuteqaat nassiutiguk