Skip to main content
106

Dette jobopslag er udløbet

Meeqqanut Ilaqutariinnullu Ingerlatsivik AC-Fuldmægtigimik pissarsiorpoq /Atorfiup ilisarnaataa. 314/19

Allaatiginnillaqqissuuit pilersaarusiornermut aqutsillaqqippit taavalu meeqqanut ilaqutariinnermullu tunngasunik nuannarisaqarluartuullutit? Meeqqanut inuusuttuaqqanullu atugarliortunut suliamik kivitseqataanissannut, ingerlatsivimmi nutaajusumi pisortaqatigiinnut ikiuunnissannut taavalu ineriartortitsinernik suliaqarsinnaanissannut sapiutinngilatit? Kommuneqarfik Sermersooq inooqatigiinnik ilisimatuumik kandidatimik Meeqqanut Ilaqutariinnullu Ingerlatsivimmi atorfimmut allanngorarsinnaasumut AC-fuldmægtigimik pissarsiorpoq.

Politikkikkut anguniakkanit isumaqatigiissut ”Kommuneqarfik Sermersooq – kommune illoqarfittut pingaarnersaqarfik siumukarfiusoq. Siuariartorneq – Toqqissisimaneq– Inerikkiartorneq” meeqqanut ilaqutariinnullu tunngasunik ineriartortitsinissamut ukiuni sisamani aallaaviuvoq. Meeqqanut inuusuttuaqqanullu atugarliortunut suliniutit annertuumik pitsanngorsaavigineqassapput. Tamanna iluatsissinnaajumallugu ingerlatsivimmik nutaamik pilersitsisoqarpoq: Meeqqanut Ilaqutariinnullu Ingerlatsivik.

AC-fuldmægtigitut pingaarnertut suliassat ilagaat ingerlatsivimmi qullersanut ikorfartuinissaq: Pisortaqatigiit aalajangiinerinut qularnaarlugit ingerlatitseqqittarnissat peqataaffigisassavatit. Suliassavit ilagissavaat politikkikkut aalajangiinissamut tunngavissiornerit allakkatigut ingerlatitseqqittarnissaq taavalu ineriartornermut suliniutinut aqutsisuusassallutit politikkikkut takorluukkat piviusunngortinnissaat anguniarlugit. Aammattaaq allaffissornikkut suliassanik ikiuuttassaatit soorlu assersuutigalugu imaqarnilianik allanneq. Allanngorartumik suleriuseqarnissaq naatsorsuutigisinnaavat, sulianut tunngatillugu inuttullu ineriartorfiusumik periarfissaqarluassaatit. Taamatuttaaq meeqqanut ilaqutariinnermullu tunngasunik suliassanik ilisimasaqarlualernissarnut periarfissaqarluassaatit.

AC-fuldmægtigitut allaffissornermi sulialinnut akuulissaatit, ingerlatsivimmik ikorfartueqataanissannut. Maani AC-suleqatigiinni ilaalissaatit, taassani suleqatigiit AC-fuldmægtigi marluupput nakkutilliinermullu siunnersorti ataaseq. Sulisut sulisuttaaq ningiuannik ilaqarput, nakkutilliilluni ilitsersuisumik taamatuttaarlu allaffissornikkut suleqatit pingasut.

Atorfik aggustip aallaqqaataani isumaqatigiissuteqarnikkulluunniit inuttalerneqarsinnaavoq.  

Akisussaaffeqarfiit:
Meeqqanut Ilaqutariinnermullu Ingerlatsivimmi, allaffissornikkut ineriartornermullu ataavartumik nammineersinnaalluartumillu AC-fuldmægtigimik pissarsiorpugut. Suliassat tamatigoortut arlallit suliassarisalertussaassavatit, taassuma ataani:

  • Sulianut nassuiaatit aamma sulianik ataqatigiissaarineq
  • sulianik saqqummiussineq, allakkianik aamma oqallisissianik il.il allattarnissaq
  • Pisinnaasamillu imaqarniliorneq aammalu allaffissornikkut suliassat allat
  • Pisinnaasamik aningaasaliisussarsiornerit
  • Pisinnaasamik sulianik/suliniutinillu nalilersuineq
  • sulisut ningiuat isumaqatigalugu allanik suliassanik sulisinnaaneq

Ilinnut tunngasut 
Matuma ataani allassimasut amerlanersaat ilinnut eqqortuussasut naatsorsuutigaarput:

  • Inooqatigiinnik ilisimatuumik kandidatitut ilinniarsimassasutit assersuutigalugu sociologi imaluunniit cand.scient.pol.
  • Allattariarsornikkut pitsaasumik ingerlatitseqqittarnermik piginnaaneqarluarnissat. Allattariarsornikkut suliatit oqaasilerinikkut eqqortuunissaat aamma naatsunik ersarissunik atuaruminartunillu allassinnaassaatit.
  • Suliamik aqutserusussuseqarluarnissaq, matumani ingerlatseqatigiiffiit assigiinngitsut arlallit ilanngullugit periutsinik ingerlatsisinnaanermut piginnaaneqarnissaq.
  • Meeqqanut ilaqutariinnullu suliassaqarfinni/isumaginninnermut meeqqanullu tunngasunik ilisimasaqarputit imaluunniit suliaqartuuvutit.
  • Ataqqinnillutit inuit assigiinngitsut suleqatiginissaannut piumassuseqarlutillu piginnaasaqarputit.
  • Aaqqissuussaanermi ineriartortuartumi sulerusussuseqarputit.
  • Nammineersinnaassuseqarlutit, akisussaaffeqarlutit sullisserusussuseqarlutillu.
  • Suliassanut ingerlaavartumillu suliassat agguataarnerinik iluarsaassinissannut eqaatsumik allanngueriataarsinnaanermut piareersimasuunissat.
  • Ulluinnarni ulapaarfiusuni ukkassillutit aaqqissuisinnaassuseqarlutit sulisinnaasutit.
  • Qarasaasiamik atuinermi piginnaasaqarnissat.
  • Suliffeqarfimmik politikkikkut aqunneqartumik misilittagaqarneq iluaqutaassaaq.
  • Kalaallit Nunaanni pissutsinik ilisimasalik aamma kalaallisut oqalussinnaaneq iluaqutaassaaq.

 Neqeroorutigaarput:

  • Suliffik soqutiginartoq unammillernartunik suliassarpassualik.
  • Suleqatit pitsaasut.
  • Siunersiuineq.
  • Suliatigut inuttullu ineriartornissamut periarfissat pitsaasut.
  • Namminersorluni sulineq.
  • Kalaallit Nunaanni illoqarfiit pingaarnersaanni najugaqarnissamut periarfissaq, kiisalu kitaani tunumilu illoqarfinnut nunaqarfinnullu allanut Kommuneqarfik Sermersuup iluani angalanissanut periarfissat.

Pineqaatissinneqarsimannginnermut uppernarsaat: 
Atorfik taanna pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pineqaatissinneqarsimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommune Politiinit pineqaatissinneqarsimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Atorfinititsineq qaammatini pingasuni misiliutitaqassaaq.

Inissiaq:
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaat:
Qinnuteqaatip ilisarnaataata Job nr. 314/19, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit:                                                                                       
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 31. Maj 2019
Atorfininneq: Isumaqatigiissuteqarnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Charlotte Bech
Telefon: +299 367304
Mobil: +299 537921
Nittartagaq: http://www.sermersooq.gl
Qinnuteqaat nassiutiguk