Skip to main content
99

Dette jobopslag er udløbet

Meeqqanut Inuusuttunullu Sullissiviup katsorsaanermik Immikkoortortaqarfiani Nuummiittumi Inuusuttunut siunnersortimik pissarsiorpoq/ suliffiup nr. 537/20

Kommuneqarfik Sermersooq Nuummi Inuusuttunut Sullissiviup katsorsaanermik immikkoortortaqarfia suliamut pikkorissumik sulisussarsiorpoq. Oqaloqateqartarnermik immikkoortortaq meeqqanut inuusuttunullu arfinilinniit 14-it tikillugit ukiulinnut sakkortuumik misigisaqarsimasunut taamatuttaaq inuunerminni ingerlariaqqinnissamut ikiorteqarlutik misigisimasaminnik suliarinnissinnaanissaannut  ulluunerani neqeroorutaavoq. 

Atorfiup imarisaa:
Katsorsaasutut meeqqap ingerlalluarnissaa ineriartornissaalu akisussaaqataaffigissavat. Taamaammat suliassat assigiinngiiaartut arlalippassuit ataani allassimasut tigummisarissavatit:

  • Suliassamik aamma perorsaanermi sammisanik pilersaarusiornerni akisusaaqataaneq meeqqat ataasiakkaat katsorsartinnermut pilersaarutaat aallaavigalugit aamma katsorsaanermut aqutsisoq suleqatigalugu. 
  • Illup iluani ulluinnarni sammisassanik nalinginnaasunik akisussaasuuneq.
  • Sulisut ataatsimiinnerini aamma sullissisumik, atuarfinni suleqatigisartakkallu allat ataatsimeeqatiginerini peqataanerit.
  • Atuartut ilinniagassaannik ikiuunneq.
  • Killiffimmik nalunaarusiorneq aamma naliliinermik suliaqarneq.
  • Asiarnernik suliniutinik il. il. pilersaarusiorneq peqataanerlu.

Naatsorsuutigaarput:

  • Illit meeqqanik inuusuttunillu unammilligassaqartunik aamma ilungersuutigisaqartunik sullissinermik ilisimasaqartutit misilittagaqartutillu.
  • Ilinniakkamik imaluunniit pikkorissarnernik naapertuuttunik ingerlatsisimavutit.       
  • Meeqqani sumiginnagaasimasunik imaluunniit allanik sakkortuunik nalaataqarsimanernit kingunerlutsitsisunik ilisimasaqarputit.

Taakkua saniatigut pingaartipparput, illit:

  • Aalajaatsuusutit, timersornermik nuannarisaqartutit, tatituujusutit, eqeersimaartuusutit, tamanut inissaqartitsisutit iliuuseqarusussuseqartutillu.
  • Ulluinnarni piumasaqaatitaqartuni unammilligassaqarfiusunilu isumagissuunerit aalajaatsuuvoq.
  • Allattariarsornermi oqaluttariarsornermilu ersarissumik paatsuugassaanngitsumillu attaveqartartuuvutit
  • Suleqatigiinni sulinissannut kajumissuseqarputit suleqatiginnillaqqissuullutillu.
  • Eqaatsumik suleriaaseqarputit aamma suliassat ingerlanneqarnerini taamatullu suliassat agguataarneranni ingerlaavartumik aaqqissuusseqqinnerni peqataarusussuseqarputit
  • Eqeersimaartumik aamma aaqqissuussaasumik sulisinnaassuseqarputit
  • Kalaallisut qallunaatullu attaveqarsinnaasutit.
  • Ingerlatitsisinnaanermut allagartaq.

Neqeroorutigaavut:
Suliffik unamminartulik ulluinnarnilu nammineerluni imarisassaanik sunniivigineqarsinnaasoq. Suliffimmut suliffeqarfimmullu iserluartinneqarnissaq pingaartipparput aamma aqutsisut qanimut immersoqatigiiffigalugit suleqatigiilluartarnissaq kiisalu aallartitsinissamut nutaaliornissamullu inissaqartitsinissaq anguniartuarparput.

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommuneuppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Pinerliisimannginnermut uppernarsaat:
Atorfik inuttassarsiuussarput pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pinerliisimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommunip Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq SIK-p imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

Atorfinititsineq qaammatini pingasuni misiliutitaqassaaq.

Inissiaq
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaatip
Qinnuteqaatip ilisarnaataata Atorfiup nr. 537/20 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 3. november 2020
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Cecilie Jeremiassen
Telefon: +299 366929
Mobil: +299 274112
Nittartagaq: http://www.sermersooq.gl
Qinnuteqaat nassiutiguk