Skip to main content
121

Dette jobopslag er udløbet

Meeqqanut Ilaqutariinnullu Ingerlatsivik Stabimi kontorfuldmægtigissarsiorpoq / Atorfiup nr. 561/21

Kommuneqarfik Sermersooq Meeqqanut Ilaqutariinnullu Ingerlatsivimmi Stabimi kontorfuldmægtigimik pikkorissumik pimoorussisumillu ulloq 15.10.2021 imaluunniit isumaqatigiissuteqarnikkut atorfinittussamik pissarsiorpoq.

Meeqqanut Ilaqutariinnullu Ingerlatsivimmi meeqqanut immikkut pisariaqartitsisunut tunngasunik, meeqqat innarluutilinnut tunngasunik, isumaginnittoqarfimmi oqartussaasutut sullissinernik minnerunngitsumillu allatsitut kiffartuussinernik suliaqartoqartarpoq. Ingerlatsivik kommunimi tamarmi immikkoortortaqarpoq, paaqqinniffeqarluni sulisoqarlunilu Stabi, sulilerfigisassat, Nuummi inissisimavoq.

Stabi kiffartuussinermik immikkoortortaqarfiuvoq pisortamut fagchefimut, ingerlatsiviup susassaqarfiani pitsaasumik, siuariartortitsinermik aqutsinermillu tapersersuisoq. Tamatuma saniatigut Stabi Meeqqamut Ilaqutariinnullu Ataatsimiititamut politikikkut kiffartuussisuuvoq.

Stabimi suleqatigiit pimoorussilluartut tallimaagallarput, assigiinngitsunik ilinniagallit misilittagallillu, taakkulu tamarmik stabschefi aqutsisoraat, taannalu illit qaninnertut aqutsisorissavat. Immikkoortortaqarfik mikisunnguummat immitsinnut annertuuniit annikitsunik suliassanik ikioqatigiittarpugut.

Illit ilaatigut makku suliarisassavatit:

Suliassatit allaffissornermut tunngassapput, pingaartumilli naatsorsuuserinermut aningaasaqarnermullu tunngasuussapput. Suliassanut pingaarnernut assersuutit:

  • Naatsorsuuserinerit
  • Akiligassanik akiliisarnerit
  • Aningaasaqarnermut malitseqartitsineq
  • Meeqqat allattorsimaffianik nutarterineq
  • Nalunaarsuisarneq
  • Timmisartumut billetsinik inniminniisarnerit

Piffissat ilaanni siuliani taaneqartut saniatigut allanik suliaqartarnissat naatsorsuutigissavat, tassani taaneqarsinnaapput:

  • Suleqatigiinnut aqutsisunullu paasissutissanik suliaqarnermik tapersiineq
  • Saaffiginnittarfimmi taartaasarneq
  • Ingerlatsiviup allagarsiaanik paasissutissanik ingerlatitseqqiisarneq
  • Missingersuusiornermi ikiuunneq

Naatsorsuutigaarput:

  • HK-tut assigisaannilluunniit ilinniarsimasutit pisortanilu allaffissorneq soqutigisaqarfigigit misilittagaqarfigalugulu
  • Naatsorsuutinut naatsorsuusiornermullu tunngatillugit misilittagaqartutit
  • IT-kkut atortorissaarutinik ilisimasaqarnerit taakkununngalu tunngatillugu piginnaasaqarnerit

Pingaartipparputtaaq:

Tunngaviusumik sulisutut suleqataasutullu nalinginnaasumik allaffissornikkut ingerlatsinermik pingaartitsisuunerit naatsorsuutigineqarpoq. Pingaaruteqarporli suliat sooq taamatut suliarineqartarnersut pillugit alapernaatsuunissat. Immikkoortortaqarfimmi ineriartortuartuuvugut, ineriartornissamullu pitsaasuusarpoq alapernaatsuunissaq. Taamaattuttaaq pingaartipparput:

  • Suliassannut minnerunngitsumillu suleqatinnut nuannersumik ammasumillu periuseqassasutit
  • Suleqatitit oqaloqatigisarlugillu suleqatigisassagitit
  • Sullissisinnaassuseqassasutit
  • Suliffimmi persuarsiorfiunngitsumi suleqatigiilluarfiusumilu ataatsimullu suliassanik kivitseqatigiiffiusumik sulinermik nuannarinnittuussasutit
  • Politikikkut suliassaqarfimmi suliat tulleriaartarnerisa allanngoriataarsinnaaneri malillugit allannguisinnaasutit
  • Marluinnik oqaaseqarnissat iluaqutaassaaq (kalaallisut qallunaatullu)

Neqeroorutigaarput:

  • Immikkoortortami nuannersumi atorfik suliatigut qaffasissoq suleqatigiillu ataqatigiilluartut
  • Suleqatit nuannaartut pikkorissut ikiuiumatuullu
  • Atorfik suliassanik unammillernartulik namminerlu suliassanik sunniuteqarfigisinnaasaq
  • Suliffik atugarissaarnissamik ineriartornissamillu pingaartitsisoq

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommuneuppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.

Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

Atorfinititsineq qaammatini pingasuni misiliutitaqassaaq

Inissaq:
Atorfimmut atatillugu inigisassamik innersuussisoqarsinnaanngilaq.

Qinnuteqaat:
Qinnuteqaat atorfiup normuanik ilisarnaatilik Atorfik nr. 561/21  aamma ilinniagaqarsimaneq siornatigullu suliffigisimasat pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Ima qinnuteqassaatit:
Qinnuteqaatip elektroniskimik nassiunneqassaaq, quppernermi matumani allerpaami innersuussaq toorukku qinnuteqaatit CV-llu kakkiullugit nassiussinnaavatit.

MALUGIUK: Pappiaqqanik mailikkulluunniit qinnuteqaatit tiguneq ajorpavut.

 

Qinuteqaat tunniunneqassaaq kingusinnerpaamik: 12. oktober 2021
Atorfininneq: Isumaqatigiissuteqarnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Stabschef Severin Berg
Telefon: +299 367356
Nittartagaq: http://www.sermersooq.gl
Qinnuteqaat nassiutiguk