Skip to main content
131

Dette jobopslag er udløbet

Meeqqanut suliassaqarfimmi Timimik pillorissaasoq

Meeqqanut suliassaqarfiup iluani pillorissaasut aamma timimik sungiusaasut suleqatigiit pillorissaasussarsiorput 01.09. 2022-mi imaluunniit tamatuma kingorna piaartumik atorfinittussamik.

Kommuneqarfik Sermersooq Suliffeqarnermut Isumaginninnermullu Ingerlatsivimmi pillorissaasumik pikkorissumik kajumissuseqarluartumillu 01.09.2022-mi kinguninngualuunniit piaartumik atorfinittussamik pissarsiorpoq.

Timimik sungiusaasoq suleqatigalugu meeqqanut suliassaqarfimmi suliaqassaatit.

Pillorissaasut aammalu timimik sungiusaasut suleqatigiinni quliuvugut, timimik sungiusaasut tallimat, pillorissaasut sisamat kiisalu pillorissaasunut aamma timimik sungiusaasunut aqutsisoq. Suleqatigiit meeqqanut suliassaqarfik suliassaqarfiillu allat pingasut isumagisarivaat.

Atorfik ullormut suliffiusussaq tamaat suliffiuvoq (nal. ak. 40-t) Nuummilu ataatsimut allaffeqarluni, ullut tassanngaaniit aallartittassaaq. Kommunimi illoqarfinnut nunaqarfinnullu allanut angalasoqartassaaq. Paasissutissat amerlanerusut uani takusinnaavatit:

https://sermersooq.gl/kl/suleqatigiit-timimik-sungiusaasut-pillorissaasu...

https://sermersooq.gl/kl/meeqqanut-immikkoortortami-timimik-sungiusaasut...

Suleqatigiit sullarissut nutaaliortullu qiimanermik ilinniarluarsimanermillu pingaartitsisut neqeroorutigaavut.

Illit suliaqarfiit assigiinngitsut qanimut suleqatigalugit Kommuneqarfik Sermersuumilu meeqqanut tunngasut iluanni ineriartortitseqataarusuppit, taamaappat illiussaaq ujartugarput.

 

 

Pillorissaasup suliassai:

  • Meeqqat inuusuttullu 18-it inorlugit ukiullit timikkut aamma/imaluunniit eqqarsartaatsikkut innarluutillit nukiminnik atuisinnaanissaannut sapinngisamillu eqeersimaartumik inuuneqarsinnaalernissaannut peqataassaatit.
  • Meeqqanik inuusuttunillu ilaatigut CP-mik, nukinnik aqutsisinnaarpiannginnermik akornutilinnik, allisiitsunik autismeqartunillu sullissinermi timimik sungiusaasoq aamma suleqatigisartakkat sinneri suleqatigalugit misissuineq, pilersaarusiorneq kiisalu sungiusaaneq.
  • Meeqqat ineriartorneranut tunngatillugu meeqqamut, angajoqqaanut kiisalu meeqqamut isumassuisartunut aamma ulluunerani aamma ulloq unnuarlu paaqqinnittarfimmi sulisunut ilitsersuineq atuartitsinerlu. Tassunga ilanngullugit ADL, maluginiutinik ineriartortitsineq, sungiusarneq, nuussineq iluaqusersuutillu.
  • Timimik sungiusaasunik, angajoqqaanik ikorfartortinillu qanimut suleqateqarneq
  • Meeqqap/inuusuttup iluaqutaasinnaasunik iluaqusersuutinik, maluginiutinut atortunut aamma inissiap allanngortinneqarnissaanut pisariaqartitaanik misissuineq naliliinerlu.
  • Pillorissaanermut timimillu sungiusaanermut tunngasunik ilisimasaqarnissamik piumasaqaatitaqarfiusuni suleqatigiissitani akuuneq
  • Iluaqusersuutinik naliliineq tunniussuinerlu, kiisalu taakkuninnga atuinissamut siunnersuineq, ilitsersuineq sungiusaanerlu.
  • Suliassat immikkoortumi pineqartumi suliassat allattorsimaffiat naapertorlugu ingerlanneqartarput, taakkulu Kalaallit Nunaanni inatsisit naapertorlugit ilusiligaapput
  • Nammineq ulluinnarni suliassanik aamma sulinermik aaqqissuussineq.
  • Pillorissaasut aammalu timimik sungiusaasut suleqatigiit ataatsimoorussamik suliaanni kommunimi innuttaasut allat iluaqusersuutinut sungiusaanissamullu peqataaqataassaatit

·Meeqqamut, angajoqqaanut kiisalu meeqqamut isumassuisartunut aamma ulluunerani aamma ulloq unnuarlu paaqqinnittarfimmi, ilitsersuineq atuartitsinerlu, assersuutigalugu sungiusarnermut, nuussinermut iluaqusersuutinullu tunngatillugu.

·Immikkoortumi suliatigut ineriartortitsineq.

 

 

Pisariaqartitarput tassaavoq:

  • Pillorissaasutut ilinniagalik
  • Ajornanngippat inunnik innarluutilinnik meeqqanillu sullissinermik misilittagalik
  • Isumassarsiullaqqissoq, iliuuseqarusussusilik suliassaqarfimminillu ilisimasaqarluartoq
  • Namminersorsinnaassusilik suliassanillu pingaarnersiuisinnaassusilik
  • Ulapaarfimmi tamakkiisumik takunnissinnaassuseqarlunilu attassiinnarsinnaassusilik
  • Sungiussiasoq aamma allanngueriaannaassusilik
  • Immikkoortut akunneranni suleqatigiittarnernik misilittagaqartutit.
  • Marluinnik kalaallisut/danskisullu oqaaseqarnissat iluaqutaassaqaaq kisianni piumasaqaataanngilaq.

 

 

Neqeroorutigisinnaavarput:

  • Suliassanik ilisaritsitsineq pitsaasoq
  • Suliffik namminersorsinnaanermi unammilligassanut periarfissaqarluartoq.
  • Sunneeqataasinnaaneq ulluinnarnilu suliassannut nammineq pilersaarusiorsinnaaneq
  • Kommuneqarfik Sermersuumi suliamut atatillugu angalanerit pissanganartunut periarfissaqassaatit
  • Pillorissaasut aamma timimik sungiusaasut suleqatigiinni ingerlalluartuni sulianut tunngasunik siunnersueqatigiilluartarneq
  • Suliassat assigiinngiiaartut pissanganartullu
  • Suleqatit pikkorissut piumassusillillu

 

 

Inissiaq
Atorfimmut inissaqartitsisoqarsinnaanngilaq

 

 

Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatit atorfinitsitaanermilu atugassarititaasut:

Pillorissaasoq akissarsiaqartinneqarpoq Kalaallit Nunaani Timimik Sungiusaasut/Ergoterapeuter i Grønland aamma Kalaallit Nunaanni Naalakkersuisut isumaqatigiissutaat naapertorlugu.

Takuuk www.ppk.gl

Pinerluuteqarsimannginnermut uppernarsaat Kommuneqarfik Sermersuumit pissarsiarineqarsimasoq isornartortaqartinneqanngippat atorfinitsitsineq pisinnaavoq.

Atorfik inuttassarsiuussaq pillugu apeqqutissaqaruit pillorissaasut aamma timimik sungiusaasut suleqatigiinnut aqutsisoq Jonas Nørgaard Gai, oqarasuaat +299 36 75 06, imaluunniit mailimut jnga@sermersooq.gl

 

Qinnuteqaat:
Job nr. 404/22 ilisarnaasigaq, ilinniarsimanermut siornatigullu suliffigisimasanut tunngasunik paasissutissat, soraarummeersimanermut uppernarsaatit il.il. assilineri ilanngullugit Akissarsialerinermi sulisoqarnermilu immikkoortortamit piffissaliunneqartoq qaangiutsinnagu tiguneqareersimassapput.

 

 

Qinnuteqarnissamut killiliussaq: 07/07/22

 

 

Oqaloqatiginninnerit: Naatsorsuutigineqarput ingerlanneqassasut sap. akunnerani 28

 

 

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

 

MALIGIUK: Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

Qinnuteqarnissamut killissarititaasoq: juulip 6.-at, 2022

Atorfik una qinnuteqarfigiuk