Skip to main content
140

Dette jobopslag er udløbet

Meeqqanut Ilaqutariinnullu Ingerlatsivik Stabimi AC-fuldmægtigissarsiorpoq

Meeqqanut Ilaqutariinnullu Ingerlatsivik Stabimi AC-fuldmægtigissarsiorpoq

Meeqqanut ilaqutariinnullu ilungersunartumik inissisimasunut allanngueqataarusuppit?

 

Meeqqanut Ilaqutariinnullu Ingerlatsivimmi Stabi ilinniagartuumik tunniusimasumillu isumaginninnermut tunngasunik immikkut soqutigisalimmik, ilanngullugu ikorfartuineq, pitsaaliuineq, kiisalu suliassaqarfinni assigiinngitsuni suleqatigiinneq. Stabimi AC- fuldmægtigitut Meeqqanut Ilaqutariinnullu Ingerlatsiviup ataani sulininni suliassatit politikkikkut attuumassuteqartuniit innuttaasunut tunngasunut suliaqartassaatit taamaattumik suliassanik assigiingissitaartunik pingaarnersiorsinnaassaatit. Isumaginninnermut immikkoortortaqarfik assigiinngitsunik suliassaqarfeqarpoq, suliassaqarfiit akimorlugit aaqqissuussatigut, suliniuteqartutut inatsisitigullu suleqatigiinnerit peqataaffiginissaanik immikkorluinnaq periarfissiissaaq.

 

 

Meeqqanut Ilaqutariinnullu Ingerlatsivimmi meeqqanut ilaqutariinnullu immikkut pisariaqartitsisunut tunngasunik, meeqqanut innarluutilinnut tunngasunik, meeqqanut ikorfartortinut suliassaqarfimmi isumaginnittoqarfimmi oqartussaasutut sullissineq minnerunngitsumillu allatsitut kiffartuussinernik suliaqartoqartarpoq. Ingerlatsivik kommunimi tamarmi immikkoortortaqarpoq, paaqqinniffeqarluni sulisoqarlunilu Stabi, sulilerfigisassat, Nuummi inissisimavoq. Stabip pitsaassutsikkut, siuariartornermut, oqartussaqarfiullu aqunnissaanut pisortamut fagchefinullu ataasiakkaanut tapersersuinissaq pingaarnertut suliassaraat aamma ingerlatsiviup immikkoortortaqarfiani ikiorsiissutitut neqeroorutit ingerlatissallugit.

Stabimi suleqatigiit pimoorussilluartut arfiniliugallarput, assigiinngitsunik ilinniagallit misilittagallillu, taakkulu tamarmik stabschefi aqutsisoraat, taannalu illit qaninnertut aqutsisorissavat. Immikkoortortaqarfik mikisunnguummat immitsinnut annertuuniit annikitsunik suliassanik ikioqatigiittarpugut. 

 

 

Atorfik pillugu

 

AC-fuldmægtigitut ilaatigut makkua suliarissavatit:

 

∙ Politikerinik kiffartuussineq, soorlu suliassanik saqqummiussaliorneq aamma tusarniaassutit akissuteqarfiginerat.

 

∙ Misissueqqissaarnernik, killiffiit pillugit nalunaarusiornernik ingerlatsiviullu akisussaaffeqarfiinik nalilersuinernik suliaqarneq.

 

∙ Inerisaanermut suliniutit pillugit aallartisaaneq, suliarinninneq malitseqartitsinerlu, pingaarnertut ingerlatsivimmi ikiorsiinermut suliassaqarfik.

 

∙ Sulinermi aqutsineq aamma isumasioqatigiittoqartillugu, immikkut sammisaqartoqartillugu aamma ataatsimeersuarnerni immikkut ilinniartitsineq.

 

∙ Illup iluani attaveqaqatigiinnermut suliassanik suliaqarneq, soorlu nittartagaq pillugu allaaserinninneq, tusagassiorfinnut nalunaarutissanik missingiussineq aamma ingerlatsivimmit suleqatigiinnut nutaarsiassanik suliaqarneq.

 

∙ Suliassaqarfinni assigiinngitsuni suliniuteqarnermi suleqatigiinnissamik aaqqissuussineq.

 

∙ Suliffeqarfiup iluani suleriaatsinik aamma ingerlatsivimmi sulisunut najoqqutassanik suliaqarneq.

 

∙ Immikkoortumut nassuiaatinik allaaserinninneq aamma sulianik allaaserinninnernik suliaqarneq.

 

∙ Assigiinngitsunik suliallit ataatsimiititaanni allatsitut kiffartuussineq.

 

Ataani allaqqasut ilinnut naleqquppata, qinnuteqarnissat kaammattuutigissavarput:

 

∙ Naleqquttumik ingerlaqqiffiusumik ilinniagaqarsimavunga.

 

∙ Isumaginninnermi, ingammik ikiorsiinermik suliassaqarfimmi ingerlatsinermi suliassanik paasisimasaqarpunga.

 

∙ Allakkatigut oqaatsillu atorlugit paasissutissanik ingerlatitseqqillaqqissuseqarpunga.

 

∙ Qarasaasiamik atuinermi piginnaasaqarluarpunga.

 

∙ Suliassaqarfinni assigiinngitsuni suleqateqarnermik misilittagaqarpunga imaluunniit soqutiginnippunga.

 

∙ Suleqatikkuminartuuvunga suliassat assigiinngissitaartut suliarissallugit sungiusimasarivara nutaanillu misilittaarusussuseqarlunga.

 

∙ Suliassaqarfinni ilisimasaqarfiginngisanni misissueqqissaarnernik atorneqarsinnaasunik tunniussisinnaavunga.

 

∙ Kommuneqarfik Sermersuumi politikkikkut aalajangiiniarnermilu allaffissornikkut ingerlariutsinik misilittagaqarpunga, ilisimasaqarpunga imaluunniit soqutigisaqarpunga.

 

∙ Misissueqqissaarsinnaasuseqarluarpunga pingaanersiorluarsinnaallungalu.

 

∙ Suliannik illup iluani avataanilu suleqatinut avitseqateqarsinnaavunga.

 

∙ Aqutsinermik ataqatigissaarinermillu piginnaasaqarpunga, aammalu pilersaarutinik annertunerusunik sunniuteqarluartumik ingerlatsinissaq qulakkeersinnaallugu.

 

∙ Immikkoortortaqarfimmi suleqatigiinnut suleqataalluarnikkut sunniuteqaqataanissaq kissaatigaara.

 

Neqeroorutigaavut:

 

Suliat imarisaannut sunniuteqarnissamut periarfissaqartitsisoq, suliffeqarfimmi ineriartortumi allanngoriartortumilu nammineerluinnarluni annertuumik akisussaaffeqartitaaneq. Suliffeqarfittut ulluinnarni suliassat assigiinngisitaartut suliatigullu unamminarsinnaasunik suliaqartarnissaq kiisalu pikkorissunik tunniusimasunillu, ilumoorsaaginnarfiunngitsumik oqaloqatigilluarsinnaasannik suleqatissaqarneq neqeroorutigaarput. Stabi massakkuugallartoq immikkoortortaqarfiaraavoq arfinillit missaanik sulisulik. Suliffigissaarnissaq pingaartinneqaqaaq taamaattumik qaammatini siullerni ilisimasassanik tuniorarneqarluarnissat naatsorsuutigissavat.

Nutaaliorsinnaassuseqarnermut periarfissaqartitsivugut sulianillu naammassinninniarnermi alapernaassuseqarluta pitsaasumillu siunertaqarluta suleriuseqartarluta. Piginnaasavit pioreersut ineriartorteqqinnissaanut annertusarnissaanullu periarfissaqarluarputit.

 

Annertunerusumik paasisaqarusukkuit:

 

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: stabschef Hans Severin Berg oqarasuaat tlf.nr. 367356 iml. fagchef Ellen Magnussen tlf.nr. 367331 iml. mail sepi@sermersooq.gl aqqutigalugu taakku saaffigikkit.

 

 

 

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pinerluuteqarsimannginnermut uppernarsaammik Politiinit aatsaat pissarsereerpat.

 

 

Akissaatinut atorfinitsitaanermullu tunngatillugu atugassarititaasut:

Naalakkersuisut, AC/DJØF imaluunniit kattuffiup allap isumaqatigiinniarsinnaatitaasup isumaqatigiissutaat atuuttoq naapertorlugu akissarsiaqartitsisoqarlunilu atorfinitsitsisoqassaaq. Atorfinitsitsineq qaammatini pingasuni misiliutigineqaqqaassaaq.

Ineqarneq

Atorfinittumut tunngatillugu inissiamik innersuussisoqarsinnaanngilaq.

 

Qinnuteqaat:

Qinnuteqaat qulequtserlugu Atorfiup ilisarnaataa 875-22-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

 

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Malugiuk: 


Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

 

Qinnuteqarnissamut killissarititaasoq: decembarip 6.-at, 2022

Atorfik una qinnuteqarfigiuk