Skip to main content
143

Dette jobopslag er udløbet

Meeqqanut Ilaqutariinnullu ingerlatsivimmi immikkoortoqarfik pisortassarsiorpoq Tasiilaq

Meeqqanut ilaqutariinnullu politikkikkut pisortaqarfinniillu annertuumik soqutigineqarpoq. Ulluinnarni sulininni suliannut tunngasut unamminnarsinnaasut, ajornartorsiutit taakkununngalu inerniliinerit sungiussianermik piumasaqaateqartut isumagisassavatit.

 

Aaqqissuussinermut tunngatillugu Tasiilami meeqqanut ilaqutariinnullu ingerlatsivimmi atorfinitsinneqassaatit. Tassani pingaarnertut suliassatit tassaaput Tasiilami Oqartussaasut aamma suliakkiissutnulu immikkoortoqarfiit imminnut attuumassuteqarnissaaasa isumannaatsumik ingerlanneqarnissaat isumagissassullugu.

 

Allaffissornikkut sullissinermut tunngatillugu Tasiilami immikkoortumi aqutsisoq attaavigisassavat, suliannulli tunngasut pillugit Nuummi pisortat immikkoortut attavigisarlugit. Ingerlatsivimmi pisortanut eqimattanut sap. Akunnikkaartumillu pilersaarusiornernut kiisalu ataqatigiissarinerit pillugitataatsimiinnerni peqataasassaatit.

 

Atorfik 1. oktoberimi imaluunniit isumaqatigiinnikkut inuttalerneqassaaq, atorfimmullu inunnik isumaginninnermut tunngasunik ilinniarsimasumik inuttalerneqassaaq.

 

 

 

 

Qinnuteqartumut naatsorsuutigisagut:

 

∙   Pisortatut pisortatullu misilittagaqarnissaq, tamatumunnga ilanngullugu politikkikkut aquneqartumik peqatigiiffimmi pisortaasimaneq

 

∙  Inunnik sullissisutut ilinniarsimaneq, inunnik sullissisoq pisortatut ilinniarsimasoq, aammalu passusisinnaanermik iliniagaqqisimasoq

 

∙  Inunnik isumaginninnermut sullissisinnaanermut, perorsaanermut aammalu passusisinnanermut ilisimasalik, tamatumunngalu tunngatillugu inatsisit atuuttut ilisimasaqarfigalugit

 

∙  Passussinissamut periutsit ilisimasaqarfigalutit, taamaalilluni passussunneqarnissamik neqeroorutinut tulluartunut missortinnissaat eqqarsaatigalugu

 

∙  Pisortat aqqutigalugit ingerlatsinissamut piginnaasaqarneq, taamaalilluni allannguutinik atorluarsinnaasanik pilersitsisoqarnissaq anguniarlugu

 

∙  Pilersaarusiornissamut eqqarsaasersorsinnaaneq inuttullu nammineerluni innarligassaanngitsoq suunniilluarsinnaasorlu

 

∙ Sulianik naammassinnaanermik ilisimasaqarluartot ineriartortitsinermullu isummersuisinnaasoq

 

∙  Ataqqinnittoq suleqatinullu tamanu assigisaannullu saaffiginninissaminut akuerssartoq

 

 

Kalaallit Nunaanni inoqatigiinnut ilisimasaqarneq kalaallisullu oqalussinnaaneq suliassarpassuit unammillernartullu naammassineqarnissaannut pingaarinneqarpoq.

 

 

 

Ulluinnarni suliassat suleqatigiit pisortaannut passussinermullu pisortaasut peqatigalugit makkussapput:

 

Immikkoortoqarfimmi pisortatut ingerlatsivimmi oqartussaasoqarfiit aamma aaqqiiniarnermut immikkoortoqarfiit imminnut ataqatigiinnissaat akissussaafigissavatit. Oqartussaasoqarfik ulluinnarnni suleqatigiinnik pisortamit aqunneqartarput, inunnik isumaginnittunut angajoqqaarsianillu sullissisunut, suliassallu piviusut sulissutigilluarneqarnissaat qulakkeerniarlugu.Aaqqiiniarnermut immikkoortoqarfimmi sullissinermut pisortap, piviusumik sullissinerit immikkoortoqarfinnut ukununnga innersuuttarpai; Meeqqanut Ilaqutariinnullu Sullissivik, ilaqutariinnut ilitsersuisut, inuusuttunut siunnersortit/inuusuttunut sullissivik, ilaqutariinnut siunnersortit, ilaqutariinnullu katsorsaaneq, ilaqutariinnut inissiat, arnanut qimarnguik.

Taamaattumik immikkoortoqarfimmi pisortatut inatsisit paasiuminaassinnaasut suliarisinnaassavatit, tamatumunngalu ilanngullugu inunnik sullissinerpit ineriartortinnissaa isumannaatsumillu iingerlaneqarnissaa isumagissallugu.

 

 

 

Neqeroorutigisinnaasagut:

 

·Suliat pissananganartut allanngorartullu unammillernartorpassuallit sunniuteqarfigisinnaassat

·Ataavartumik allannguutinik periarfissaqarneq.

·Ilitsersuusumiittarneq.

·Pisortatut inuttullu ineriartornissamut periarfissatsialaat.

·Kalaallit Nunaata illoqarfiit pinaarnersaannu najugaqarsinnaaneq illoqarfinnullu sinerissap kitaani kangianilu angalasarnissamut periarfiissat.

 

 

Atorfimmut tunngatillugu periarfissat immikkoorutillit

 

Piukkunnaatit suliallu naammassisat tunngavigalugit atugassartitaasut ataani allassimasut ataasiakkaarlugit, ataqatigiissillugit imaluunniit tamakkerlugit akuerineqarsinnaapput:

∙ allorlugu kisimiilluni ilitsersuusumiittarneq kiisalu gruppikkaarluni ilitsersuusumiittarneq

 

∙ ataasiarluni suliffiup akiligaanik feeriartarneq

 

∙ataasiarluni suleqatit peqatigalugit Nuummut Nuummi suleqatinik qanittumik attavigisartakkanut isumassasioriartornerit imaluunniit Qallunaat Nunaanni kommuninukarluni issumassarsioriartornerit, tamanna pisinnaassappat

 

∙ ataasiarluni qaammammusianut naapertuuttumik akissarsineq

 

 

 

Inissiaq:

 

Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu nammineq akilerneqartassapput.

 

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq suliffimmiit akilerneqassapput.

 

 

 

Annertunerusumik paasisaqarusukkuit:

 

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Pisortaq Martha Abelsen telefon 367322-mut sianersinnaavutit imaluunniit E-mail mrbl@sermersooq.gl

 

 

 

Meeqqanik pinerliisimannginnermut aammalu pineqaatissinneqarsimannginnermut uppernarsaat:


Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussatitavoq. Ilisimatitsissutigissavarput atorfinitsitsinissamut piffissarititaasoq aatsaat isumaqatigiissutigineqarsinnaammat kommunip meeqqanik pinerliisimannginnermut aammalu pineqaaatissinneqarsinannginnermut uppernarsaat tigoreerpagu.

 

 

 

 

Pineqaatissinneqarsimannginnermut uppernarsaat:


Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

 

 

 

 

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.
Atorfinititsineq qaammatini pingasuni misiliutitaqassaaq.

 

 

 

 

Qinnuteqaat:

Qinnuteqaat qulequtserlugu Atorfiup ilisarnaataa 657-22-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

 

 

 

 

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

 

 

Malugiuk: 


Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

 

Qinnuteqarnissamut killissarititaasoq: septembarip 28.-at, 2022

Atorfik una qinnuteqarfigiuk