Skip to main content
134

Dette jobopslag er udløbet

Meeqqanut Ilaqutariinnullu Ingerlatsivik Stab-imi AC-fuldmægtigissarsiorpoq

Meeqqanut Ilaqutariinnullu Ingerlatsivik Stabimi AC-fuldmægtigissarsiorpoq

 

 

Ajornartorsiutit ajornakusoortut suliassallu allanngorartut suliarisinnaavigit ?

 

 

Meeqqanut Ilaqutariinnullu Ingerlatsivimmi Stabi tunniusimasumik ilinniagartuumik suliassanik assigiinngiiaartunik naammassinnissinnaasumik suleqatissarsiorpoq.

 

 

Meeqqanut Ilaqutariinnullu Ingerlatsivimmi meeqqanut ilaqutariinnullu immikkut pisariaqartitsisunut meeqqanullu innarluutilinnut sullissinermik kiisalu allatsitut kiffartuussinernik suliaqartoqartarpoq. Ingerlatsivik kommunimi tamarmi immikkoortortaqarpoq, paaqqinniffeqarluni sulisoqarlunilu Stabi, sulilerfigisassat, Nuummi inissisimavoq. Tassani ingerlatsivimmi ingerlatsinermik ineriartortitsinermillu suliaqartarpugut, pingaartumik pisortaq fagchefillu ataasiakkaat pitsaassutsimik, siuariartortitsinermik tamanillu takunnissinnaanissaannik qulakkeerinninnissaannik tapersersorpavut. Stabimi suleqatigiit pimoorussilluartut arfineq pingasuugallarput, assigiinngitsunik ilinniagallit misilittagallillu, taakkulu tamarmik stabschefi aqutsisoraat, taannalu illit qaninnertut aqutsisorissavat. Immikkoortortaqarfik mikisunnguummat immitsinnut annertuuniit annikitsunik suliassanik ikioqatigiittarpugut. Suliffigissaarnissaq pingaartinneqaqaaq taamaattumik qaammatini siullerni suliassanut alapernaalersitsisunik ilisimasassanik tuniorarneqarluarnissat naatsorsuutigissavat

 

 

Stabimi AC- fuldmægtigitut Meeqqanut Ilaqutariinnullu Ingerlatsiviup ataani sulininni suliassatit politikkikkut attuumassuteqartuniit innuttaasunut tunngasunut suliaqartassaatit. Taamaattumik namminersorlutit suliaqarsinnaassuseqassaatit suliassanillu pingaarnersiuisinnaallutit. Isumaginninnermut immikkoortortaqarfik aamma assigiinngitsunik suliassaqarfeqarpoq, suliassaqarfiit akimorlugit aaqqissuussatigut, suliniuteqartutut inatsisitigullu suleqatigiinnerit peqataaffiginissaanik immikkorluinnaq periarfissiissaaq. Ingerlatsinermi sulinermi suliamillu ingerlatsinerup pitsanngorsarnissaanut ikiuutissaatit. Ilaatigut isumaginninnermi suliniutinik, elektroniskimi suliamik suliaqarnermi pappilissanillu suliaqarnermi politikkikkullu ataatsimiititanut isumaginninnermi sulianik allaaserinninnerit ineriartortinneranik tapersersuissaatit. Taamatuttaaq ingerlatsivimmi IT-inik assigiinngitsunik atuinernik ikiuunnissamut ingerlaavartunik suliassaqartassaaq, pingaartumik elektroniskimi suliamik suliaqarnermi pappilissanillu suliaqarnermi (ESDH).

 

 

Atorfik pillugu
AC-fuldmægtigitut ilaatigut makkua suliarissavatit:

  • suliassanik ingerlatsinermut systemimut GetOrganized akisussaaneq (atuisutut immikkut ilisimasalik).
  • Kommunip Meeqqanut Ilaqutariinnullu Ataatsimiititaanut suliassanik saqqummiussassanik suliaqarneq.
  • tusarniaanermi akissuteqaasiorneq
  • misissueqqissaarinernik, killiffiit pillugit nalunaarusiornernik ingerlatsiviullu akisussaaffeqarfiinik nalilersuinernik suliaqarneq.
  • suliniutinik aalajangersimasunik aallartisaanerit, pilersaarusiornerit, naammassinninnerit killiffissiuinerillu.
  • ingerlatsiviup suliassanik ingerlatsineranut ilisimaarinninneq taannalu atornissaanut ilinniussisinnaaneq.
  • illup iluani attaveqaqatigiinnermut suliassanik suliaqarsinnaaneq soorlu ingerlatsivimmit suleqatigiinnut nutaarsiassanik suliaqarneq.
  • illup iluani suleriutsinik malitassanik uanilu allaffissornikkut tunngavissanik suliaqarneq nutarterinerlu.
  • Ingerlatsivimmi ilinniartitsinernut isumasioqatigiinnernillu ataqatigiissaarisuuneq namminerlu atuartitsinissamik suliaqarneq.
  • kisitsisinik toqqammavissanik amerlassutsinillu misissueqqissaarinernik pissarsineq suliaqarnerlu.
  • Immikkoortumut nassuiaatinik allaaserinninneq aamma katsorsaanissamut neqeroorutinut sulianik allaaserinninnernik suliaqarneq.

 

 

Atorfik AC-fuldmægtigitut inissisimavoq. Qinnuteqartoq naapertuuttunik piginnaaneqarlunilu misilittagalik, sukumiisumik naliliineq aallaavigalugu immikkut siunnersortitut atorfimmik neqeroorfigineqarsinnaavoq.

 

 

Ataani allaqqasut ilinnut naleqquppata, qinnuteqarnissat kaammattuutigissavarput:

  • Naleqquttumik ingerlaqqiffiusumik ilinniagaqarsimavunga.
  • Isumaginninnermut tunngasunik soqutigisaqarpunga.
  • IT-imut ESDH-systeminullu tunngasut misilittagaqarfigaakka imaluunniit soqutigisaraakka.
  • Suleqatikkuminartuuvunga suliassat assigiinngisitaartut suliarissallugit sungiusimasarivara nutaanillu misilittaarusussuseqarlunga.
  • Suliassaqarfinni ilisimasaqarfiginngisanni misissueqqissaarinernik atorneqarsinnaasunik tunniussisinnaavunga.
  • Kommuneqarfik Sermersuumi politikkikkut aalajangiiniarnermilu allaffissornikkut ingerlariutsinik misilittagaqarpunga, ilisimasaqarpunga imaluunniit soqutigisaqarpunga.
  • Misissueqqissaarisinnaassuseqarluarpunga pingaanersiuisinnaalluarlungalu.
  • Allakkatigut oqaatsillu atorlugit paasissutissanik ingerlatitseqqillaqqissuseqarpunga.
  • Suliannik illup iluani avataanilu suleqatinut avitseqateqarsinnaavunga.
  • Aqutsinermik ataqatigissaarinermillu piginnaasaqarpunga, aammalu pilersaarutinik annertunerusunik sunniuteqarluartumik ingerlatsinissaq qulakkeersinnaallugu.
  • Immikkoortortaqarfimmi suleqatigiinnut suleqataalluarnikkut sunniuteqaqataanissaq kissaatigaara.

 

 

Uagut neqeroorutigaavut:

  • Suliffik unammillernartoq qanoq imaqarnissaanik nammineq sunniuteqarfiginissaanut periarfissagissaartoq.
  • Suliffik unammillernartortalinnik suliassartalik, suliffeqarfimmilu ineriartortinneqartuartumi allanngorartuartumilu annertuumik akisussaassuseqarfiusoq.
  • Suliffeqarfittut ulluinnarni suliassat assigiinngisitaartut suliatigullu unammillernarsinnaasunik suliaqartarnissaq kiisalu pikkorissunik tunniusimasunillu, ilumoorsaaginnarfiunngitsumik oqaloqatigilluarsinnaasannik suleqatissaqarneq.
  • Suliffik nutaaliorsinnaassuseqarnermut nassaarsiorsinnaanermullu inissaqartitsisoq sulianillu naammassiniaanermi alapernaassuseqarluta pitsaasumillu siunertaqarluta suleriuseqartarluta.
  • Piginnaasavit pioreersut ineriartorteqqinnissaanut annertusarnissaanullu periarfissaqarluarputit.

 

 

Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

 

 

Akissaatinut atorfinitsitaanermullu tunngatillugu atugassarititaasut:
Naalakkersuisut, AC/DJØF imaluunniit kattuffiup allap isumaqatiginninniarsinnaatitaasup isumaqatigiissutaat atuuttoq naapertorlugu akissarsiaqartitsisoqarlunilu atorfinitsitsisoqassaaq. Atorfinitsitsineq qaammatini pingasuni misiligutitaqassaaq.

 

 

Inissaq:
Atorfinittumut tunngatillugu inissiamik innersuussisoqarsinnaanngilaq.

 

 

Qinnuteqaat:
Qinnuteqaat qulequtserlugu Atorfiup ilisarnaataa xx/xx-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

 

 

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

 

Malugiuk:  Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

 

Itinerusumik paasisaqarnerorusukkuit
Atorfik pillugu paasisaqarnerorusukkuit stabschefi Hans Severin Berg oqarasuaat 367356 imal. E-mail: sebe@sermersooq.gl. saaffigiuk

 

 

 

Qinnuteqarnissamut killissarititaasoq: oktobarip 18.-at, 2022

Atorfik una qinnuteqarfigiuk