Find job
Dette jobopslag er udløbet
Meeqqanut - kiisalu isumaginninnermut ikiorti, Timmiaaqqanut
Meeqqanut – kiisalu isumaginninnermut ikiorti, ulluunerani meqqanut ukioqatigiinngiiaanut paaqqinnittarfimmut Timmiaaqqat-nut.
Sapaatip akonneranut nalunaaquttap akunneri 40-t suliffiusarput.
Paaqqinnittarfitsinni meeqqat ukiui akuleriiaartuupput, meeraaqqerivimmi meeqqat 36-t ininut pingasunut agguataagaapput, meeqqerivittaani meeqqat 64-t ininut sisamanut agguataagaallutik. Inini ataasiakkaani tamani perorsaasoqarpoq ataatsimik, isumaginninnermilu ataatsimik ikiorteqarluni aammalu ataatsimik ikiorteqarluni.
Uagut ilinnut makku naatsorsuutigaagut:
- Meeqqanut - kiisalu isumaginnermik ikiortitut ilinniarsimasuussuutit
- Meeqqat pingasuniik tallimat tungaanut ukiullit inerikkiartornerannut tunngasunik ilisimasartuussuutit
- Meeqqat 16-t qiimasut nakkutigilluarsinnaallugit
- Aalajaatsuusuutit
- Suleqatigiissinnaanermut kajumissuseqartuussuutit
- Suleqatigiissinnaanermi inimut aalajangersimasumut pituttoqqannginnissaq
- Sammisaqarnermut suliniuteqarsinnaassuutit
- Akisussaassuseqartuussaatit
- Allannguerusussuseqartuussaatit
- Perorsaasoq peqanngitsillugu akisussaaffimmik tigusisinnaassasutit.
- Inuunermut nuannersumik isiginnittaaseqartuussuutit
Uagut ilinnut makku neqeroorutigisinnaavagut:
- Suleqatit eqqeersimaartut 24-t
- Suliffimmi avatagiisitigut atungassat pitsaasut
- Isumassarsianut misilittaanissamut inissaqarpoq sunniuteqataanissamut periarfissiisumik
Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommuneuppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Naalakkersuisut aamma Sulinermik Inuussutissarsiuteqartut Kattuffiata (SIK-p) akornanni isumaqatigiissut atuuttoq imaluunniit Kalaallit Nunaannil kattuffiup allap isumaqatiginninniarsinnaatitaasup isumaqatigiissutaat atuuttoq naapertorlugu atorfinitsitsisoqassaaq.
Atorfininnermi qaammatini pingasuni misiligutitaqassaaq.
Inissiaq:
Atorfimmut atatillugu inissiamik atugassiisoqarsinnaangilaq.
Atorfik pillugu ersarinnerusumik paasisaqarusukkuvit:
Atorfik pillugu ersarinnerusumik paasisaqarusukkuvit, attaveqarfigisinnaavat Timmiaaqqat- ni pisortaq Juliane Dalager oqarasuaat 366870 e-mail: juda@sermersooq.gl
Qinnuteqaatip:
Qinnuteqaatip ilisarnaataata Atorfiup ilisarnaataa 232/23 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
MALUGIUK: Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: marsip 30.-at, 2023