Skip to main content
127

Dette jobopslag er udløbet

Meeqqanut inuusuttunullu ikorfartortinut ataqatigiissaarisussamik sulisussarsiorneq, atorfiup normua 34/19

Kommuneqarfik Sermersuup Meeqqanut Ilaqutariinnullu Ingerlatsivia ikorfartortit meeqqanik inuusuttunillu immikkut pisariaqartitsisunik sullissinerannut atatillugu ataqatigiissaarisaarinermik ilitsersuinermillu suliaqarluni ikorfartortinut ataqatigiissaarisutut atorfinittussamik sulisussarsiorpoq. Ikorfartuisut paaqqinnittarfimmi atuarfimmiluunniit meeqqanut inuusuttunilluunniit ataasiakkaanut ikorfartorneqarnissamik immikkut pisariaqartitsisunut ikorfartuineq annerusumik suliassaraat.

Atorfik aaqqissuussaanikkut pitsaaliuinermut katsorsaanermullu immikkoortortaqarfiup ataani inissisimavoq, suliatigullu ingerlatsisoq toqqaannartumik qullersarissavat.

Ikorfartortinut ataqatigiissaarisutut sulinermi suliassat ilagaat sulisunik aqutsineq, ilitsersuineq ikorfartortinullu nakkutilliilluni ilitsersuineq. Ikorfartortinut ataqatigiissaarisutut meeqqat ataasiakkaat ikorfartorneqarnissamik pisariaqartitsisut ikorfartorteqarnissaannut suliatigut susassareqatigiit immikkoortortaqarfiillu assigiinngitsut suleqatigiinnissaannik qulakkeerineq taamatuttaaq ikorfartortit meeqqanik sullissinerannik malittareqqiineq akisussaaffigissavatit. Tamatuma saniatigut ingerlatsiviit, immikkoortortat, suliassaqarfiit immikkoortortaqarfiillu ikorfartorteqartitsinerup tungaatigut attaveqaqatigiinnerannik suleqatigiinnerannillu oqilisaassinermik suliaqartassaatit.

Ikorfartortinut ataqatigiissaarisutut suliassatit ilaatigut makkuusassapput:

  • Ikorfartortinut suliat suleriutsillu pillugit ilitsersuineq, tamatumani iliuusissatut pilersaarutit ikorfartortillu nalunaarusiaat najoqqutaqaralugit sulineq
  • Sulisunik tunngaviusumik aqutsineq, tamatumani ikorfartortinik atorfinitsitsinerit soraarsitsinerillu, sulisunik ineriartortitsinermut sammivilimmik oqaloqateqarneq, sulisunik ataatsimiititsineq ikorfartortinillu suliat allat pillugit ataatsimeeqateqarneq
  • Meeqqap pissussaa pillugu perorsaanikkut sullinneqarnissaanut isummersoqatigiisitsineq
  • Ikorfartortinik pikkorissartitsineq ilinniartitsinerlu
  • Ikorfartortip meeqqallu suleqatigiinnerannik taamatuttaaq ikorfartortip, angajoqqaat meeqqallu suleqatigiinnerannik pitsanngorsaaneq
  • Innuttaasunut ikorfartuinermillu sulialinnut ikorfartuisoqartitsinermut siunnersuineq
  • Suliatigut ingerlatsisup ikorfartuisoqartitsineq pillugu missingersuutinik malittareqqiinerani ikiuunneq
  • Suliassanik allanik suliatigut ingerlatsisorlu isumaqatigiinnikkut suliaqarneq

Ilimagivarput illit:

  • Sulianut attuumassutilimmik soorlu isumaginninnermi siunnersortitut perorsaasutulluunniit ilinniarsimasuunissat, tamatumanilu  aqutsisutut ilitsersuisutullu ilinniarsimaguit pitsaassaaq
  • Meeqqanik immikkut pisariaqartitsisunik sullissinermik soqutiginnillutillu ilisimasaqassasutit
  • Ataqatigiissaarinermi piginnaasaqarlutillu misilittagaqassasutit
  • Aaqqissussaanikkut suliassat paasisimasaqarfigilluarlugillu aaqqissuussaanikkut suliassanik annertuunik naammassisaqarluarnissamut pilersaarusiullaqqissuunissat
  • Aaqqiissuteqarnissamik pingaartitsisuunissat piumassuseqarluartuunissallu
  • Namminersorlutit sulisinnaanissat aamma nammineq suliassannik aaqqissuulluakkamik suliarinnissinnaallutillu malittareqqiisinnaanissat
  • Inuttut suliatigullu pissuserissaartuunissat
  • Nuannersumik inoqatinut isiginneriaaseqartuunissat, taamatuttaaq inunnut assigiinngitsorpassuarnut atassuteqallaqqissuullutillu ataqqinnillutit naapitsillaqqissuunissat
  • Suleriutsinik pioreersunik pitsaasunik ukkassisinnaanissat
  • Marluinnik; kalaallisut qallunaatullu oqaaseqartuunissat
  • Kalaallit Nunaanni piorsarsimassuseq inuiaqatiigiiussutsikkullu pissutsit ilisimasaqarfigissagitit

Meeqqanik pinerliisimannginnermut uppernarsaat
Matumani atorfik meeqqanik pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Taamaattumik erseqqissaatigissavarput kommunip pinerliisimannginnermut uppernarsaat naalagaaffiup politiivinit aatsaat tiguppagu atorfiniffiusussaq isumaqatigiissutigineqarsinnaammat.

Pinerliisimannginnermut uppernarsaat
Matumani atorfik pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pinerliisimannginnermut uppernarsaammik naammaginartumik politiinit aatsaat pippat atorfinitsitsineq aallartinneqarsinnaavoq.

Inissaq
Atorfimmut atatillugu inissaqartitsisoqarpoq, taamaattumik qularnaveeqqummut ineqarnermullu, atuinermut il. il. akiliisoqartassaaq, matumanilu Kalaallit Nunaanni Namminersorlutik Oqartussat kommunillu Kalaallit Nunaanni illuutaannut tunngatillugu ineqarnermut akiliuteqartarnermut maleruaqqusat naapertorlugit akiliisarneq pisassalluni. Atorfimmut atatillugu atorfininnermi inissamik piareersimasuuteqanngikkaanni, sulisunut utaqqiisaasumik inissaqarsinnaatitaasunut, utaqqiisaasumik inissaq neqeroorutigineqassaaq, tamatumunngalu atatillugu ineqarnermut, atuinermut il. il. qulaani maleruaqqusaasut naapertorlugit akiliuteqartoqartassalluni.   Ineqarnermut, matumani atuinermut, il. il. tunngasut pillugit annertunerusumik paasisaqarusukkaanni, paasissutissat uani takuneqarsinnaapput: www.iserit.gl   

Sulisunut inissamik piareersimasuuteqartoqarnera apeqqutaatillugu atorfininnissaq pissaaq.  Atorfininnermut atatillugu angalanermut pequtillu nassiunnerinut malittarisassat atuuttut naapertorlugit akiliussinerit pissapput.

 

Atorfilik sulisunut inissiami najugaqarpat taanna najugariinnarneqarsinnaavoq.

Akissarsiat sulinermilu atukkat
Namminersorlutik Oqartussat aamma kattuffiup isumaqatigiinniarsinnaatitaasup akornanni isumaqatigiissutaat atuuttoq naapertorlugu atorfinitsitaaneq pillugu isumaqatigiissusiortoqassaaq.

Atorfininnermut atatillugu piffissaq misilinneqarfiusussaq qaammatinik pingasunik sivisussuseqassaaq.

Qinnuteqaat
Qinnuteqaatip ilisarnaataa Job nr. 34/19, aamma ilinniagaqarsimaneq siornatigullu suliffigisimasat pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Ima qinnuteqassaatit
Qinnuteqaatit nittartagarput aqqutigalugu CV kakkiullugu elektroniskimik nassiunnissaa piumaneruarput. 

 

Qinuteqaat tunniunneqassaaq kingusinnerpaamik: 5. februar 2019
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Ellen Magnussen
Telefon: +299 367331
Mobil: +299 497979
Nittartagaq: http://www.sermersooq.gl
Qinnuteqaat nassiutiguk