Skip to main content
121

Dette jobopslag er udløbet

Meeqqanut Ilaqutariinnullu Ingerlatsivik Stabimi AC-fuldmægtigissarsiorpoq /Atorfiup nr. 541/21

Ajornakusoortunik ajornanngitsumik suliaqarsinnaavit?
Meeqqanut Ilaqutariinnullu Ingerlatsivimmi Stabi ilinniagartuumik tunniusimasumillu suliassanik assigiinngiiaartunik naammassinnissinnaasumik suleqatissarsiorpoq. 

Stabimi AC- fuldmægtigitut Meeqqanut Ilaqutariinnullu Ingerlatsiviup ataani sulininni suliassatit politikkikkut attuumassuteqartuniit innuttaasunut tunngasunut suliaqartassaatit taamaattumik suliassanik assigiinngissitaartunik pingaarnersiorsinnaassaatit. Isumaginninnermut immikkoortortaqarfik aamma assigiinngitsunik suliassaqarfeqarpoq, suliassaqarfiit akimorlugit aaqqissuussatigut, suliniuteqartutut inatsisitigullu suleqatigiinnerit peqataaffiginissaanik immikkorluinnaq periarfissiisaaq.

Meeqqanut Ilaqutariinnullu Ingerlatsivimmi meeqqanut ilaqutariinnullu immikkut pisariaqartitsisunut tunngasunik, meeqqanut innarluutilinnut tunngasunik, meeqqanut ikorfartortinut suliassaqarfimmi isumaginnittoqarfimmi oqartussaasutut sullissineq minnerunngitsumillu allatsitut kiffartuussinernik suliaqartoqartarpoq. Ingerlatsivik kommunimi tamarmi immikkoortortaqarpoq, paaqqinniffeqarluni sulisoqarlunilu Stabi, sulilerfigisassat, Nuummi inissisimavoq. Stabip pitsaassutsikkut, siuariartornermut, oqartussaqarfiullu aqunnissaanut pisortamut fagchefinullu ataasiakkaanut tapersersuinissaq pingaarnertut suliassaraat kiisalu ingerlatsiviup immikkoortortaqarfiani ikiorsiissutitut neqeroorutit ingerlatsissallugit.

Stabimi suleqatigiit pimoorussilluartut tallimaagallarput, assigiinngitsunik ilinniagallit misilittagallillu, taakkulu tamarmik stabschefi aqutsisoraat, taannalu illit qaninnertut aqutsisorissavat. Immikkoortortaqarfik mikisunnguummat immitsinnut annertuuniit annikitsunik suliassanik ikioqatigiittarpugut. 

Atorfik pillugu

AC-fuldmægtigitut ilaatigut makkua suliarissavatit:

  • Meeqqanut Ilaqutariinnullu Ataatsimiititamut suliassanik saqqummiussassanik suliaqarneq.
  • tusarniaanermi akissuteqaasiorneq
  • misissueqqissaarnernik, killiffiit pillugit nalunaarusiornernik ingerlatsiviullu akisussaaffeqarfiinik nalilersuinernik suliaqarneq.
  • suliniutinik aalajangersimasunik aallartisaanerit, naammassinninnerit killiffissiuinerillu.
  • ingerlatsiviup suliassanik ingerlatsineranut ilisimaarinneq taannalu atornissaanut ilinniussisinnaaneq.
  • suliassanik ingerlatsinermut systemimut GetOrganized akisussaaneq (atuisutut immikkut ilisimasalik).
  • illup iluani attaveqaqatigiinnermut suliassanik suliaqarsinnaaneq soorlu ingerlatsivimmit suleqatigiinnut nutaarsiassanik suliaqarneq.
  • suleriutsinik malitassanik uanilu allaffissornikkut tunngavissanik suliaqarneq.
  • kisitsisinik tunngaviusunik suliaqarneq pissarsiniarnerlu.
  • immikkoortumut nassuiaatinik allaaserinninneq.
  • suliassat allattorsimaffiinik suliaqarneq.

Ataani allaqqasut ilinnut naleqquppata, qinnuteqarnissat kaammattuutigissavarput:

  • Naleqquttumik ingerlaqqiffiusumik ilinniagaqarsimavunga.
  • Isumaginninnermut tunngasunik soqutigisaqarpunga.
  • IT-mut ESDH-systeminullu tunngasut misilittagaqarfigaakka imaluunniit soqutigisaraakka.
  • Suleqatikkuminartuuvunga suliassat assigiinngissitaartut suliarissallugit sungiusimasarivara nutaanillu misilittaarusussuseqarlunga.
  • Suliassaqarfinni ilisimasaqarfiginngisanni misissueqqissaarnernik atorneqarsinnaasunik tunniussisinnaavunga. 
  • Kommuneqarfik Sermersuumi politikkikkut aalajangiiniarnermilu allaffissornikkut ingerlariusinik misilittagaqarpunga, ilisimasaqarpunga imaluunniit soqutigisaqarpunga.
  • Misissueqqissaarsinnaassuseqarluarpunga pingaarnersiorluarsinnaallungalu.
  • Allakkatigut oqaatsillu atorlugit paasissutissanik ingerlatitseqqillaqqissuseqarpunga.
  • Suliannik illup iluani avataanilu suleqatinut avitseqateqarsinnaavunga.
  • Aqutsisinnaanermut ataqatigissaarisinnaanermullu piginnaasaqarpunga, aammalu pilersaarutinik annertunerusunik sunniuteqarluartumik ingerlatsinissaq qulakkeersinnaallugu.
  • Immikkoortortaqarfimmi suleqatigiinnut suleqataalluarnikkut sunniuteqaqataanissaq kissaatigaara.

Neqeroorutigaavut:
Suliat imarisaannut sunniuteqarnissamut periarfissaqartitsisoq, suliffeqarfimmi ineriartortumi allanngoriartortumilu nammineerluinnarluni annertuumik akisussaaffeqartitaaneq. Suliffeqarfittut ulluinnarni suliassat assigiinngisitaartut suliatigullu unammillernarsinnaasunik suliaqartarnissaq kiisalu pikkorissunik tunniusimasunillu, ilumoorsaaginnarfiunngitsumillu oqaloqatigilluarsinnaasannik suleqatissaqarneq neqeroorutigaarput. Stabi massakkuugallartoq immikkoortortaqarfiaraavoq tallimat missaanik sulisulik. Suliffigissaarnissaq pingaartinneqaqaaq taamaattumik qaammatini siullerni ilisimasassanik tuniorarneqarluarnissat naatsorsuutigissavat.

Nutaaliorsinnaassuseqarnermut periarfissaqartitsivugut sulianillu naammassinninniarnermi alapernaassuseqarluta pitsaasumillu siunertaqarluta suleriuseqartarluta. Piginnaasatit pioreersut ineriartorteqqinnissaanut annertusarsinnaanissaanullu periarfissaqarluarputit.

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommuneuppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq

Akissaatinut atorfinitsitaanermullu tunngatillugu atugassarititaasut:
Naalakkersuisut, AC/DJ imaluunniit kattuffiup allap isumaqatigiinniarsinnaatitaasup isumaqatigiissutaat atuuttoq naapertorlugu akissarsiaqartitsisoqarlunilu atorfinitsitsisoqassaaq. Atorfinitsitsineq qaammatini pingasuni misiligutaaqqaassaaq.

Inissaqartitsineq  
Atorfimmut atatillugu inissiamik atugassiisoqanngilaq.

Imatut qinnuteqassaatit
Qinnuteqaat Atorfiup nr. 541/21 ilisarnaaserlugu, aamma ilinniagaqarsimaneq siornatigullu sulisimanermik paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq. Qinnuteqaatit elektroniskimik nassiunneqassaaq, quppernermi matumani allerpaami innersuussaq toorukku qinnuteqaatit CV-llu kakkiullugit nassiussinnaavatit.

Itinerusumik paasisaqarnerorusukkuit
Atorfik pillugu paasisaqarnerorusukkuit stabschefi Hans Severin Berg oqarasuaat 367356 imal. E-mail: sebe@sermersooq.gl. saaffigiuk

 

Qinuteqaat tunniunneqassaaq kingusinnerpaamik: 11. oktober 2021
Atorfininneq: Isumaqatigiissuteqarnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Stabschef Severin Berg
Telefon: +299 367356
Nittartagaq: http://www.sermersooq.gl
Qinnuteqaat nassiutiguk