Skip to main content
141

Dette jobopslag er udløbet

Meeqqerisoq imaluunniit isumaginninnermik ikiorti Meeqqerivik Nuka-mut

Kommuneqarfik Sermersooq pikkorissumik tunniusimasumillu meeqqerisumik imaluunniit isumaginninnermi ikiortimik Meeqqerivik Nuka–mut pissarsiorpoq atorfinittussamik piaartumik imaluunniit isumaqatigiissuteqarnikkut. Atorfik tamassiisumik atorfiuvoq. 

 

 

Nuka pillugu:
Meeqqerivik Nuka meeqqeriviuvoq meeqqanut 40-nut inissaqartitsivoq, meeqqanut 3-niit 6-nut ukiulinnut.

 

Meeqqerivik maannakkuugallartoq 9-nik sulisoqarpoq, pisortaq, tullersorti, perorsaasoq, isumaginninnermut ikiortit 2, ikiortit 2, igasoq kiisalu eqqiaasoq.

Uagut pilluta paasissutissat annertunerusut uani pissarsiarineqarsinnaapput: link immikkoortortamut / Meeqqerivik Nuka-mut / Ingerlatsivimmut Sermersooq.gl-imiit aaneqartoq

 

 

Atorfiup imarisaa:
Meeqqerisoq imaluunniit isumaginninnermut ikiorti meeqqerivimmi inimilu suliffigisassamini peqataasussaavoq ataanilu makkunannga suliaqartussaavoq:

  • Tamakkiisumik akisussaaffimmik tigumminnissinnaasoq perorsaasoq/-sut peqanngitsillugit.
  • Suleqatinut allanut maligassiuisoq
  • Atuisunut qanimut suleqatiginittuussusilik
  • Inatsisartut Inatsisaat nr. 16 3.dec. 2012-meersoq malillugu sulinermik ingerlatsisoq

 

Suliassat meeqqrivimmi inimilu sulisut allat kiisalu angajoqqaat peqatigilluinnarlugit suliat ingerlanneqartassapput.

 

Kommuneqarfik Sermersuup meeqqanut anguniagai:
Meeqqat alapernaatsut, tatitussusillit, peqqissut nuannaartuullu.

 

Meeqqerivik Nukap immikut ilisarnaatai: Peqqinneq, ullut tamaasa aneerneq, peqqinnartunik nerisaqarneq, timersorneq. Kammagiitta, atualertussat immikkut sammineqarneri, kiisalu meeqqat sulisut angajoqqaallu qaammatit tamaasa sammisaqaqatigiittarneq.

     

 

                                

Qinnuteqartunut naatsorsuutigisat:

  • Isumaginninnermi ikiortitut ilinniagarsimasuussaatit
  • Sulerusussuseqartuunissat kiisalu suliassanut eqeersimaartuunissat pisariaqarpoq
  • Allanik peqateqarluni suleqatiginnissinnaaneq pingaartuuvoq
  • Nutaaliorusussuseqartuunissat kiisalu misileraarusussuseqartuunissaq pisariaqarpoq
  • Meeqqanik nuannarinnittuunissaq pisariaqarpoq

 

 

Pingaartipparputtaaq:

  • Aalajaatsoq, pitsaassutsimik pingaartitsisoq
  • Ulapaarfimmi arlariinnik suliaqarsinnaasoq
  • Erseqqissumik tappissumillu allattariarsorlunilu oqaluttariarsorsinnaasoq
  • Qiimasuunissaq pingaartitaraarput
  • Nammineerluni sulisinnaasoq, akisussaassuseqartoq sullissiumatoorlu
  • Sulianut atatillugu sungiussilluarsimasoq ataavartumillu suliat agguataarneqartarnerannik nalimmassaalluarsinnaasoq.
  • Nukittooq pilersitsiniallaqqissoq inissaqartitsiuartoq piumassuseqarluartorlu
  • Sulianik naammassinninniarluni ingerlatsinermut ineriartortitseqataalluni pitsanngorsaaqataalluni peqataalluartartoq

 

 

Neqoroorutigaavut:

·Meeqqat qiimasut, Suleqatit qiimasut, Sulisut angajoqqaallu suleqatigiilluartut, Suliffik iseruminartoq toqqissisimanartorlu, kiisalu sulisut qiimasut.

 

Suliffik unamminartoq, suliat imarisaannut sunniuteqarnissamut periarfissaqartitsisoq, suliffeqarfimmi ineriartortumik allanngoriartortumilu nammineerluinnarluni annertuumik akisussaaffeqartitaaneq. Pingaartilluinnarparput patajaatsumik suliassanut suliffimmullu pulatikkiaartuaarneqarnissaq, pimoorulluinnarparputtaaq suleqatigiinnermi silaannaap pisaasup aqutsisut peqatigilluinnarlugit attattuarnissaa kiisalu pilersitsisinnaaneq nutaaliorsinnaanerlu inissaqartittuarpavut.

 

 

Annertunerusumik paasisaqarusukkuit:
Annertunerusumik paasisaqarusukkuit pisortaq Ane Mina Falksen attavigisinnaavat uunga oqarasuaat 366770 imaluunniit e-mail-imut uunga: amfa@sermersooq.gl 

 

 

Pineqaatissinneqarsimannginnermut aamma meeqqanut pinerliisimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

 

 

Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Naalakkersuisut aamma Sulinermik Inuussutissarsiuteqartut Kattuffiata (SIK-p) akornanni isumaqatigiissut atuuttoq imaluunniit Kalaallit Nunaanni kattuffiup allap isumaqatiginninniarsinnaatitaasup isumaqatigiissutaa atuuttoq naapertorlugu atorfinitsitsisoqassaaq.

 

Qaammatini pingasuni misiligummik atorfinitsitsisoqarsinnaavoq.

 

 

 

Inissaq:
Atorfininnermut atatillugu inissiamik innersuussisoqarsinnaanngilaq.

 

 

Qinnuteqaat:
Qinnuteqaat qulequtserlugu Atorfiup ilisarnaataa 861/22-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

 

 

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

 

MALUGIUK: 
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: decembarip 9.-at, 2022

Atorfik una qinnuteqarfigiuk