Skip to main content
145

Dette jobopslag er udløbet

Meeqqanut Inuusuttunullu siunnersortit marluk MISI -mut

Kommuneqarfik Sermersooq Misi-mut Meeqqanut Inuusuttunullu tunniusimasunik marlunnik siunnersortissarsiorpoq. 

 

-Ataaseq suli atualerneqanngitsuni (0-6-nik ukiulinni) pingaarnertut suliaqassaaq ataaserlu meeqqat atuarfiannut tunngasuni pingaarnertut suliaqassalluni.

 

Meeqqanik Inuusuttunillu Siunnersuisarfik (MISI) kommunimi illoqarfiit pingaarnersaanni, Kommuneqarfik Sermersuumi, Meeqqanut Atuarfeqarnermullu Ingerlatsivimmiippoq. Meeqqanut Atuarfeqarnermullu Ingerlatsiviup anguniarpaa Kommuneqarfik Sermersuumi meeqqat tamarmik imaqarluartumik inuuneqarnissamut tunngavissamik pilersitsisinnaanissaannut ilinniartinneqarnerisigut, ineriartortinneqarnerisigut atugarissaartinneqarnerisigullu pitsaanerpaamik sinaakkusersuinissaq. Kalaallit Nunaanni meeqqanut tamanut inissaqartitsisunik meeqqallu innuttaasutut alapernaatsutut, tatituutut, peqqissutut, nuannaartutut nammineersinnaasutullu ineriartorsinnaanissaannut atugassaqartitsiffiusumik pitsaanerpaamik attassisinnaalluartunik meeqqeriveqarusullutalu atuarfeqarusuppugut.

 

MISI-mi suliassat pingaarnerit tassaapput, meeqqat inuusuttullu ilinniarnerat, ineriartornerat atugarissaarnerallu pitsanngorsarumallugit, pingaartumik avatangiisit meeqqanut periuserisartagaanik tapersersuinikkut. MISI inersimasunut siunnersuisarfiuvoq perorsaanikkut – tarnikkullu atukkanik meeqqat inuusuttullu 0-18-inik ukiullit pillugit. MISI ataatsimut isiginninneq tunngavigalugu sulisarpoq, tassa imaappoq, MISI-mit meeraq, ilinniartitsisut/perorsaasut, inooqataanikkut peqatigiinnerit aamma ilikkagassanut tunngasut isigineqartarput. Tamanna isumaqarpoq, illit inersimasunut meeraq pillugu unamminartut misigisaat pillugit siunnersuissasutit, ilitsersuillutit siunersioqatigalugillu. MISI-mi maannakkut sulisut tassaapput Siunnersortinut chefi, oqalunnermut tusaasaqarnermullu sungiusaasoq ataaseq, allaffissornermi ikiorti ataaseq, tarnip pissusiinik ilisimasallit sisamat aamma Meeqqanut inuusuttunullu siunnersortit tallimat.

 

MTU-mi (Sulisut naammagisimaarinninnerannik misissuineq) kingullermi, decembarimi 2020-mi suliarineqartumi, misissuinerup takutippaa suliffiup imarisaa, tatiginartuuneq, suleqatigiinneq ineriartornerlu MISI-mi pingaartinneqartut. Suliffipput pitsaasuuvoq aalajaatsunik pikkorissunik tapersersuisunillu tikilluaqqusisussanik suleqatigeeqarpoq. Anguniarparput suliffittaannut ilisaritinneqarluarlutit peqataatinneqarluassasutit.

 

Siunnersortit Nuummi inissisimapput, kisianni MISI-p Kommuneqarfik Sermersooq tamaat sullitaraa, tassani illoqarfiit nunaqarfiillu ilaallutik, Kalaallit Nunaata Kitaani aamma Tunumi. Suliamut atatillugu angalanerit pisinnaasarput.

 

 

Atorfiit imaat:

  • Pitsaaliuinermik, siunnersorteqarnermik, suliatigut assigiinngisitaartumik aammalu suliap ingerlaneranut tunngasunik ulluunerani neqeroorutinut aammalu meeqqat atuarfiinut ikorfartuinermik.
  • Periutsit atorlugit siunnersuineq aqqutissiuussinerlu perorsaanikkut tarnikkullu nalilersuinermit siunnersuutit aallaavigalugit ilikkagaqarnissamut atatillugu peqataatitsineq.
  • Perorsaanermut aamma tarnip pissusaanut tunngasunik misissuineq kiisalu naliliinerit nalunaarusiornermillu suliaqarneq.
  • MISI-mi atorfillit allat peqatigalugit ilinniagaq aallaavigalugu inerisaaneq aaqqissuussaanikkullu ineriartortitseqataaneq.
  • Siunnersuinermut pisortaq, ilinnut pisortatut qaninnerusoq isumaqatigiissuteqarfigalugu suliassanik allanik suliaqartassaatit.
  • Ad. Suliassat takkussuuttut.

 

 

Qinnuteqartunut naatsorsuutigisat:

  • Perorsaasutut imaluunniit ilinniartitsisutut ilinniarsimavutit. 
  • Immikkut atuartitsinermi aamma perorsaanikkut immikkut ittumik immikkoortortami ilisimasaqarlutillu misilittagaqarnissat pitsaaqutaassaaq. Ass immikkut atuartitsinermi ilinniartitsisutut ilinniarsimasuuneq, ilinniartitsisunut siunnersortiuneq, immikkut atuartitsinermik misilittagaqartutit imaluunniit perorsaasutut qaffasinnerusumik ilinniagaqaqqinnernik allamik soorlu cand pæd psyk, cand pæd soc imal. cand Pæd. iluaqutaassapput. Cand. pæd. soc. kisianni, piumasaqaataanngilarli.
  • MISI-mi suliassanut tunngasunik soqutigisaqartuuvutit.
  • Ilinniartitsisut, perorsaasut, angajoqqaat atuarfimmilu aqutsisut siunnersorlugillu aqqutissiuutissallugit sulinissannut piareersimasutit.
  • Suliamut tunngasuni suliaqartunik piginnaasatigut qaffassaarusussuseqartutit, ilaatigut oqalugiaatinik saqqummiisarnikkut aammalu sullissinermut siunnersuisinnaasutit.
  • Nammineerlutit suliaqarsinnaasutit namminerlu sulinissat aaqqissuussinnaagit aammalu ersarissumik attaveqarsinnaasutit oqaatsitigut allattariarsornikkullu, qallunaatut kalaallisulluunniit. 
  • Kalaallit Nunaanni inuiaqatigiinni atuarfinnilu pissutsinik ilisimasaqarputit marlunnillu oqaaseqarnissaq kalaallisut qallunaatullu iluaqutaassaaq, piumasaqaataanngilarli.
  • Qinnuteqaammik pitsaasumik ilinnut oqaluttuaralutit nassiussissasutit, MISI-mut qanoq neqeroorutissaqarnerlutit aammalu sooq illerpiaq suleqatigiinnut ilanngutissanerlutit.

 

 

Uagut neqeroorutigaavut:

  • Immikkoortortaqarfik pissanganartoq, meeqqat pillugit qanoq pitsaanerusumik iliorsinnaanerluta eqqarsaatitsinniittuaannarpoq. Tassungalu tunngatillugu suliassanut sunniuteqarsinnaanissat aaqqissuussinissallu pillugu periarfissagissaassaatit.
  • Piginnaasatigut inuttullu ineriartornissamut periarfissaqarneq.
  • Susassareqatigiilluni suleqatigiinnermi suleqatit pitsaasut akornanni isummersuineq.
  • Suleqatinik ataatsimut isumasiueqateqarneq, suliat eqqartorneqarsinnaallutik.
  • Pitsaasumik suliffimmut iseriartuaarneq, "inummik ornissinnaasamik" attavilerneqarlutit.

 

 

Annertunerusumik paasisaqarusukkuit:Annertunerusumik paasisaqarusukkuit pisortaq Laila Skydsbjerg Skytte attavigisinnaavat uunga oqarasuaat 366338 imaluunniit e-mail-imut uunga: lass@sermersooq.gl imaluunniit Arnannguaq Thomsen Jakobsen oqarasuaat 366334

 

 

Pineqaatissinneqarsimannginnermut aamma meeqqanut pinerliisimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

 

 

Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Naalakkersuisut aamma Ilinniartitsisut Meeqqat Atuarfianneersut Kattuffiat (IMAK-ip) akornanni isumaqatigiissut atuuttoq imaluunniit Kalaallit Nunaanni kattuffiup allap isumaqatiginninniarsinnaatitaasup isumaqatigiissutaa atuuttoq naapertorlugu atorfinitsitsisoqassaaq.

 

Qaammatini pingasuni misiligummik atorfinitsitsisoqarsinnaavoq.

 

 

Inissaq:
Atorfininnermut atatillugu inissiamik innersuussisoqarsinnaanngilaq.

 

 

Qinnuteqaat:
Qinnuteqaat qulequtserlugu Atorfiup ilisarnaataa 905/22-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

 

 

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

 

MALIGIUK: 
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuigissavatsigit qinnuteqaatit nittartagaq aqqutigalugu nassiutissagit.

Qinnuteqarnissamut killissarititaasoq: januaarip 8.-at, 2023

Atorfik una qinnuteqarfigiuk